Provincial News - មន្ទីរព័ត៌មាន ខេត្តត្បូងឃ្មុំ

ព័ត៌មាន

Radio Live

Social Network

វេទិកាឆ្លុះបញ្ចាំងប្រចាំឆ្នាំ ២០២៤ របស់អ្នកសម្របសម្រួលគណនេយ្យភាពសហគមន៍ នៅខេត្តត្បូងឃ្មុំ

Details: Category: Provincial News

(ត្បូងឃ្មុំ) ៖ ព្រឹកថ្ងៃទី១៣ ខែធ្នូ ឆ្នាំ២០២៤ ឯកឧត្តម ចេង ប៊ុណ្ណារ៉ា អភិបាលរង នៃគណៈអភិបាលខេត្ត និងជាប្រធានក្រុមការងារគណនេយ្យភាពសង្គមថ្នាក់ខេត្ត បានអញ្ជើញជាអធិបតី ក្នុងពិធីបិទវេទិកាឆ្លុះបញ្ចាំងប្រចាំឆ្នាំ របស់អ្នកសម្របសម្រួលគណនេយ្យភាពសហគមន៍ ឆ្នាំ២០២៤ ក្នុងខេត្តត្បូងឃ្មុំ ដែលជាការអនុវត្តផែនការយុទ្ធសាស្ត្រ ស្ដីពីការងារគណនេយ្យភាពសង្គម សម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (I-SAF)។

គណៈប្រតិភូអន្តរក្រសួង ចុះពិនិត្យ និងវាយតម្លៃ ការងារថែទាំផ្លូវ ក្រាលល្បាយក្រួស ចំនួន១៣ខ្សែ ក្នុងភូមិសាស្ត្រខេត្តត្បូងឃ្មុំ

Details: Category: Provincial News

(ត្បូងឃ្មុំ)៖ថ្ងៃទី១២ ខែធ្នូ ឆ្នាំ២០២៤ លោកជំទាវ ឯក គន្ធវារី អនុរដ្ឋលេខាធិការក្រសួងអភិវឌ្ឍន៍ជនបទ បានដឹកនាំប្រតិភូអន្តរក្រសួង រួមមានក្រសួងអភិវឌ្ឍន៍ និងក្រសួងសេដ្ឋកិច្ច បានអញ្ជើញចុះ ត្រួតពិនិត្យ វាយតម្លៃ លើកការងារថែទាំជាប្រចាំ ផ្លូវ ចំនួន ១៣ ខ្សែ ដោយក្រាលល្បាយក្រួសអាចម៍ផ្កាយ និងល្បាយក្រួស មានប្រវែងសរុប ១១៣,៧១០ម ដែលមានទទឹង ៥ ម, ៥.៥ម, ៦ម និង ៧ម ស្ថិតក្នុងភូមិសាស្ត្រស្រុកក្រូចឆ្មារ ស្រុកតំបែរ ស្រុកមេមត់ និងស្រុកពញាក្រែក ខេត្តត្បូងឃ្មុំ ដែលអនុវត្តដោយ មន្ទីរអភិវឌ្ឍន៍ជនបទខេត្តត្បូងឃ្មុំ (ប្រើប្រាស់ថវិកាជំពូក ៦១)។

សាលាអន្តរជាតិ អាល់រ៉ះម៉ាស់ នៅខេត្តត្បូងឃ្មុំ ប្រារព្ធពិធីប្រគល់សញ្ញាប័ត្រសិស្សថ្នាក់ទី១២ ជំនាន់ទី១ ឆ្នាំសិក្សា២០២៣-២០២៤ ដែលបានប្រឡងជាប់១០០%

