ប្រជាពលរដ្ឋ​ជាង​១​៣​លាន​នាក់​បាន​ធ្វើដំណើរ​ក​ម្សាន្ត​នៅ​ទូទាំង​ប្រទេស​ក្នុងរយៈពេល​៣​ថ្ងៃ​ដំបូង​នៃ​ពិធី​បុណ្យចូលឆ្នាំ​ខ្មែរ​

សេចក្ដីលម្អិត

ជំពូក៖ ព័ត៌មានទេសចរណ៍

យោងតាមសេចក្តីប្រកាសព័ត៌មាន ក្នុងរយៈពេល៣ថ្ងៃដំបូងនៃពិធីបុណ្យចូលឆ្នាំប្រពៃណីជាតិពីថ្ងៃទី១៣ ដល់ថ្ងៃទី១៥ ខែមេសាមានប្រជាពលរដ្ឋចំនួន ១៣,៣៥លាននាក់បានធ្វើដំណើរកម្សាន្តនៅទូទាំងប្រទេស។

ប្រភពដដែលបានបង្ហាញទៀតថា ជិត ១៣,២៨ លាននាក់ជាភ្ញៀវទេសចរជាតិ និង ៨១,៧៤៥ ជាភ្ញៀវទេសចរបរទេស។

ខេត្តកំពង់ចាម ទទួលបានភ្ញៀវទេសចរជាតិ និងបរទេសច្រើនជាងគេប្រមានជាង៣,៤លាននាក់ បន្ទាប់មកខេត្តកំពង់ស្ពឺជាង១,២លាននាក់ និងខេត្តបាត់ដំបងជិត១,១លាននាក់ ។

ខេត្តព្រះសីហនុបានទាក់ទាញភ្ញៀវទេសចរអន្តរជាតិច្រើនជាងគេចំនួន ១៤,៧៦៩ នាក់ ខណៈដែលខេត្តប៉ៃលិនទទួលបានភ្ញៀវទេសចរចំនួន ១៤,៣៨៧ និងខេត្តសៀមរាប ទទួលបានភ្ញៀវទេសចរចំនួន ១២,៩៩១។

ប្រជាពលរដ្ឋកម្ពុជាកំពុងប្រារព្ធពិធីចូលឆ្នាំថ្មីប្រពៃណីជាតិឆ្នាំរោង ចាប់ពីថ្ងៃទី១៣ ដល់១៦ ខែមេសា។

ដកស្រង់ពី៖ ខ្មែរថាមស៍