ក្រុមសមាជិកព្រឹទ្ធសភាប្រចាំភូមិភាគទី២ ជួបសំណេះសំណាល ជាមួយក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលឃុំ និងអាជ្ញាធរស្រុកក្រូចឆ្មារ ខេត្តត្បូងឃ្មុំ

Details

Category: Provincial News

(ត្បូងឃ្មុំ) ៖ រសៀលថ្ងៃទី២៥ ខែកក្កដា ឆ្នាំ២០២៤ ក្រុមសមាជិកព្រឹទ្ធសភាប្រចាំភូមិភាគទី២ (ខេត្តត្បូងឃ្មុំ និងខេត្តកំពង់ចាម) ដឹកនាំដោយឯកឧត្តម ឡាន់ ឆន អនុប្រធានក្រុម និងជាតំណាងដ៏ខ្ពង់ខ្ពស់ ឯកឧត្តម អ៊ុច បូរិទ្ធ អនុប្រធានទី២ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញជូបសំណេះសំណាល ជាមួយ អាជ្ញាធរស្រុកក្រូចឆ្មារ ក្រុមប្រឹក្សាឃុំ ស្មៀន នាយប៉ុស្តិ៍នគរបាលឃុំ និងអ្នកពាក់ព័ន្ធប្រមាណជាង ១០០ នាក់ នៅសាលប្រជុំសាលាស្រុកក្រូចឆ្មារ ខេត្តត្បូងឃ្មុំ។

ពិធីនេះមានអញ្ជើញចូលរួមពីសំណាក់ ឯកឧត្តម ហុក ពេជ្រហោះ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ លោកជំទាវ នី ចាន់ធីតា អភិបាលរងខេត្ត លោកអភិបាលស្រុក លោកប្រធានក្រុមប្រឹក្សាស្រុក សមាជិកក្រុមប្រឹក្សាស្រុក ក្រុមប្រឹក្សាឃុំ ស្មៀន នាយប៉ុស្តិ៍នគរបាលឃុំ និងអ្នកពាក់ព័ន្ធជាច្រើនរូប។

បន្ទាប់ពី លោក សយ ទូច អភិបាល នៃគណៈអភិបាលស្រុកក្រូចឆ្មារ បានឡើងមានមតិស្វាគមន៍ រួចមក ឯកឧត្តម ឡាន់ ឆន ប្រធានក្រុមសមាជិកព្រឹទ្ធសភាប្រចាំភូមិភាគទី២ បានបង្ហាញសមាសភាព មុខងារតំណាង រាយការណ៍ និងផ្សព្វផ្សាយ នូវសកម្មភាពរបស់ព្រឹទ្ធសភា ជូនដល់អង្គពិធីជ្រាប និងបានពាំនាំផ្តាំផ្ញើសួរសុខទុក្ខ ពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងបានថ្លែងអំណរគុណយ៉ាងជ្រាលជ្រៅចំពោះអង្គបោះឆ្នោត នៃខេត្តត្បូងឃ្មុំ ដែលបានបោះឆ្នោតជូនគណបក្សប្រជាជនកម្ពុជា បានឈ្នះការបោះឆ្នោតព្រឹទ្ធសភានាពេលកន្លងទៅ ដោយបានបង្កើនទំនាក់ទំនងកាន់តែជិតស្និទ្ធជាមួយអង្គបោះឆ្នោត ដែលជាសមាជិកក្រុមប្រឹក្សាឃុំ សង្កាត់ នៅមូលដ្ឋាន។

ក្នុងកិច្ចប្រជុំ ក៏មានការលើឡើងជាសំណូម និងបញ្ហាប្រឈមនានា របស់ក្រុមប្រឹក្សាឃុំ ស្មៀនឃុំ មេប៉ុស្តិ៍ ជូនគណៈកម្មាធិការអចិន្ត្រៃយ៍ព្រឹទ្ធសភា និងព្រឹទ្ធសភា ដោយទទួលបាលការស្រាយបំភ្លឺ និងមានដំណោះស្រាយ ពីសំណាក់អ្នកពាក់ព័ន្ធផងដែរ ។

ឯកឧត្តម ឡាន់ ឆន ប្រធានក្រុមសមាជិកព្រឹទ្ធសភាប្រចាំភូមិភាគទី២ បានអំពាវនាវដល់ បងប្អូនប្រជាពលរដ្ឋគ្រប់មជ្ឈដ្ឋាន សូមរួបរួមគ្នា និងប្តេជ្ញាចិត្តខ្ពស់ ក្នុងការបន្តថែរក្សាសុខសន្តិភាពឲ្យកាន់តែរឹងមាំគង់វង្សយូរអង្វែង និងប្រឆាំងដាច់ខាតចំពោះឧបាយកល របស់ពួកអមិត្ត ឬក្រុមប្រឆាំងដែលប៉ុនប៉ងបង្កអស្ថិរភាពនយោបាយ ទោះស្ថិតក្នុងរូបភាពណាក៏ដោយ។