Details: Category: Provincial News

សាលាអន្តរជាតិ អាល់រ៉ះម៉ាស់ នៅខេត្តត្បូងឃ្មុំ ប្រារព្ធពិធីប្រគល់សញ្ញាប័ត្រសិស្សថ្នាក់ទី១២ ជំនាន់ទី១ ឆ្នាំសិក្សា២០២៣-២០២៤ ដែលបានប្រឡងជាប់១០០% (ត្បូងឃ្មុំ): ឯកឧត្តម ម៉ូត យូសុះ តំណាងរាស្ត្រមណ្ឌលខេត្តត្បូងឃ្មុំ និងឯកឧត្តម ម៉ាត់ ហ្គោហ្វូត អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញជាអធិបតីក្នុងពិធីប្រគល់សញ្ញាប័ត្រសិស្សថ្នាក់ទី១២ ជំនាន់ទី១ឆ្នាំសិក្សា២០២៣-២០២៤ របស់សាលាអន្តរជាតិ អាល់រ៉ះម៉ាស់ ស្ថិតនៅភូមិពោធិ៍រោងលើ ឃុំកោងកាង ស្រុកពញាក្រែក ខេត្តត្បូងឃ្មុំ កាលពីថ្ងៃព្រហស្បតិ៍ទី១២ ខែធ្នូ ឆ្នាំ២០២៤ ។

សាខាកាកបាទក្រហមកម្ពុជាខេត្តត្បូងឃ្មុំ នាំអំណោយមនុស្សធម៌ ចែកជូនពលរដ្ឋងាយរងគ្រោះ៥៣គ្រួសារ នៅឃុំទួលសុភី ស្រុកអូររាំងឪ

Details: Category: Provincial News

ឯកឧត្ដម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ និងជាប្រធានគណៈកម្មាធិការសាខាកាកបាទក្រហមខេត្ត នាព្រឹកថ្ងៃទី១៤ ខែធ្នូ ឆ្នាំ២០២៤នេះ បានអញ្ជើញចុះសំណេះសំណាល សួរសុខទុក្ខ និងនាំយកអំណោយសាខាកាកបាទក្រហមខេត្ត ទៅចែកផ្ដល់ជូនប្រជាពលរដ្ឋងាយរងគ្រោះបំផុតប្រមាណ៥៣គ្រួសារ នៅបរិវេណសាលាបឋមសិក្សាបឹងផ្លិល ស្ថិតនៅឃុំទួលសុភី ស្រុកអូរាំងឪ ខេត្តត្បូងឃ្មុំ។

សាខាកាកបាទក្រហមកម្ពុជាខេត្តត្បូងឃ្មុំ ប្រារព្ធទិវាអន្តរជាតិនៃអ្នកស្ម័គ្រចិត្ត ៥ ធ្នូ ក្រោមប្រធានបទ «រួមគ្នាស្ម័គ្រចិត្ត ដើម្បីភាពធន់សហគមន៍ ក្នុងសន្តិភាព»

Details: Category: Provincial News

សាខាកាកបាទក្រហមកម្ពុជាខេត្តត្បូងឃ្មុំ បានប្រារព្ធទិវាអន្តរជាតិនៃអ្នកស្ម័គ្រចិត្ត ៥ ធ្នូ ក្រោមប្រធានបទ «រួមគ្នាស្ម័គ្រចិត្ត ដើម្បីភាពធន់សហគមន៍ ក្នុងសន្តិភាព» ស្ថិតនៅបរិវេណវត្តឧត្តមម្មុនី (ហៅវត្តតានី) ភូមិតានី ឃុំដូនតី ស្រុកពញាក្រែក ខេត្តត្បូងឃ្មុំ ។

រកឃើញជើងខ្លាំងហើយ!! ក្រុមបាល់ទាត់យុវជនចំនួន២០ក្រុម មកពីខេត្តត្បូងឃ្មុំ កំពង់ចាម ក្រចេះ ប៉ះគ្នាក្នុងព្រឹត្តិការណ៍ប្រកួតកីឡាបាល់ទាត់ដណ្ដើមពានរង្វាន់លោកជំទាវ ហា សុខហួរ រដូវកាលទី៣ ឆ្នាំ២០២៤

