ចោរ​ប្រុស​-​ស្រី​ហ៊ាន​គ​គ្លើ​ន កា.ប់.​ប្ល.ន់​ម៉ូតូ​គេ តែ​មិន​បាន​សម្រេច

សេចក្ដីលម្អិត

ជំពូក៖ ព័ត៌មានសន្តិសុខសង្គម

រាជធានីភ្នំពេញ ៖ យោងផេកស្នងការដ្ឋាននគរបាលរាជធានភ្នំពេញបានឱ្យដឹងថា នៅថ្ងៃទី១៨ ខែមេសា ឆ្នាំ២០២៤ កម្លាំងប៉ុស្តិ៍នគរបាលរដ្ឋបាលមិត្តភាពនៃអធិការដ្ឋាននគរបាលខណ្ឌ៧មករា បានឃាត់ខ្លួនជនសង្ស័យចំនួន០២នាក់ពាក់ព័ន្ធករណីកាប់ប្លន់យកម៉ូតូ តែមិនបានសម្រេច ស្ថិតនៅចំណុចមុខផ្ទះសំណាក់ហេងលាភ សង្កាត់មិត្តភាព ខណ្ឌ៧មករា ខណៈកម្លាំងកំពុងល្បាតក្នុងមូលដ្ឋាន ។

ការឃាត់ខ្លួនជនសង្ស័យចំនួន០២នាក់ ១-ឈ្មោះពៅ វណ្ណៈ ភេទប្រុស មុខរបររើសអេតចាយ ទីលំនៅ មិនពិតប្រាកដ (មានសារធាតុញៀន)។ និង២-ឈ្មោះ គឿន ចរិយា ភេទស្រី ទីលំនៅមិនពិតប្រាកដ(មានសារធាតុញៀន)។ សម្រាប់វត្ថុតាងដកហូតកាំបិតតាំង០១, ម៉ូតូម៉ាក Honda Beat ស្លាកលេខភ្នំពេញ1IE-6877។ បច្ចុប្បន្ន ជនសង្ស័យខាងលើ សមត្ថកិច្ចកំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕

ដកស្រង់ពី៖កោះសន្តិភាព