Klopp ថា​ Salah ជ្រើសរើស​ Liverpool បដិសេធ​សំណើ​ចង់​បាន​ Al Ittihad

សេចក្ដីលម្អិត

ជំពូក៖ ព័ត៌មានកីឡា

លោក Jurgen Klopp អ្នកចាត់ការក្លឹប Liverpool បាននិយាយទៅកាន់ Sky Sports កាលពីពេលថ្មីៗនេះថា ខ្សែប្រយុទ្ធ Mohamed Salah ជ្រើសរើសបន្តនៅក្លឹបលោក បដិសេធសំណើចង់បានរបស់ Al Ittihad ។

Salah ត្រូវបានក្លឹបនៅអារ៉ាប៊ីសាអ៊ូឌីតជាច្រើនចង់បានកាលពីរដូវកាលទិញដូរកីឡាករកន្លងទៅនេះ ដោយក្នុងនោះ Al Ittihad បានដាក់សំណើទិញយកក្នុងតម្លៃជិត ១៩០លានដុល្លារ។

ប៉ុន្តែសំណើនេះត្រូវបានបដិសេធ ដោយលោក Klopp បានលើកឡើងថា Salah សម្រេចចិត្តនៅ Liverpool ដដែល។ Salah មកលេងឲ្យ Liverpool តាំងពីឆ្នាំ២០១៧ ដោយនៅមានកុងត្រារហូតដល់ឆ្នាំ ២០២៥៕