Details: Category: Provincial News

(ត្បូងឃ្មុំ) ឯកឧត្តម ហុក ពេជ្រហោះ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម ប៉ែន កុសល្យអភិបាលនៃគណៈអភិបាលខេត្តត្បូងឃ្មុំ និងលោកជំទាវ ហា សុខហ៊ួរ អនុប្រធានក្រុមការងារចុះមូលដ្ឋានស្រុកក្រូចឆ្មារ នារសៀលថ្ងៃទី១៥ ខែធ្នូ ឆ្នាំ២០២៤ បានអញ្ជើញជាអធិបតីក្នុងពិធីបិទការប្រកួតបាល់ទាត់ដណ្តើមពានរង្វាន់លោកជំទាវ ហា សុខហ៊ួរ រដូវកាលទី៣ ឆ្នាំ២០២៤ក្នុងបរិបទយុវជនគំរូសម័យសន្តិភាព ។

ឯកឧត្តម ផារ៉ា មង្គល អញ្ជើញជាអធិបតីក្នុងពិធីប្រកាសបញ្ចូលសមាជិកថ្មី គណបក្សប្រជាជនកម្ពុជា ចំនួន ៨៧នាក់ និងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ ព្រមទាំងចុះពនិត្យសមិទ្ធផលថ្មីៗរបស់ស្រុកក្រូចឆ្មារ ខេត្តត្បូងឃ្មុំ។

Details: Category: Provincial News

(ត្បូងឃ្មុំ) ៖ ឯកឧត្តម ផារ៉ា មង្គល សមាជិកគណៈកម្មាធិការកណ្តាល, ប្រធានក្រុមការងារគណបក្សចុះមូលដ្ឋានស្រុកក្រូចឆ្មារ និងជាប្រធានក្រុមការងារគណបក្សចុះមូលដ្ឋានឃុំជំនីក នៅព្រឹកថ្ងៃទី ១៥ ខែធ្នូ ឆ្នាំ២០២៤ បានអញ្ជើញជាអធិបតី ក្នុងពិធីប្រកាសបញ្ចូលសមាជិកគណបក្សប្រជាជនកម្ពុជាថ្មី ចំនួន ៨៧នាក់ និងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ នៅស្នាក់ការគណបក្សប្រជាជនកម្ពុជាឃុំជំនីក ក្នុងឃុំជំនីក ស្រុកក្រូចឆ្មារ ខេត្តត្បូងឃ្មុំ ព្រមទាំងចុះពិនិត្យការដ្ឋានស្ថាបនាផ្លូវក្រាលបេតុង ប្រវែង ១១.៥០ គីឡូម៉ែត្រ ចាប់ពីឃុំទ្រា រហូតដល់ឃុំក្រូចឆ្មារ(ស្ពានព្រែកតាឌួង) ដែលជាអំណោយដ៏ថ្លៃថ្លារបស់សម្ដេចបវរធិបតី ហ៊ុន ម៉ាណែត និងលោកជំទាវ ពេជ្យ ច័ន្ទមុន្នី។

ឯកឧត្តម ប៉ែន កុសល្យ អញ្ជើញសម្ពោធ អាគារតាំងបង្ហាញត្រាក់ទ័រ គ្រឿងយន្តកសិកម្ម ក្នុងខេត្តត្បូងឃ្មុំ

Details: Category: Provincial News

(ត្បូងឃ្មុំ)៖ នាព្រឹកថ្ងៃទី១៦ ខែធ្នូ ឆ្នាំ២០២៤ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតីភាពកាត់ខ្សែបូរណ៍សម្ពោធអាគារតាំងបង្ហាញត្រាក់ទ័រ ចនឌារ សាខាខេត្តត្បូងឃ្មុំ ដែលមានទីតាំងស្ថិតនៅជាប់រង្វង់ហ្លួងព្រះស្តេចកន ក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។

ពិធីសម្ពោធនេះមានការអញ្ជើញចូលរួម ពីសំណាក់ លោក អគ្គនាយកក្រុមហ៊ុន RMA Cambodia ឯកឧត្តម អភិបាលរងខេត្ត លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត កងកម្លាំងទាំងបីប្រភេទ ឯកឧត្តម លោកជំទាវ លោកឧកញ៉ា ឧកញ៉ា លោកលោកស្រី ជាភ្ញៀវកិត្តិយស និងអ្នកពាក់ព័ន្ធជាច្រើនរូប។

