នគរបាល អន្តោប្រវេសន៍ បន្តចុះ​ត្រួ​ត​ពិ​និ​ត្រ កា​​រ​រស់​នៅខុ​ស​ច្បាប់ ​រ​​ប​ស់​ជន​ប​រទេ​ស​​ នៅសង្កាត់​ផ្សា​​រ​ ​ដើ​ម​ថ្កូវ ​និ​ង​សង្កាត់ បឹងត្របែក

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ កម្លាំងនគរបាល នៃនាយកដ្ឋានស៊ើបអង្កេត និងអនុវត្តនីតិវិធី ដឹកនាំដោយ ឧត្តមសេនីយ៍ទោ អ៊ុក ហៃសីឡា នៅម៉ោង ៦ព្រឹក ថ្ងៃទី៣ ខែសីហា ឆ្នាំ២០១៦នេះ បានបន្តចុះប្រមូលជន បរទេស ដើម្បីត្រួតពិនិត្យ ទៅលើជនបរទេស ទាំងនោះ ដែលធ្វើការដោយ លិខិតស្នាមការងារ ពិសេសជនជាតិវៀតណាម ស្ថិតតាមបណ្តោយផ្លូវ៩៧ កែង៤៧៤ សង្កាត់បឹងត្របែក និងផ្លូវ៥០៨ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។

ក្នុងនោះ កម្លាំងគរបាល បានត្រួតពិនិត្រលើឯកសារ របស់ក្រុមជនបរទេស ជាជនជាតិវៀតណាម ដែលមកផឹកកាហ្វេ នូនូ ដោយប្រមូលបាន ជនជាតិវៀតណាម ប្រុសស្រី ចំនួន ១៦នាក់ ស្រី៤នាក់ ដែលគ្មានឯកសារ បញ្ជាក់ត្រឹមត្រូវ ។ ដោយឡែកកម្លាំងនគរបាល បានចុះត្រួតពិនិត្យលើ ជនជាតិហ្វីលីពីន ២នាក់ រស់នៅក្នុងសហគមន៍ អភិវឌ្ឍន៍កសិកម្ម កម្ពុជា ផ្ទះលេខ០៧ ផ្លូវ៥០៨ សង្កាត់ផ្សារដើមថ្កូវ ខណ្ឌចំការមន ។

ក្រោយធ្វើការ ត្រួតពិនិត្យ កម្លាំងនគរបាល បានរកឃើញថា ជនជាតិវៀតណាម ចំនួន ១៦នាក់ ស្រី៤នាក់ និងជនជាតិហ្វីលីពីន ២នាក់ ជាប្តីប្រពន្ឋ ។ ប្រធាននាយកដ្ឋាន ស៊ើបអង្កេត និងអនុវត្តនីតិវិធី លោកឧត្តមសេនីយ៍ទោ អ៊ុក ហៃសីឡា បានអោយដឹងថា ក្រោយការ ត្រួតពិនិត្យ និងឃាត់ខ្លួន ជនជាតិបរទេសទាំងនេះ ត្រូវបាននាំយកមកអគ្គនាយកដ្ឋាន អន្តោប្រវេសន៍ ដើម្បីអនុវត្តតាម នីតិវិធីច្បាប់ ៕

ដកស្រង់ពី៖ ដើមអម្ពិល