បន្ថែមលើនេះ ឯកឧត្តមប្រធានក្រុមសមាជិកព្រឹទ្ធសភាប្រចាំភូមិភាគទី២ បានសំណូមពរដល់គ្រប់ថ្នាក់ដឹកនាំ ពិសេសក្នុងមូលដ្ឋានឃុំ-ភូមិ ត្រូវបន្តយកចិត្តទុកដាក់ បន្តធានារក្សាឲ្យបាននូវសុខទុក្ខប្រជាពលរដ្ឋ និងត្រូវក្តាប់ឲ្យបាននូវរាល់បញ្ហាប្រឈមនានា ធ្វើការដោះស្រាយឲ្យបានទាន់ពេលវេលា និងមានប្រសិទ្ធិភាព ។

ចប់ពិធីសំណេះសំណាល ឯកឧត្តម ឡាន់ ឆន ក៏បានថ្លែងអំណរគុណ ចំពោះគាំទ្រ គម្រោងការសាងសង់ព្រែកជីកហ្វូណនតេជោ ដើម្បីជាប្រយោជន៍រួមសម្រាប់ខ្មែរយើងទាំងមូល និងបានប្រគល់ថវិកាមួយមួយចំនួន ជូនដល់ មេឃុំទាំង ១២ ឃុំ ក្នុងស្រុកក្រូចឆ្មារ ផងដែរ៕

ក្រុមសមាជិកព្រឹទ្ធសភាប្រចាំភូមិភាគ ២ នាំយកឱសថ ចំនួន ១១ មុខ សរុបចំនួន៣៤២កេះ ជាជំនួយមនុស្សធម៌របស់មូលនិធិចែករំលែកសង្គ្រោះជីវិតសកល (Global Life Sharing) នៃសាធារណរដ្ឋកូរ៉េ ប្រគល់ជូនដល់ការិយាល័យប្រតិបត្តិស្រុក និងមន្ទីរពេទ្យបង្អែកស្រុកក្រូចឆ្មារ

Details

Category: Provincial News

(ត្បូងឃ្មុំ) ៖ ថ្ងៃទី២៥ ខែកក្កដា ឆ្នាំ២០២៤ ឯកឧត្តម ម៉ម ប៊ុននាង ប្រធានគណៈកម្មការទី១០ ព្រឹទ្ធសភា តំណាងដ៏ខ្ពង់ខ្ពស់ ឯកឧត្តម អ៊ុច បូរិទ្ធ អនុប្រធានទី២ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ (ខេត្តកំពង់ចាម និងខេត្តត្បូងឃ្មុំ) និងក្រុមសមាជិកព្រឹទ្ធសភាប្រចាំភូមិភាគទី២ (ខេត្តកំពង់ចាម និងខេត្តត្បូងឃ្មុំ) ដឹកនាំដោយឯកឧត្តម ឡាន់ ឆន អនុប្រធានក្រុម បានដឹកនាំក្រុមសមាជិកព្រឹទ្ធសភាប្រចាំភូមិភាគ២ បានអញ្ជើញនាំយកអំណោយជាឱសថ ចំនួន ១១ មុខ សរុបចំនួន ៣៤២កេះ ដែលជាជំនួយមនុស្សធម៌ របស់ មូលនិធិចែករំលែកសង្គ្រោះជីវិតសកល (Global Life Sharing) នៃសាធារណរដ្ឋកូរ៉េ ប្រគល់ជូនដល់ការិយាល័យប្រតិបត្តិស្រុក និងមន្ទីរពេទ្យបង្អែកស្រុកក្រូចឆ្មារ សម្រាប់ប្រើប្រាស់នៅ តាមមណ្ឌលសុខភាព និងប៉ុស្តិ៍សុខភាព ដើម្បីរួមចំណែកដល់ការអភិវឌ្ឍន៍វិស័យសុខាភិបាល សុខុមាលភាពប្រជាពលរដ្ឋ ។

ពិធីនេះប្រព្រឹត្តទៅ នៅមន្ទីរពេទ្យបង្អែកស្រុកក្រូចឆ្មារ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ អភិបាលរងខេត្ត លោកអភិបាលស្រុកក្រូចឆ្មារ តំណាងមូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ និងក្រុមគ្រូពេទ្យជាច្រើនរូប។

ឯកឧត្តម ម៉ម ប៊ុននាង បានលើកឡើងថា អំណោយជាឱសថ ដែលបាននាំមកប្រគល់ជូន ការិយាល័យប្រតិបត្តិស្រុក និងមន្ទីរពេទ្យបង្អែកស្រុកក្រូចឆ្មារ នាពេលនេះ គឺជាជំនួយមនុស្សធម៌ របស់មូលនិធិចែករំលែកសង្គ្រោះជីវិតសកល (Global Life Sharing) នៃសាធារណរដ្ឋកូរ៉េ ដែលតែងបានផ្តល់ជាជំនួយមនុស្សធម៌យ៉ាងច្រើន ជូនដល់ព្រឹទ្ធសភាកម្ពុជា ក្នុងគោលបំណេងជួយលើកកម្ពស់សុខុមាលភាពបងប្អូនប្រជាពលរដ្ឋ និងកុមារ នៅព្រះរាជាណាចក្រកម្ពុជា ឱ្យកាន់តែប្រសើរឡើង ។