ក្នុងឱកាសនោះ ឯកឧត្តម ប៉ែន កុសល្យ អភិបាលខេត្ត បានសម្តែងការសាទរ ចំពោះក្រុមហ៊ុន ដែលបានមកបង្កើតឲ្យមាន សាខាផ្គត់ផ្គង់គ្រឿងយន្តកសិកម្ម និងគ្រឿងបន្លាស់សុទ្ធ នៅក្នុងខេត្តត្បូងឃ្មុំ។

ឯកឧត្តម គូសបញ្ជាក់ថា នេះគឺពិតជាបានផ្ដល់អត្ថប្រយោជន៍យ៉ាងសំខាន់ ដល់បងប្អូនប្រជាពលរដ្ឋប្រកបរបរកសិកម្ម ដើម្បីជួយពន្លឿន ការងារបង្កបង្កើនផល កាត់បន្ថយកំលាំងពលកម្ម ចំណេញពេលវេលា និងជាពិសេសចូលរួមអភិវឌ្ឍន៍វិស័យផលិតកម្មក្នុងខេត្ត តាមរយ:ការប្រើគ្រឿងចក្រទំនើបទាន់សម័យ មានលក្ខណ:ងាយស្រួលសម្រាប់កសិករ ស្របតាមគោលនយោបាយរបស់រាជរដ្ឋាភិបាល ដោយបានចាត់ទុកថា កសិកម្មជាវិស័យមួយ មានអាទិភាពខ្ពស់ ក្នុងការអភិវឌ្ឍន៍ប្រទេសជាតិ។

ឯកឧត្តម អភិបាលខេត្ត ក៏បានសំណូមពរដល់ក្រុមហ៊ុន សូមចូលរួមជាមួយរដ្ឋបាលខេត្ត យកចិត្តទុកដាក់ឱ្យបានខ្ពស់ រៀបចំតាមដងផ្លូវ ជាប់រង្វង់មូល ក្នុងកិច្ចការពារបរិស្ថានទាំងអស់គ្នា ហើយអ្វីដែលពិសេសនោះ គឺធ្វើឱ្យបរិស្ថាននៅតំបន់នេះ មានសោភ័ណភាពស្អាត ប្រកបដោយផាសុខភាព និងបរិយាកាសល្អប្រសើរ។

ក្នុងឱកាសនោះ ក្រុមហ៊ុន RMA Cambodia ក៏បានប្រគល់បង់អង្គុយ ចំនួន ១៦បង់ និងធុងសំរាម ចំនួន ៦៦ធុង ដល់រដ្ឋបាលខេត្តផងដែរ៕

រដ្ឋបាលខេត្តត្បូងឃ្មុំ ប្រារព្ធទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ ក្រោមប្រធានបទ “បរិយាបន្នពិការភាពលើគ្រប់វិស័យក្នុងយុគសម័យបរិវត្តកម្មឌីជីថល” ឆ្នាំ២០២៤-២០២៨

Details: Category: Provincial News

(ត្បូងឃ្មុំ) ៖ ព្រឹកថ្ងៃទី១៧ ខែធ្នូ ឆ្នាំ២០២៤ ឯកឧត្តម ម៉ាត់ ហ្គោហ្វូត អភិបាលរងខេត្ត តំណាងឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ និងជាប្រធានកិត្តិយសក្រុមប្រឹក្សាសកម្មភាពជនពិការខេត្ត បានអញ្ជើញជាអធិបតី ក្នុងទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ ក្រោមបរិយាបន្នពិការភាព លើគ្រប់វិស័យ ក្នុងយុគសម័យបរិវត្តកម្មឌីជីថល ឆ្នាំ២០២៤-២០២៨ ដែលសហការរៀបចំឡើង ដោយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងសាខាកាកបាទក្រហមកម្ពុជាខេត្តត្បូងឃ្មុំ ស្ថិតនៅបរិវេណវត្តមង្គលនិវាសន៍ (វត្ត២០២៤កណ្តាលជ្រុំ) ភូមិកណ្ដាលជ្រុំ ឃុំកណ្ដាលជ្រុំ ស្រុកពញាក្រែក ខេត្តត្បូងឃ្មុំ។

