តារាចម្រៀង ហង្សមាស កញ្ញា ពេជ្រ សូលីកា បានធ្លាយដំណឹងភ្ជាប់ពាក្យគួរឲ្យភ្ញាក់ផ្អើលនាថ្ងៃម្សិលមិញ ដែលនៅវេលានោះ តារាស្រីតូចច្រឡឹងត្រូវបានគេមើលឃើញថាស្អាតខ្លាំងដូចព្រះនាង។
ការភ្ជាប់ពាក្យនេះ គឺមានរយៈពេលខ្លីប៉ុណ្ណោះ ដែល សូលីកា បានឲ្យតម្រុយ។ នៅមុននេះបន្តិច ស្រីស្អាត បានបង្ហោះរូបជាមួយបុរសវ័យក្មេង អំឡុងពេលពួកគេដើរធ្វើបុណ្យជាមួយគ្នានាអំឡុងបុណ្យភ្ជុំបិណ្ឌប្រពៃណីជាតិកន្លងទៅថ្មីៗនេះ។ បង្ហោះរូបជាមួយបុរសទំនងកូនចិនរូបនេះ សូលីកា សរសេរថា "នេះគឺជាអនាគតបងប្រុង"។
ងាកទៅអ្នកគាំទ្រឯណោះវិញ បានជូនពរពួករៀងខ្លួន។ យ៉ាងណា មកដល់ថ្ងៃនេះ គេមិនទាន់ដឹងថា អនាគតស្វាមីរបស់ ពេជ្រ សូលីកា មានឈ្មោះអ្វី ប្រកបរបរអ្វីនោះទេ។ អ្វីដែលគេដឹង និងមើលឃើញគឺថា ពួកគេទាំងពីរសាកសមគ្នាណាស់ ពិសេសភាគីខាងស្រីតែម្ដង ត្រូវអ្នកគាំទ្រសរសើរថា នាងពិតជាមានសម្រស់ស្រស់ស្អាតខ្លាំងណាស់៕
ដកស្រង់ពី៖ Sabay