ជាពិសេស បានចូលរួមចំណែកចំពោះការលើកកម្ពស់ជីវភាព របស់បងប្អូនប្រជាពលរដ្ឋ ក៏ដូចជាការចូលរួមចំណែកចំពោះការលើកកម្ពស់ការងារសុខាភិបាល របស់អាជ្ញាធរមូលដ្ឋានផងដែរ។

ឯកឧត្តម បានបន្តថា ព្រឹទ្ធសភា នៃព្រះរាជាណាចក្រកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធាន គឺតែងតែយកចិត្តទុកដាក់ជានិច្ចចំពោះសុខទុក្ខ និង ការលំបាក ជាពិសេសបញ្ហាសុខសភាពរបស់បងប្អូនប្រជាពលរដ្ឋ និងអាជ្ញាធរមូលដ្ឋាន ហើយការថែរក្សាសុខភាព គឺជាកត្តាចម្បងបំផុត ដែលមិនអាចខ្វះបាន ក្នុងការលើកកម្ពស់ជីវភាពគ្រួសារ។

ទន្ទឹមនោះដែរ អំណោយមនុស្សធម៌ដែលទទួលបានពីមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ តែងបានផ្តល់ទៅតាមក្រុមសមាជិកព្រឹទ្ធសភាប្រចាំភូមិភាគនានា និងបណ្តាខេត្តផ្សេងៗ ទៀតផងដែរ។

ឯកឧត្តម ម៉ម ប៊ុននាង ប្រធានក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តាំផ្ញើរដល់ មន្រ្តីសុខាភិបាល ទាំងអស់ ត្រូវខិតខំយកចិត្តទុកដាក់ឲ្យកាន់តែល្អបន្ថែមទៀត ក្នុងការពិនិត្យ ព្យាបាល ជំងឺជូនប្រជាពលរដ្ឋ ព្រមទាំង ប្រើប្រាស់ជំនួយទាំងនេះ ដោយមានការទទួលខុសត្រូវខ្ពស់។

ក្នុងឱកាសនោះ លោកវេជ្ជបណ្ឌិត ហួត គា ប្រធានការិយាល័យសុខាភិបាលស្រុកប្រតិបត្តិក្រូចឆ្មារ និងតំណាងឲ្យមន្រ្តីសុខាភិបាល បានថ្លែងអំណរគុណ ដល់ស្ថាប័នព្រឹទ្ធសភា នៃព្រះរាជាណាចក្រកម្ពុជា ព្រមទាំងមូលនិធិចែករំលែកសង្គ្រោះជីវិតសកល (Global Life Sharing) នៃសាធារណរដ្ឋកូរ៉េ ដែលបានផ្តល់ជំនួយយ៉ាងច្រើនដល់មន្ទីរពេទ្យបង្អែកស្រុក ។

ជាមួយគ្នានោះ លោកវេជ្ជបណ្ឌិតប្រធានការិយាល័យ ក៏បានស្នើបន្ថែមនូវសម្ភារៈមួយចំនួន ជាតម្រូវការរបស់មន្ទីរពេទ្យ ខណៈដែលមូលនិធិចែករំលែកសង្គ្រោះជីវិតសកល (Global Life Sharing) នៃសាធារណរដ្ឋកូរ៉េ ព្រមទទួលយកសំណើទាំងនោះផងដែរ៕

រដ្ឋបាលខេត្តត្បូងឃ្មុំ ធ្វើយុទ្ធនាការចែកមុងជ្រលក់ថ្នាំការពារជំងឺគ្រុនចាញ់ ដល់ក្រុមគ្រួសារគោលដៅ ចំនួន ៧១០ គ្រួសារ (ស្មើនឹង ៣,៣១៩មុង) ក្នុងភូមិសាស្ត្រស្រុកក្រូចឆ្មារ

Details

Category: Provincial News

(ត្បូងឃ្មុំ) ៖ ព្រឹកថ្ងៃទី២៥ ខែកក្កដា ឆ្នាំ២០២៤ ឯកឧត្តម ហុក ពេជ្រហោះ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតី ក្នុងកម្មវិធីយុទ្ធនាការចែកមុងជ្រលក់ថ្នាំការពារជំងឺគ្រុនចាញ់ ដល់ក្រុមគ្រួសារគោលដៅ ចំនួន ៧១០ គ្រួសារ (ស្មើនឹង ៣,៣១៩មុង) ក្នុងភូមិសាស្ត្រស្រុកក្រូចឆ្មារ នៅបរិវេណស៊ូរ៉ាវឥស្លាម ទី ៩ ស្ថិតនៅភូមិជំនីក ឃុំជំនីក ស្រុកក្រូចឆ្មារ ខេត្តត្បូងឃ្មុំ។

Read more: រដ្ឋបាលខេត្តត្បូងឃ្មុំ ធ្វើយុទ្ធនាការចែកមុងជ្រលក់ថ្នាំការពារជំងឺគ្រុនចាញ់...