ឯកឧត្តម ឆាយ វណ្ណា និងឯកឧត្តម តហើរ អ៊ូមើរ អញ្ជើញជាអធិបតីក្នុងពិធីប្រគល់សញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤

Details: Category: Provincial News

(ត្បូងឃ្មុំ)នាព្រឹកថ្ងៃពុធទី១១ខែធ្នូឆ្នាំ២០២៤ឯកឧត្តម ឆាយ វណ្ណា សមាជិកព្រឹទ្ធសភា និងជាលេខាធិការគណះកម្មការកិច្ចការបរទេស និងកិច្ចសហប្រតិបត្តិការអន្តរជាតិឃោសនាការនិងព៌ត៍មាននៃព្រឹទ្ធសភា និង ឯកឧត្តម តហើរ អ៊ូមើរ ប្រធានសមាគមប្រភពល្អកម្ពុជា បានអញ្ជើញជាអធិបតីក្នុងពិធីពិធីប្រគល់សញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤។

ពិធីសម្ពោធអាគារធ្វើការស្នងការរងខេត្ត និងបិទសន្និបាត បូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំឆ្នាំ២០២៤ និងដាក់ចេញទិសដៅការងារឆ្នាំ ២០២៥ របស់ស្នងការដ្ឋាននគរបាលខេត្តត្បូងឃ្មុំ

Details: Category: Provincial News

(ត្បូងឃ្មុំ) ៖ ថ្ងៃទី ១១ ខែធ្នូ ឆ្នាំ២០២៤ ឯកឧត្តម ឧត្តមសេនីយ៍ឯក ជា ពៅ អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បទអញ្ជើញជាអធិបតី ក្នុងពិធីសម្ពោធដាក់ឲ្យប្រើប្រាស់ជាផ្លូវការ នៅអាគារធ្វើការ ស្នងការរងខេត្ត និងបិទសន្និបាត បូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំឆ្នាំ២០២៤ របស់ស្នងការដ្ឋាននគរបាលខេត្តត្បូងឃ្មុំ ដែលបានធ្វើឡើង នៅសាលប្រជុំធំ នៃស្នងការដ្ឋានខេត្ត ។

ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី៧ អាណត្តិទី៤ ដើម្បីពិនិត្យ និងអនុម័ត លើរបាយការណ៍រីកចម្រើនរបស់ខេត្ត

Details: Category: Provincial News

នាព្រឹកថ្ងៃទី០៩ ខែធ្នូ ឆ្នាំ២០២៤ ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និងឯកឧត្តម ពាង ណារិទ្ធ អភិបាលរងខេត្តត្បូងឃ្មុំ តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាលនៃគណៈអភិបាលខេត្ត អញ្ជើញជាអធិបតី បើកកិច្ចប្រជុំសាមញ្ញលើកទី៧ អាណត្តិទី៤ របស់ក្រុមប្រឹក្សាខេត្ត។

ក្រសួងសាធារណការ និងរដ្ឋបាលខេត្តត្បូងឃ្មុំ បើកកិច្ចប្រជុំរួមគ្នា ពាក់ព័ន្ធនឹងការត្រួតពិនិត្យការងារសុវត្ថិភាពចរាចរណ៍ផ្លូវគោក ខណៈ០៩ខែ ក្នុងឆ្នាំ២០២៤នេះ មានគ្រោះថ្នាក់ចរាចរកើតឡើង៥៦លើក ឆក់យកជីវិតមនុស្ស ៥០នាក់

