New Zealand កំណត់ប្រទេសឥណ្ឌូនេស៊ី និងប្រទេសហ្វីជី ជាប្រទេសដែលមានហានិភ័យខ្ពស់ដោយសារកូវីដ ១៩

សេចក្ដីលម្អិត

ជំពូក៖ ព័ត៌មានអន្តរជាតិ

 ប្រទេស New Zealand នៅថ្ងៃពុធទី ១១ ខែសីហានេះ បានកំណត់ប្រទេសឥណ្ឌូនេស៊ី និងប្រទេសហ្វីជី ថា ជាប្រទេសដែលមានហានិភ័យខ្ពស់ ដោយសារការកើនឡើងនៃករណីឆ្លងជំងឺកូវីដ ១៩ និងបានដាក់កំហិតលើការធ្វើដំណើរពីបណ្តាប្រទេសទាំងពីរនេះ។

រដ្ឋមន្ត្រីទទួលបន្ទុក COVID-19 លោក Chris Hipkins បាននិយាយថា ការធ្វើដំណើរទៅកាន់ប្រទេស New Zealand ពីប្រទេសឥណ្ឌូនេស៊ី និងហ្វីជី នឹងត្រូវបានដាក់កម្រិតចំពោះពលរដ្ឋ New Zealand ប្តី/ប្រពន្ធ និងកូនៗ និងឪពុកម្តាយកុមារតូចៗ ដែលជាពលរដ្ឋ New Zealand។

លោក Hipkins បានបន្ថែមថា អ្នកទេសចរផ្សេងទៀត រួមទាំងប្រជាជន New Zealand ត្រូវចំណាយពេល ១៤ ថ្ងៃនៅខាងក្រៅប្រទេសឥណ្ឌូនេស៊ីសិន មុនពេលហោះហើរមកដល់ប្រទេស New Zealand នេះបើតាមការផ្សាយរបស់ CNA/Reuters នៅថ្ងៃពុធនេះ។