គ្រោះថ្នាក់ចរាចរណ៍ ថ្ងៃទី២៣សីហា ពុំមានមនុស្សស្លាប់ តែរបួសធ្ងន់ និងស្រាល១១

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ ៖ នៅថ្ងៃទី២៣ ខែសីហា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៥លើក (យប់ ១លើក) មិនបណ្តាលឲ្យមានមនុស្សស្លាប់នោះទេ ប៉ុន្តែរងរបួសធ្ងន់ ៦នាក់ (ប្រុស) និងរបួស ស្រាល ៥នាក់ (ស្រី ១នាក់) ។

យោងតាមនាយកដ្ឋាន នគរបាលចរាចរណ៍ បានឲ្យដឹងថា នៅក្នុងហេតុការណ៍គ្រោះថ្នាក់ចរាចរណ៍ទាំង ៥លើកនេះ បណ្តាលឲ្យខូចខាតយានយន្ត សរុប ចំនួន ៧គ្រឿង រួមមានម៉ូតូចំនួន ៤គ្រឿង រថយន្តធុនតូចចំនួន ២គ្រឿង និងយានផ្សេងៗចំនួន ១គ្រឿង ។ មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍ រួមមាន ល្មើសល្បឿន ៣លើក, កត្តាយានយន្ត ១លើក និងមិនចេះបើកបរ ១លើក ក្នុងនោះអ្នកមិនពាក់មួក សុវត្ថិភាព ពេលគ្រោះថ្នាក់ចរាចរណ៍ ៧នាក់ (យប់ ៤នាក់) ។

គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន ២លើក និងផ្លូវខេត្ត-ក្រុង ចំនួន ៣លើក ដោយឡែកយានយន្តដែលបង្កហេតុ រួមមាន ម៉ូតូ ២លើក និងរថយន្ត ធុនតូច ៣លើក ។ ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តព្រះសីហនុ ២លើក របួស ៥នាក់ ខេត្តកំពង់ ឆ្នាំង ១លើក របួស ៣នាក់ (ស្រី ១នាក់) ខេត្តកំពត ១លើក របួស ២នាក់ និងខេត្តក្រចេះ ១លើក របួស ១នាក់ ។ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំង ប្រទេសមាន ចំនួន ២ ២៤៦គ្រឿង ក្នុងនោះបានធ្វើការអប់រំចំនួន ១ ០៧៣គ្រឿង និងពិន័យសរុបចំនួន ១ ១៧៣គ្រឿង ៕

ដកស្រង់ពី៖ ដើមអម្ពិល