Details: Category: Provincial News

(ត្បូងឃ្មុំ)៖ នាថ្ងៃទី៦ ខែធ្នូ ឆ្នាំ២០២៤នេះ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋាន គណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) និងឯកឧត្តម ម៉ៅ ឌុង អភិបាលរងខេត្ត តំណាងឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញជាអធិបតីភាព ក្នុងកិច្ចប្រជុំត្រួតពិនិត្យការងារសុវត្ថិភាពចរាចរណ៍ផ្លូវគោក គ.ស.ច.គ របស់ខេត្តត្បូងឃ្មុំ នៅសាលប្រជុំ ក សាលាខេត្ត។

ខេត្តត្បូងឃ្មុំ ប្រារព្ធទិវាពិភពលោកប្រយុទ្ធនឹងជំងឺអេដស៏ ១ ធ្នូ ២០២៤ក្រោមប្រធានបទ (សិទ្ធជាមាគ៌ាឆ្ពោះទៅបញ្ចប់អេដស៏)

Details: Category: Provincial News

ទិវាពិភពលោកប្រយុទ្ធនឹងជំងឺអេដស៏១ធ្នូ២០២៤ ក្រោមប្រធានបទ(សិទ្ធជាមាគ៌ាឆ្ពោះទៅបញ្ចប់អេដស៏) បានរៀបចំឡើងដោយសាខាកាកបាទក្រហមកម្ពុជាខេត្តត្បូងឃ្មុំ សហការជាមួយមន្ទីរសុខាភិបាលខេត្ត នាថ្ងៃទី០៥ ខែធ្នូ ឆ្នាំ២០២៤ ដែលបានប្រារព្ធធ្វើឡើង នៅបរិវេណការិយាល័យស្រុកប្រតិបត្តិមេមត់ ខេត្តត្បូងឃ្មុំ ក្រោមអធិបតីភាពឯកឧត្តមវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាល នៃរដ្ឋបាលខេត្តត្បូងឃ្មុំ និងជាអនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្ត តំណាងដ៍ខ្ពង់ខ្ពស់ឯកឧត្តម ប៉ែន កុសល្យ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហម ព្រមទាំងសមាជិក/សមាជិកាគណៈកម្មាធិការសាខា អភិបាលស្រុក ក្រុង កងកម្លាំងប្រដាប់អាវុធទាំង៣ ថ្នាក់ដឹកនាំមន្ទីរអង្គភាពជុំវិញខេត្ត មន្ត្រីសាខា សិស្សានុសិស្ស និងបងប្អូនប្រជាពលរដ្ឋផ្ទុកជំងឺអេដស៍ ជាច្រើនរូបទៀត។

វគ្គបណ្តុះបណ្តាលស្តីពី «បច្ចេកទេសកសិកម្មសមស្រប និងឱកាសការងារដល់យុវជន» នៅខេត្តត្បូងឃ្មុំ

Details: Category: Provincial News

(ត្បូងឃ្មុំ)៖ ថ្ងៃទី០៣ ខែធ្នូ ឆ្នាំ២០២៤ កិច្ចសហការរៀបចំរវាងសហភាពសហព័ន្ធយុវជនកម្ពុជាខេត្តត្បូងឃ្មុំ មន្ទីរកសិកម្មខេត្ត សមាគមបញ្ញវន្តក្មេងវត្ត និងគម្រោងគ្លីនិកកសិកម្ម បានបើកវគ្គបណ្តុះបណ្តាលស្តីពី «បច្ចេកទេសកសិកម្មសមស្រប និង ឱកាសការងារដល់យុវជន» ក្រោមអធិបតីភាព ឯកឧត្តម ម៉ៅ ឌុង អភិបាលរងខេត្ត និងជាប្រធានសហភាពសហព័ន្ធយុវជនកម្ពុជាខេត្តត្បូងឃ្មុំ នៅសាលប្រជុំអាគារតេជោបូព៌ា នៃស្នាក់ការ ស.ស.យ.ក ខេត្តត្បូងឃ្មុំ។

និយ័តករមូលបត្រកម្ពុជា សហការជាមួយរដ្ឋបាលខេត្តត្បូងឃ្មុំ បើកសិក្ខាសាលាស្តីពី”ការគាំពារវិនិយោគិន និងការពង្រឹងការអនុវត្តច្បាប់ ក្នុងវិស័យមូលបត្រ នៅកម្ពុជា”