រដ្ឋបាលខេត្តត្បូងឃ្មុំ ប្រារព្ធពិធីលែងកូនត្រីពូជចម្រុះជាង ២ម៉ឺនក្បាល ចូលទន្លេសិប្បនិម្មិត នៅទីរួមខេត្ត ដើម្បីបង្កើនពូជត្រី និងអបអរសាទរ ទិវាមច្ចជាតិ ១ កក្កដា

Details

Category: Provincial News

(ត្បូងឃ្មុំ)៖ ទិវាមច្ឆជាតិ ១កក្កដា នៅខេត្តត្បូងឃ្មុំ ក្នុងឆ្នាំ២០២៤នេះ បានប្រព្រឹត្តិទៅយ៉ាងកុះករពីគ្រប់មជ្ឈដ្ឋាន ទាំងមន្ត្រីរាជការ យុវជន និងពលរដ្ឋ។ ពិធីនេះដឹកនាំនិងអញ្ជើញជាអធិបតីភាពពីសំណាក់ ឯកឧត្តម ឡុង ធាម ប្រធានក្រុមប្រឹក្សាខេត្ត និងឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ ដោយបានប្រលែងកូនត្រីពូជចំរុះជាង២ម៉ឺនក្បាល ចូលអាងទឹកតាវ៉ាន់ ឬហៅថាទន្លេសិប្បនិម្មិត ស្ថិតក្នុងភូមិត្រពាំងដុំ ឃុំស្រឡប់ ស្រុកត្បូងឃ្មុំ ទីរួមខេត្តត្បូងឃ្មុំ។

Read more: រដ្ឋបាលខេត្តត្បូងឃ្មុំ ប្រារព្ធពិធីលែងកូនត្រីពូជចម្រុះជាង ២ម៉ឺនក្បាល...

រដ្ឋបាលស្រុកមេមត់ រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក ស្តីពីសមិទ្ធផល និងបញ្ហាប្រឈមនានា លើការងារអភិវឌ្ឍន៍ ដែលសម្រេចបាននាពេលកន្លងមក

Details

Category: Provincial News

(ត្បូងឃ្មុំ) ៖ ថ្ងៃទី២៤ ខែកក្កដា ឆ្នាំ២០២៤ រដ្ឋបាលស្រុកមេមត់ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក នៅបរិវេណវត្តបុព្វសុវណ្ណារាម(ហៅវត្តដារ) ស្រុកមេមត់ ក្រោមអធិបតីភាព លោក អ៊ុក សំអឿន ប្រធានក្រុមប្រឹក្សាស្រុកមេមត់ លោក ស្រេង លី អភិបាល នៃគណៈអភិបាលស្រុកមេមត់ ដោយបានការអញ្ជើញចូលរួមពី លោក-លោកស្រី ប្រធានសមាគន៍ក្រុមប្រឹក្សាស្រុក/ក្រុង សមាជិកក្រុមប្រឹក្សាស្រុក អភិបាលរងស្រុក នាយក-នាយករងរដ្ឋបាលសាលាស្រុក ថ្នាក់ដឹកនាំមន្ទីរ អង្គភាពជុំវិញខេត្ត កងកម្លាំងទាំង បី ក្រុមប្រឹក្សាឃុំ មេឃុំ ជំទប់ទី១ ទី២ ទាំង ១៤ឃុំ មេភូមិ អនុភុមិ សមាជិកភូមិ ទាំង ១៨២ភូមិ តំណាងអង្គការ សមាគមន៍ សហគមន៍ ធនាគារ គ្រឹស្ថានមីក្រូហិរញ្ញវត្ថុ និងប្រជាពលរដ្ឋជាច្រើនរូប។

Read more: រដ្ឋបាលស្រុកមេមត់ រៀបចំវេទិកាផ្សព្វផ្សាយ...

ថ្នាក់ដឹកនាំខេត្តត្បូងឃ្មុំ អញ្ជើញសម្ពោធដាក់ឲ្យប្រើប្រាស់ជាផ្លូវការនូវអាគារសិក្សាថ្មី១ខ្នង ៥បន្ទប់ ស្ថិតនៅសាលាបឋមសិក្សាទួលវិហារ ឃុំកណ្តោលជ្រុំ ស្រុកពញាក្រែក

Details

Category: Provincial News

ត្បូងឃ្មុំ៖ នាព្រឹកថ្ងៃទី២៤ ខែកក្កដា ឆ្នាំ២០២៤ ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និង ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ អញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការនូវអគារសិក្សាថ្មី ចំនួន ០១ខ្នង ០៥បន្ទប់ បំពាក់នូវគ្រឿងសង្ហារឹម នៅសាលាបឋមសិក្សាទួលវិហារ ស្ថិតក្នុងភូមិទួលចំការ ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ។

Read more: ថ្នាក់ដឹកនាំខេត្តត្បូងឃ្មុំ...

