កំពង់ឆ្នាំង៖ កម្លាំងសមត្ថកិច្ចចម្រុះ ក្រោមបទបញ្ជាផ្ទាល់ លោក ឈួរ ច័ន្ទឌឿន អភិបាលខេត្ត កំពង់ឆ្នាំង នៅថ្ងៃទី២១ ខែធ្នូ ឆ្នាំ២០១៦នេះ ដែល មានកម្លាំងសរុប៦នាក់ ដឹកនាំដោយ លោក ងិន ហ៊ុន ប្រធានមន្ទីរ កសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង ចុះបង្ក្រាបបទល្មើស ជលផលក្នុង ដែននេសាទទឹក សាបស្រុកកំពង់លែងខេត្ត កំពង់ឆ្នាំង ។
នាយផ្នែករដ្ឋបាលជលផល ផ្សារឆ្នាំងលោក តាត សីហាក់បានឲ្យដឹងថា កម្លាំងចម្រុះបានចុះបង្ក្រាប របាំងសាច់អួន នៅចំណុចអូរច្រវ៉ាក់ និងកោះទន្លា ក្នុងឃុំប្រឡាយមាស ស្រុកកំពង់លែង ។ លទ្ធផលរុះរើរ បាំងសាច់អួន បានប្រវែង ១៨០០ម៉ែត្រ, បង្គោល៩០០ដើម និងចាក់លែងត្រីចម្រុះ ចូលក្នុងបឹងធម្មជាតិវិញ ៥០គីឡូក្រាម ។
ទោះយ៉ាងណា ភ្នាក់ងារដើមអម្ពិល ប្រចាំខេត្តកំពង់ឆ្នាំង បន្តតាមដាននូវ សកម្មដោយមិន បញ្ឈប់ត្រឹមនេះឡើយ ៕
ដកស្រង់ពី៖ដើមអម្ពិល