Details: Category: Provincial News

(ត្បូងឃ្មុំ) : ឯកឧត្តម សៀង ធីរិទ្ធ អគ្គនាយករង នៃនិយ័តករមូលបត្រកម្ពុជា និងឯកឧត្តម ចេង ប៊ុណ្ណារ៉ា អភិបាលរងខេត្ត តំណាងឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ និងលោកជំទាវ ឡេង សុខា សមាជិកក្រុមប្រឹក្សាខេត្ត តំណាងឯកឧត្តម ឡុង ធាម ប្រធានក្រុមប្រឹក្សាខេត្ត នៅព្រឹកថ្ងៃទី០២ ខែធ្នូ ឆ្នាំ២០២៤ បានអញ្ជើញជាអធិបតី ក្នុងសិក្ខាសាលាស្តីពី "ការគាំពារវិនិយោគិន និងការពង្រឹងការអនុវត្តច្បាប់ ក្នុងវិស័យមូលបត្រ នៅកម្ពុជា " នៅសាលប្រជុំ គ សាលាខេត្តត្បូងឃ្មុំ។

វេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តត្បូងឃ្មុំ អាណត្តិទី៤ ឆ្នាំ២០២៤ នៅស្រុកតំបែរ

Details: Category: Provincial News

(ត្បូងឃ្មុំ) ៖ រសៀលថ្ងៃទី ២៨ ខែវិច្ឆិកា ឆ្នាំ២០២៤ លោកជំទាវ ឡេង សុខា សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ ឯកឧត្តម ឡុង ធាម ប្រធានក្រុមប្រឹក្សាខេត្ត និង ឯកឧត្តម គន់ រ័ត្នមុនី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតី ក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តត្បូងឃ្មុំ អាណត្តិទី ៤ ឆ្នាំ២០២៤ នៅស្រុកតំបែរ ស្ថិតនៅបរិវេណវត្តពោធិ៍ព្រឹក្ស (ហៅវត្តគោកស្រុក) ភូមិគោកស្រុក ឃុំគោកស្រុក ស្រុកតំបែរ ខេត្តត្បូងឃ្មុំ។

ក្រុមសមាជិកព្រឹទ្ធសភាប្រចាំភូមិភាគ ទី ២ សហការជាមួយគ្រូពេទ្យស្ម័គ្រចិត្តមកពីប្រទេសបារាំង ចុះពិនិត្យ និងព្យាបាលជូនប្រជាពលរដ្ឋ ដោយឥតគិតថ្លៃ នៅក្នុងខេត្តត្បូងឃ្មុំ និងខេត្តកំពង់ចាម។

Details: Category: Provincial News

(ត្បូងឃ្មុំ)៖ ក្រុមសមាជិកព្រឹទ្ធសភា ប្រចាំភូមិភាគទី២ (ខេត្តត្បូងឃ្មុំ និងខេត្តកំពង់ចាម) ដែលមានឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា នៃព្រះរាជាណាចក្រកម្ពុជា ជាប្រធានក្រុមប្រចាំភូមិភាគទី២ បានសហការជាមួយគ្រូពេទ្យស្ម័គ្រចិត្ត Solidarity Mission (Bioderma) ប្រទេសបារាំង អញ្ជើញជួបសំណេះសំណាល និងចុះពិនិត្យ ព្យាបាលជំងឺជូនប្រជាពលរដ្ឋ ដោយឥតគិតថ្លៃ ក្នុងខេត្តត្បូងឃ្មុំ នៅថ្ងៃទី២៩ ខែវិច្ឆិកា និងនៅខេត្តកំពង់ចាម នៅថ្ងៃទី៣០ ខែវិច្ឆិកា ឆ្នាំ២០២៤។