ថ្នាក់ដឹកនាំខេត្តត្បូងឃ្មុំ បន្តជួបសំណេះសំណាលជាមួយថ្នាក់ដឹកនាំ មន្ត្រីរាជការ នៃរដ្ឋបាលស្រុកតំបែរ ដើម្បីបង្កើនភាពស្និតស្នាលជាមួយថ្នាក់ដឹកនាំ និងមន្រ្តីក្រោមឱវាទ

Details

Category: Provincial News

ត្បូងឃ្មុំ ៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានលើកឡើងថា ៖ យើងជាមន្ត្រីត្រូវបម្រើប្រជាជន ពោលគឺត្រូវផ្ដល់ស្នាមញញឹម និងភាពកក់ក្ដៅ ជូនពលរដ្ឋដែលមករកសេវាសារធារណៈ ពិសេសបង្ក្រាប់ ទប់ស្កាត់ អោយខាន់តែបានរាល់បទល្មើសនានា ទើបទទួលបានទំនុកចិត្តពីប្រជាពលរដ្ឋនៅតាមមូលដ្ឋាន ទៅលើការដឹកនាំរបស់អាជ្ញាធរ។

Read more: ថ្នាក់ដឹកនាំខេត្តត្បូងឃ្មុំ បន្តជួបសំណេះសំណាលជាមួយថ្នាក់ដឹកនាំ មន្ត្រីរាជការ...

ក្រសួងបរិស្ថាន សហការជាមួយរដ្ឋបាលខេត្តត្បូងឃ្មុំ បើកវគ្គបណ្ដុះបណ្ដាល គ្រូបង្គោល អប់រំបរិស្ថាន ស្ដីពី "ភាពស្អាតនៅភូមិ ឃុំ សង្កាត់ ក្រុង ស្រុក តាមរយៈការគ្រប់គ្រងសំណល់ប្លាស្ទិក" នៅក្នុងក្របខ័ណ្ឌស្រុកអូររាំងឪ

Details

Category: Provincial News

(ត្បូងឃ្មុំ) ៖ ថ្ងៃទី២៣ ខែកក្កដា ឆ្នាំ២០២៤ លោកជំទាវ មាស ច័ន្ទធីតា អនុរដ្ឋលេខាធិការ ក្រសួងបរិស្ថាន ឯកឧត្តម ចេង ប៊ុណ្ណារ៉ា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ និងលោក គង់ សៀកលី អគ្គនាយករង នៃអគ្គនាយកដ្ឋានចំណេះដឹង និងព័ត៌មានបរិស្ថាន នៃក្រសួង បានអញ្ជើញជាអធិបតី ក្នុងវគ្គបណ្ដុះបណ្ដាល គ្រូបង្គោល អប់រំបរិស្ថាន ស្ដីពី "ភាពស្អាតនៅភូមិ ឃុំ សង្កាត់ ក្រុង ស្រុក តាមរយៈការគ្រប់គ្រងសំណល់ប្លាស្ទិក" ដែលរៀបចំ និងគាំទ្រ ដោយក្រសួងបរិស្ថាន និងសមាគមធនាគារនៅកម្ពុជា ។

Read more: ក្រសួងបរិស្ថាន សហការជាមួយរដ្ឋបាលខេត្តត្បូងឃ្មុំ បើកវគ្គបណ្ដុះបណ្ដាល...

ពង្រីកអាជីវកម្មរបស់អ្នកចូលទៅក្នុងទីផ្សារដែលមានសក្តានុពលដ៏ធំធេងនៅក្នុងឧស្សាហកម្មកសិកម្មនិងការចិញ្ចឹមសត្

Details

Category: Provincial News

វិស័យកសិកម្ម ការចិញ្ចឹមសត្វ វារីវប្បកម្ម របស់កម្ពុជា កំពុងតែមានសន្ទុះកើនឡើងយ៉ាងខ្លាំង។ ជាមួយនឹងកំណើនតម្រូវ ការរបស់អ្នកប្រើប្រាស់ ទំនើបកម្មទីក្រុងយ៉ាងឆាប់រហ័ស និង កំណើនប្រជាជន សក្តានុពលសម្រាប់ការអភិវឌ្ឍអាជីវកម្ម នៅក្នុងទីផ្សារនេះ គឺមានទំហំធំធេង ។

Read more: ពង្រីកអាជីវកម្មរបស់អ្នកចូលទៅក្នុងទីផ្សារដែលមានសក្តានុពលដ៏ធំធេងនៅក្នុងឧស្សាហកម្មក...

ឯកឧត្តម ប៉ែន កុសល្យ អភិបាលខេត្តត្បូងឃ្មុំ ណែនាំដល់កងកម្លាំងទាំង៣ប្រភេទ ក្នុងស្រុកមេមត់ ត្រូវចាត់វិធានការលើក្មេងទំនើង គ្រឿងញៀន និងល្បែងស៊ីសងខុសច្បាប់ ធ្វើយ៉ាងណាជាន់ឱ្យជាប់ និងហាមមិនឱ្យមានការអន្តរាគមន៍

Details

Category: Provincial News

ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានធ្វើការណែនាំនិងបានដាក់បទបញ្ជាដល់កងកម្លាំងទាំង៣ប្រភេទ ធ្វើការចាត់វិធានការលើក្មេងទំនើង បង្ករអនាធិបតេយ្យ និងបង្រ្កាប់បទល្មើសគ្រឿងញៀន និងល្បែងស៊ីសងខុសច្បាប់ ធ្វើយ៉ាងណាជាន់ឱ្យជាប់ និងហាមដាច់មិនអោយមានអ្នកអន្តរាគមន៍ឡើយ។

Read more: ឯកឧត្តម ប៉ែន កុសល្យ អភិបាលខេត្តត្បូងឃ្មុំ ណែនាំដល់កងកម្លាំងទាំង៣ប្រភេទ...

