ព័ត៌មាន
Radio Live
Social Network
ក្រឡាប់រថយន្ត ស្លាប់២ និងរបួសធ្ងន់ស្រាល ៤នាក់ លើផ្លូវជាតិលេខ៣
- Details
- Category: Social Security News
កំពត៖ ស្លាប់២ និងរបួសធ្ងន់ ស្រាល ០៤នាក់ ខណៈជិះ រថយន្តចេញ ពីមើលខនស៉ឺត ក្នុងពិធីបុណ្យ សមុទ្រ វិលត្រឡប់ ទៅផ្ទះវិញ ។
Read more: ក្រឡាប់រថយន្ត ស្លាប់២ និងរបួសធ្ងន់ស្រាល ៤នាក់ លើផ្លូវជាតិលេខ៣
មេព្រៃផ្នែកបរកែវ ចុះរឹបអូសគំនរ ឈើប្រណីត ច្រើនដុំ ដែលឈ្មួញដឹក មកគរទុក នៅស្រុកអូរយ៉ាដាវ បម្រុងនាំចេញ ទៅវៀតណាម
- Details
- Category: Social Security News
រតនគិរី៖ កម្លាំងរដ្ឋបាល ព្រៃឈើ ផ្នែកបរកែវ សហការ ជាមួយកម្លាំង នគរបាល ប្រឆាំងបទល្មើស សេដ្ឋកិច្ចខេត្ត និង កម្លាំងនគរ បាលស្រុក អូរយ៉ាដាវ កាលពីវេលា ម៉ោង៨ និង៤០នាទី យប់ថ្ងៃទី១០ ខែធ្នូ បានចុះរូបអូស ឈើប្រណីត ជាច្រើនដុំ ដែលឈ្មួញដឹក មកគរទុកបម្រុង នាំចេញទៅវៀតណាម ត្រង់ចំណុច ចម្ការស្វាយចន្ទី កន្លែងស្ថិតក្នុង ភូមិ ប៉ក់តូច ឃុំ ប៉ក់ញ៉ៃ ស្រុកអូរយ៉ាដាវ ខេត្តរតនគិរី ។
Read more: មេព្រៃផ្នែកបរកែវ ចុះរឹបអូសគំនរ ឈើប្រណីត ច្រើនដុំ ដែលឈ្មួញដឹក មកគរទុក...
កម្មករហាងលក់ការ៉ូ យីហោ SH ស្លាប់ ដោយសារប៊ិចកាំភ្លើង
- Details
- Category: Social Security News
ភ្នំពេញ ៖ សេចក្តីរាយការណ៍ ពីកងរាជ អាវុធហត្ថ ខណ្ឌសែនសុខ បានឲ្យដឹង នៅថ្ងៃសុក្រ ទី១១ ខែធ្នូ ឆ្នាំ២០១៥នេះថា បុរសម្នាក់ ជាកម្មករ នៅហាងលក់ ការ៉ូយីហោ SH បានស្លាប់ បាត់បង់ជីវិត ដោយសារតែ ប៊ិចកាំភ្លើង ផ្ទុះត្រូវខ្លួន កាលពីល្ងាចថ្ងៃ ព្រហស្បតិ៍ តម្សិលមិញ ។
Read more: កម្មករហាងលក់ការ៉ូ យីហោ SH ស្លាប់ ដោយសារប៊ិចកាំភ្លើង
ករណីទម្លាក់ ព្រះពុទ្ធរូប ចូលទឹកស្អុយ អាចមកពីមូលហេតុ ការលក់ដូរកុដិ ដោយសង្ឃក្នុង វត្តស្ទឹងមានជ័យ
- Details
- Category: Social Security News
ភ្នំពេញ៖ តាមសេចក្តី រាយការណ៍ នៅព្រឹកថ្ងៃទី៨ ខែធ្នូ ឆ្នាំ២០១៥ ការសន្និដ្ឋាន ក្នុងករណី ទម្លាក់ព្រះពុទ្ធ រូបជាច្រើន អង្គចូលទៅ ក្នុងទឹកស្អុយ នៅវត្តស្ទឹងមានជ័យ អាចបណ្តាលមកពីករណី លក់ដូរកុដិ ក្នុងវត្តដោយ ព្រះសង្ឃ ក្នុង កុដិលេខ១៧ និងព្រះសង្ឃ ក្នុងកុដិលេខ៤៣ ។
Read more: ករណីទម្លាក់ ព្រះពុទ្ធរូប ចូលទឹកស្អុយ អាចមកពីមូលហេតុ ការលក់ដូរកុដិ...