រដ្ឋបាលខេត្តត្បូងឃ្មុំ និងមន្ទីរកិច្ចការនារីខេត្ត ធ្វើយុទ្ធនាការ ១៦ ថ្ងៃ ដើម្បីបញ្ឈប់អំពើហិង្សាលើស្ត្រី និងក្មេងស្រី ឆ្នាំ២០២៤ ក្រោមប្រធានបទ រួមគ្នាបញ្ឈប់អំពើហិង្សាលើស្ត្រី ដើម្បីវឌ្ឍនភាពសង្គម និងពិភពលោក

Details: Category: Provincial News

(ត្បូងឃ្មុំ) ៖ ថ្ងៃទី២៦ ខែវិច្ឆិកា ឆ្នាំ២០២៤ លោកជំទាវ នី ចាន់ ធីតា អភិបាលរងខេត្ត និងជាប្រធានប្រតិបត្តិនៃក្រុម GBV ខេត្តត្បូងឃ្មុំ បានអញ្ជើញជាអធិបតី ក្នុងពិធីបើកយុទ្ធនាការ ១៦ ថ្ងៃ ដើម្បីបញ្ឈប់អំពើហិង្សាលើស្ត្រី និងក្មេងស្រី ឆ្នាំ២០២៤ ក្រោមប្រធានបទ រួមគ្នាបញ្ឈប់អំពើហិង្សាលើស្ត្រី ដើម្បីវឌ្ឍនភាពសង្គម និងពិភពលោក ។

រដ្ឋមន្ត្រីក្រសួងកសិកម្ម ដឹកនាំប្រតិភូសហភាពអុឺរ៉ុប ចុះធ្វើទស្សនៈកិច្ចសិក្សាស្វែងយល់ពីខ្សែសង្វាក់ផលិតកម្មដំណាំម្រេច របស់សហគមន៍កសិកម្មទំនើបម្រេចមេមត់ត្បូងឃ្មុំ

Details: Category: Provincial News

(ត្បូងឃ្មុំ): នាព្រឹកថ្ងៃទី២៨ ខែវិច្ឆិកា ឆ្នាំ២០២៤នេះ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានដឹកនាំគណៈប្រតិភូសហភាពអុឺរ៉ុបប្រចាំកម្ពុជា ចុះធ្វើទស្សនៈកិច្ចសិក្សាស្វែងយល់ ពីខ្សែសង្វាក់ផលិតកម្មដំណាំម្រេចរបស់សហគមន៍កសិកម្មទំនើបម្រេចមេមត់ត្បូងឃ្មុំ ស្ថិតនៅភូមិជាច ឃុំមេមង ស្រុកមេមត់ ខេត្តត្បូងឃ្មុំ ។

រដ្ឋបាលខេត្តត្បូងឃ្មុំ រៀបចំវេទិកាពិគ្រោះយោបល់ ស្ដីពីភាពជាដៃគូរវាងរដ្ឋបាលខេត្ត និងអង្គការសង្គមស៊ីវិល ក្រោមប្រធានបទ ការពង្រឹងភាពជាដៃគូរវាងរដ្ឋបាលខេត្ត ជាមួយសហគមន៍ អង្គការមិនមែនរដ្ឋាភិបាល និងសមាគមនានា

Details: Category: Provincial News

(ត្បូងឃ្មុំ) : រសៀលថ្ងៃទី ២៦ ខែវិច្ឆិកា ឆ្នាំ២០២៤ ឯកឧត្តម យឹម គឹមហ៊ន សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ ឯកឧត្តម ឡុង ធាម ប្រធានក្រុមប្រឹក្សាខេត្ត និងឯកឧត្តម ណុប ឡងឌី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតី ក្នុងវេទិកាពិគ្រោះយោបល់ ស្ដីពីភាពជាដៃគូរវាងរដ្ឋបាលខេត្ត និងអង្គការសង្គមស៊ីវិល ក្រោមប្រធានបទ ការពង្រឹងភាពជាដៃគូរវាងរដ្ឋបាលខេត្ត ជាមួយសហគមន៍ អង្គការមិនមែនរដ្ឋាភិបាល និងសមាគមនានា នៅសាលប្រជុំ គ សាលាខេត្តត្បូងឃ្មុំ។

Page 2 of 129