លេខាធិការដ្ឋានរៀបចំការបោះឆ្នោតខេត្តត្បូងឃ្មុំ បើកកិច្ចប្រជុំស្ដីពី "ការផ្សព្វផ្សាយដំណើរការ នៃការពិនិត្យបញ្ជីឈ្មោះ និងការចុះឈ្មោះបោះឆ្នោត" សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤

Details

Category: Provincial News

(ត្បូងឃ្មុំ) ៖ ថ្ងៃទី២២ ខែកក្កដា ឆ្នាំ២០២៤ ឯកឧត្តម ម៉ៅ ឌុង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ និងលោក ហ៊ាង សុផល ប្រធានលេខាធិការដ្ឋានរៀបចំការបោះឆ្នោតខេត្តត្បូងឃ្មុំ បានអញ្ជើញជាអធិបតី ក្នុងកិច្ចប្រជុំស្ដីពី "ការផ្សព្វផ្សាយដំណើរការ នៃការពិនិត្យបញ្ជីឈ្មោះ និងការចុះឈ្មោះបោះឆ្នោត" សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤ ដោយបានធ្វើឡើងនៅលេខាធិការដ្ឋានរៀបចំការបោះឆ្នោតខេត្តត្បូងឃ្មុំ (ក្នុងបរិវេណសាលាស្រុកពញ្ញាក្រែក)។

Read more: លេខាធិការដ្ឋានរៀបចំការបោះឆ្នោតខេត្តត្បូងឃ្មុំ បើកកិច្ចប្រជុំស្ដីពី...

រដ្ឋមន្ត្រីក្រសួងសុខាភិបាល និងអភិបាលខេត្តត្បូងឃ្មុំ ចុះពិនិត្យមន្ទីរពេទ្យមិត្តភាពកម្ពុជា ចិន-ត្បូងឃ្មុំ និងសំណេះសំណាលជាមួយថ្នាក់ដឹកនាំ មន្ត្រីរាជការ និងបុគ្គលិកសុខាភិបាល នៃរដ្ឋបាលខេត្ត

Details

Category: Provincial News

(ត្បូងឃ្មុំ) ៖ រសៀលថ្ងៃទី២០ ខែកក្កដា ឆ្នាំ២០២៤ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និង ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញពិនិត្យស្ថានភាព និងវឌ្ឍនភាព នៃមន្ទីរពេទ្យមិត្តភាពកម្ពុជា ចិន-ត្បូងឃ្មុំ មានទីតាំងនៅឃុំស្រឡប់ ស្រុកត្បូងឃ្មុំ ទីរួមខេត្តត្បូងឃ្មុំ។

Read more: រដ្ឋមន្ត្រីក្រសួងសុខាភិបាល និងអភិបាលខេត្តត្បូងឃ្មុំ...

ឯកឧត្តម ចាយ បូរិន អញ្ជើញប្រគេនទៀនព្រះវស្សា និងទេយ្យទាន ដល់ព្រះសង្ឃ ចំនួនវត្ត ៧ នៅឃុំទាំង៧ នៅក្នុងស្រុកតំបែរ ខេត្តត្បូងឃ្មុំ

Details

Category: Provincial News

(ត្បូងឃ្មុំ) : ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ និងជាប្រធានក្រុមការងាររាជរដ្ឋាភិបាលចុះមូលស្រុកតំបែរ បានអញ្ជើញប្រគេនទៀនព្រះវស្សា ដល់វត្តចំនួន ៧ ក្នុងស្រុកតំបែរ ខេត្តត្បូងឃ្មុំ ពិធីនេះបានប្រារព្ធធ្វើនៅវត្តសិរីពោធិ៍វង្ស ហៅវត្តទឹកជ្រៅ ស្ថិតនៅឃុំទឹកជ្រៅ ស្រុកតំបែរ ខេត្តត្បូងឃ្មុំ នៅព្រឹកថ្ងៃទី១៩ ខែកក្កដា ឆ្នាំ២០២៤ ។

Read more: ឯកឧត្តម ចាយ បូរិន អញ្ជើញប្រគេនទៀនព្រះវស្សា និងទេយ្យទាន ដល់ព្រះសង្ឃ ចំនួនវត្ត...

