រថយន្តឡង់គ្រីស័រ ព្យាយាមបត់ចូលក្លឹប ត្រូវរថយន្តព្រូសចាប់ហ្រ្វាំង មិនទាន់បុកគេពីក្រោយខ្ទេចខ្លួនឯង

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ ទំនងជាចេញ ពីកន្លែងផឹកស៊ី ហើយបន្តរក កន្លែងរំាំកម្សាន្ត បន្តទៀត បែរជាជួបគ្រោះ ថ្នាក់ចរាចណ៍ ក្នុងមួយពព្រិចភ្នែក ខណៈរថយន្តឡង់ គ្រីស័រព្យាយាម បើកបតចូលក្លឹប តែត្រូវរថយន្តព្រូស ប្រហែលមើលមិនទាន់ និងចាប់ហ្រ្វាំងមិនទាន់ បុកគេពីក្រោយ ខ្ទេចទាំងសងខាង ហេតុការណ៍នេះ បានកើតឡើងនៅចំណុច ទល់មុខធនាគារប្រាសាក់ នៅម៉ោង២ និង៣០នាទី រំលង់អាធ្រាត្រ ឈានចូលថ្ងៃទី២៥ ខែមករា ឆ្នាំ២០១៧ នៅតាមបណ្តោយផ្លូវ២៧១ សង្កាត់ទួលទំពួង២ ខណ្ឌចំការមន ។

 តាមប្រជាពលរដ្ឋដែលឃើញហេតុការណ៍ ផ្ទាល់បានឲ្យដឹងថា គេឃើញនារីៗ ២ទៅ៣នាក់ បានបើកបររថយន្តឡង់គ្រីស័រ ពាក់ស្លាកលេខភ្នំពេញ 2F-8464 ធ្វើដំណើរតាមបណ្តោយផ្លូវ២៧១  ក្នុងគោលបំណងបតចូលទៅរក កន្លែងកម្សាន្ត (ក្លឹបប្លូឡាញ) ក៏ស្រាប់តែមាន រថយន្តព្រូស ដែលពាក់ស្លាកលេខភ្នំពេញ 2AJ-7506 ទំនងជាមើលឃើញហើយចាប់ហ្វាំងមិនទាន់ បុកគេពីក្រោយឡង់គ្រីស័រ បណ្តាលឲ្យខូចខាតផ្នែកខាងឆ្វេង និងបែកកង់មួយចំហៀង ចំណែករថយន្តព្រូសដាច់កាឡេ បើកទៅមុខមិនរួច ។

ក្រោយពេលកើតហេតុ ត្រូវបានសមត្ថកិច្ចធ្វើការវាស់វែង និងយករថយន្តទាំងពីរ រួមទាំងម្ចាស់ដើម្បីធ្វើការដោះស្រាយ ទៅតាមនិតិវិធីច្បាប់ចរាចរណ៍ផ្លូវគោក ៕

ដកស្រង់ពី៖ដើមអម្ពិល