Dembele ព្រម​ចូល​រួម​ជាមួយ PSG

សេចក្ដីលម្អិត

ជំពូក៖ ព័ត៌មានកីឡា

ខ្សែស្លាប Ousmane Dembele ព្រមទៅចូលរួមជាមួយក្លឹបយក្សបារាំង PSG។ នេះបើតាមការចុះផ្សាយរបស់អ្នកសារព័ត៌មាន Fabrizio Romano។

យោងតាមប្រភពដដែល PSG ហ៊ានឲ្យ Dembele កុងត្រា ៥ ឆ្នាំ។ ភាគីកីឡាករ បានព្រមព្រៀងចង់ទៅចូលរួមជាមួយក្លឹបយក្សបារាំងហើយ។ ឥឡូវនេះ ដល់វគ្គក្លឹប PSG និងក្លឹប Barcelona ចរចាគ្នារឿងតម្លៃផ្ទេរ។

យោងតាមរបាយការណ៍ចុងក្រោយ PSG ហ៊ានឲ្យថ្លៃផ្ទេរប្រមាណ ៥០ លានអឺរ៉ូ ខណៈ Barcelona ចង់ទារថ្លៃជាងនេះ។

Dembele បានមកចូលរួមជាមួយ Barca ពី Borussia Dortmundកាលពីឆ្នាំ ២០១៧ ក្នុងតម្លៃផ្ទេរប្រមាណ ១០៥ លានអឺរ៉ូ។ ពេលវេលាជាង ៦ ឆ្នាំនៅ Barcelona មានឡើងមានចុះសម្រាប់កីឡាកររូបនេះ ដោយពើបប្រទះនឹងបញ្ហារបួសច្រើន។

កីឡាករបារាំងវ័យ ២៦ ឆ្នាំលេងឲ្យយក្សអេស្ប៉ាញសរុប ១៨៥ ប្រកួត និងស៊ុតចូល ៤០ គ្រាប់៕