អភិបាលខេត្តត្បូងឃ្មុំ នាំយកកូនឈើប្រណិត ១៦០០ដើម ទៅដាំនៅបរិវេណវត្តហោង ក្នុងរមណីយដ្ឋានធម្មជាតិល្អាងទឹកធ្លាក់ហោង ដើម្បីលើកកម្ពស់ទាំងបរិស្ថាន និងសោភ័ណភាព

Details

Category: Provincial News

(ត្បូងឃ្មុំ): នាព្រឹកថ្ងៃទី១៨ ខែកក្កដា ឆ្នាំ២០២៤នេះ ឯកឧត្តម ប៉ែន កុសល្យ អភិបាលនៃគណៈអភិបាលខេត្ត និងឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ បាននាំយកកូនឈើប្រណិត ១៦០០ដើម ទៅដាំនៅបរិវេណវត្តហោង ក្នុងរមណីយដ្ឋានធម្មជាតិល្អាងទឹកធ្លាក់ហោង បារមីលោកយាយទេព ដើម្បីអបអរ (រុក្ខទិវា ០៩កក្កដា) ស្ថិតនៅភូមិឆ្លូង២ ឃុំកំពាន់ ស្រុកមេមត់។

Read more: អភិបាលខេត្តត្បូងឃ្មុំ នាំយកកូនឈើប្រណិត ១៦០០ដើម ទៅដាំនៅបរិវេណវត្តហោង...

រដ្ឋបាលខេត្តត្បូងឃ្មុំ បើកកិច្ចប្រជុំផ្សព្វផ្សាយសារាចរណែនាំ ស្ដីពីការរៀបចំផែនការយុទ្ធសាស្ត្រថវិការាជធានី ខេត្ត ឆ្នាំ ២០២៥-២០២៧ និងនីតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិឆ្នាំ២០២៥

Details

Category: Provincial News

(ត្បូងឃ្មុំ) ៖ ថ្ងៃទី១៨ ខែកក្កដា ឆ្នាំ២០២៤ ឯកឧត្តម ពាង ណារិទ្ធ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតី ក្នុងកិច្ចប្រជុំផ្សព្វផ្សាយសារាចរណែនាំ លេខ ០០៧ សហវ.សរ.អហក ស្ដីពីការរៀបចំផែនការយុទ្ធសាស្ត្រថវិការាជធានី ខេត្ត ឆ្នាំ ២០២៥-២០២៧ និងនីតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិឆ្នាំ២០២៥ នៅសាលប្រជុំ គ សាលាខេត្តត្បូងឃ្មុំ ។

Read more: រដ្ឋបាលខេត្តត្បូងឃ្មុំ បើកកិច្ចប្រជុំផ្សព្វផ្សាយសារាចរណែនាំ...

ឯកឧត្តម ប៉ែន កុសល្យ ណែនាំបង្ក្រាបឲ្យខានតែបានក្នុងខេត្តត្បូងឃ្មុំ នូវល្បែងសុីសងខុសច្បាប់ បទល្មើសគ្រប់ប្រភេទ ជាពិសេសបញ្ហាក្មេងទំនើង ត្រូវជាន់ឲ្យជាប់ ហាមដាច់ខាតអន្តរាគមន៍

Details

Category: Provincial News

(ត្បូងឃ្មុំ)៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ ណែនាំឲ្យស្ថាប័នតុលាការ កងកម្លាំងទាំង៣ប្រភេទ ពន្ធនាគារខេត្ត គណៈបញ្ជាការឯកភាពរដ្ឋបាលក្រុងស្រុកទាំង៧ អធិការ មេបញ្ជាការ មេប៉ុស្តិ៍ អាជ្ញាធរមូលដ្ឋាន ត្រូវសហការគ្នាលុបបំបាត់ឲ្យខានតែបាន នូវល្បែងជល់មាន់ ល្បែងសុីសងខុសច្បាប់គ្រប់ប្រភេទ បញ្ហាគ្រឿងញៀន បទល្មើសនានា ជាពិសេសបញ្ហាក្មេងទំនើង ត្រូវជាន់ឲ្យជាប់ ហាមដាច់ខាតអន្តរាគមន៍។

Read more: ឯកឧត្តម ប៉ែន កុសល្យ ណែនាំបង្ក្រាបឲ្យខានតែបានក្នុងខេត្តត្បូងឃ្មុំ...

ក្រោយប្រកាសចូលកាន់តំណែងអភិបាលខេត្តត្បូងឃ្មុំ, ឯកឧត្តម ប៉ែន កុសល្យ អញ្ជើញជួបសំណេះសំណាល ជាមួយមន្ត្រីរាជការ ចំណុះរចនាសម្ព័ន្ធសាលាខេត្ត

Details

Category: Provincial News

(ត្បូងឃ្មុំ)៖ នាព្រឹកថ្ងៃទី១៦ ខែកក្កដា ឆ្នាំ២០២៤ ឯកឧត្តម ឡុង ធាម ប្រធានក្រុមប្រឹក្សាខេត្ត និងឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជួបសំណេះសំណាល ជាមួយមន្ត្រីរាជការ ចំណុះរចនាសម្ព័ន្ធសាលាខេត្ត នៅសាលប្រជុំ គ សាលាខេត្តត្បូងឃ្មុំ។

Read more: ក្រោយប្រកាសចូលកាន់តំណែងអភិបាលខេត្តត្បូងឃ្មុំ, ឯកឧត្តម ប៉ែន កុសល្យ...

ល្អណាស់! ក្រសួងបាននាំយកក្រុមហ៊ុន១ ចុះទៅជួយរកទីផ្សារសាច់គោនិងជួយទិញលាមកគោដល់កសិដ្ឋានផ្ទាល់ៗតែម្តង

Details

Category: Provincial News

កាលពីថ្មីៗនេះ ឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម បានចុះទៅកសិដ្ឋានគោ ហេងស៊ុន នៅខេត្តកំពង់ស្ពឺ ដើម្បីជួយរកទីផ្សារនិងលាមកគោជូនម្ចាស់កសិដ្ឋានផងដែរ។

នេះបើយោងតាមការចុះផ្សាយដោយក្រសួងកសិកម្ម។

នៅក្នុងដំណើរទស្សនកិច្ចនេះ ឯកឧត្តម បានជួយសម្រួលដល់កសិដ្ឋានតាមរយ:ការនាំម្ចាស់ក្រុមហ៊ុន i7 មកជួយគាំទ្រទីផ្សារផ្នែកសាច់ និងនាំម្ចាស់ក្រុមហ៊ុនយន់ មកទិញលាមកគោទាំងអស់។

ដោយសារកន្លងមកកសិដ្ឋាននេះ ក្រៅពីចែកឱ្យកសិករក្នុងភូមិ មិនទាន់បានយកលាមកគោមកកែច្នៃអ្វីទេ ដែលជាហេតុបណ្តាលឱ្យលាមកគោនៅសល់ច្រើន ប៉ះពាល់ដល់សុខភាពសត្វ និងបង្កក្លិនមិនល្អដល់បរិស្ថានរស់នៅផងដែរ។

គួរបញ្ជាក់ថា កសិដ្ឋានគោហេងស៊ុននៅខេត្តកំពង់ស្ពឺមានគោសរុបចំនួន៦០០ក្បាល ដែលក្នុង១ខែ កសិករទិញនិងលក់បានជាង១០០ក្បាល។

អ្វីដែលកាន់តែពិសេស កសិដ្ឋាននេះ មានសមត្ថភាពគ្រប់គ្រាន់ដែលអាចបំប៉នគោ ដែលទិញពីកសិករមក ត្រឹមតែរយ:ពេល៣ខែ គឺអាចលក់បានថែមទៀតផង៕

ដកស្រង់ពី៖ business-cambodia

នាថ្ងៃស្អែកនេះ ឯកឧត្តម ប៉ែន កុសល្យ នឹងប្រកាសចូលកាន់តំណែងជាអភិបាលខេត្តត្បូងឃ្មុំ, ខណៈថ្ងៃនេះ បានអុធធូបបួងសួងសុំសេចក្តីសុខ មានដល់មន្ត្រីរាជការ និងពលរដ្ឋទូទាំងខេត្ត

Details

Category: Provincial News

(ត្បូងឃ្មុំ): នារសៀលថ្ងៃទី១១ ខែកក្កដា ឆ្នាំ២០២៤ស្អែកនេះ នៅសាលាខេត្តត្បូងឃ្មុំ ឯកឧត្តមអភិសន្តិបណ្ដិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នឹងអញ្ជើញប្រកាស ឯកឧត្តម ប៉ែន កុសល្យ ឲ្យចូលកាន់តំណែង អភិបាលនៃគណៈអភិបាលខេត្តត្បូងឃ្មុំ ជាផ្លូវការ។

Read more: នាថ្ងៃស្អែកនេះ ឯកឧត្តម ប៉ែន កុសល្យ...

ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី២ អាណត្តិទី៤ ដើម្បីពិនិត្យ ពិភាក្សា និងអនុម័ត លើរបាយការណ៍រីកចម្រើនរបស់ខេត្ត

Details

Category: Provincial News

(ត្បូងឃ្មុំ) ៖ ក្រុមប្រឹក្សាខេត្តត្បូងឃ្មុំ អាណត្តិទី៤ បានបើកកិច្ចប្រជុំសាមញ្ញលើកទី២ ឆ្នាំទី១ នៅសាលប្រជុំ ក សាលាខេត្តត្បូងឃ្មុំ នៅព្រឹកថ្ងៃទី១០ ខែកក្កដា ឆ្នាំ២០២៤ ក្រោមអធិបតីភាព ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និងឯកឧត្តម ពាង ណារិទ្ធ អភិបាលស្តីទី នៃគណអភិបាលខេត្តត្បូងឃ្មុំ ព្រមទាំងមានការអញ្ជើញចូលរួម ពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត តំណាងអាយ្យកាអមសាលាដំបូងខេត្ត ប្រធានគយ និង លោក លោកស្រី ប្រធាន-អនុប្រធានមន្ទីរ-អង្គភាព លោកនាយក នាយករងរដ្ឋបាល នាយក-នាយករងទីចាត់ការ តំណាង ស្នងការ នៃស្នងការដ្ឋាននគរបាលខេត្ត កងរាជអាវុធខេត្ត តំបន់ប្រតិបត្តការសឹករងខេត្ត អង្គភាពនានាជុំវិញខេត្ត ចូលរួមជាច្រើនរូប ។

Read more: ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី២ អាណត្តិទី៤...