ប្រជាពលរដ្ឋខ្មែរ ០៨នាក់ពុលមីថៃ
- Details
- Category: Social Security News
បាត់ដំបង៖ របាយការណ៍ របស់ ប៉ូលីសចេញផ្សាយ នៅព្រឹកថ្ងៃទី០៧ ខែធ្នូ ឆ្នាំ២០១៥នេះបានបង្ហាញថា មាន ប្រជាពលរដ្ឋ ៨នាក់ នៅភូមិកោករការ ឃុំដូនបា ស្រុកគាស់ក្រឡ ខេត្តបាត់ដំបង បានឆុងមី ដែលផលិតនៅ ប្រទេស ថៃ ស្រាប់តែពុល ជាបន្តបន្ទាប់ រហូតដល់ ០៨នាក់ ។
ក្រុមចោរ កាត់សោរបង ចូលបាញ់ប្លន់ ប្រជាពលរដ្ឋដល់ផ្ទះ នៅត្រែងត្រយឹង របួសធ្ងន់ ស្រាល ជិត១០នាក់
- Details
- Category: Social Security News
កំពង់ស្ពឺ៖ សមាជិកគ្រួសារ ប្រមាណ ១០នាក់ ដែលបូករួម ទំាងកម្មករ ផងនោះ ត្រូវបានចោរប្លន់ ប្រដាប់អាវុធ មួយក្រុម លួចកាត់ចំរឹង របងខាងក្រោយ រួចចូលបាញ់ប្លន់ ដល់ក្នុងផ្ទះ បណ្តាលសមាជិក គ្រួសារ ១០នាក់ របួសធ្ងន់ និងស្រាល នៅភូមិប្រសព្វជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នៅម៉ោង៧ យប់ថ្ងៃទី៦ ខែធ្នូ ឆ្នាំ២០១៥ ។
Read more: ក្រុមចោរ កាត់សោរបង ចូលបាញ់ប្លន់ ប្រជាពលរដ្ឋដល់ផ្ទះ នៅត្រែងត្រយឹង របួសធ្ងន់...
សមត្ថកិច្ចចម្រុះ ចុះរឹបអូសគំនរ ឈើប្រណិត ជាច្រើនដុំ សន្និធិខុសច្បាប់ តាមមាត់ទន្លេ សេសានស្រុកវ៉ើនសៃ
- Details
- Category: Social Security News
រតនគិរី៖ ក្រុមមន្រ្តី បាននិយាយ នៅថ្ងៃចន្ទ ទី ៧ខែធ្នូ ឆ្នាំ២០១៥ ឱ្យដឹងថា សមត្ថកិច្ចចម្រុះមួយក្រុម រួមមានផ្នែក រដ្ឋបាលព្រៃឈើ វ៉ើនសៃ កម្លាំងនគរបាល ប្រឆាំងបទល្មើស សេដ្ឋកិច្ចខេត្ត និង កម្លាំងនគរបាល ស្រុកវ៉ើនសៃ កាល ពីរសៀល ថ្ងៃទី០៦ ខែធ្នូ នេះបានចុះ រឹបអូសគំនរ ឈើប្រណិត និងឈើសុក្រំ ជាច្រើនដុំនៅ ចំណុចមាត់ ទន្លេសេសាន ស្ថិតក្នុង ភូមិហ្វាំង ឃុំប៉ុង ស្រុកវ៉ើនសៃ ខេត្តរតនគិរី ។
Read more: សមត្ថកិច្ចចម្រុះ ចុះរឹបអូសគំនរ ឈើប្រណិត ជាច្រើនដុំ សន្និធិខុសច្បាប់...
សង្សាររត់ចោល ទុកឲ្យខាងស្រី ដោះស្រាយ ខណៈបើករថយន្ត បុកផ្ទះប្រជាពលរដ្ឋ
- Details
- Category: Social Security News
ភ្នំពេញ ៖ សង្សារមួយគូ សង្ស័យរវល់ ប្រលែងគ្នាលេង ក្នុងពេលបើក រថយន្តនោះ ដោយបើករថយន្ត ជ្រុលទៅបុក ចូលផ្ទះ ប្រជាពលរដ្ឋ ខូចខាតអស់ ៣ខ្នង កាល វេលាម៉ោង ជាង ១រំលង អាធ្រាត ឈានចូលថ្ងៃទី២ ខែធ្នូ ឆ្នាំ២០១៥ ស្ថិតនៅ តាមដងផ្លូវ លេខ៣៧១ ក្នុងភូមិត្នោតជ្រុំទី៤ សង្កាត់បឹងទំពុន ខណ្ឌមានជ័យ ។
Read more: សង្សាររត់ចោល ទុកឲ្យខាងស្រី ដោះស្រាយ ខណៈបើករថយន្ត បុកផ្ទះប្រជាពលរដ្ឋ
ឃាតកសម្លាប់ ម្តាយក្មេក ប្រពន្ធ រួមទាំងកូនពីរនាក់ នៅកំពង់ចាម ត្រូវរថយន្តបុកស្លាប់ យ៉ាងវេទនា
- Details
- Category: Social Security News
កំពង់ចាម៖ កម្មពិតជាមាន ឈាមស្រែក ស្បែកហៅ ខណៈដែលកម្លាំង នគរបាល កំពុងប្រទាក់ ក្រឡាតាមប្រមាញ់ គ្រប់ទីកន្លែង ទាំងក្នុង និងក្រៅខេត្ត ក៏ដូចតាមមាត់ ច្រកព្រំដែនផងនោះ ។
Read more: ឃាតកសម្លាប់ ម្តាយក្មេក ប្រពន្ធ រួមទាំងកូនពីរនាក់ នៅកំពង់ចាម...
រថយន្តក្រុងសូរិយា បង្កគ្រោះថ្នាក់ចរាចរណ៍បណ្តាលឲ្យ ស្លាប់ម្តាយនិងកូន
- Details
- Category: Social Security News
កំពត: ករណីគ្រោះ ថ្នាក់ចរាចរណ៍ បង្កឡើងរវាង រថយន្តក្រុង ក្រុមហ៊ុនសូរិយា ពាក់ស្លាកលេខ ភ្នំពេញ 3B-8254 បុកម៉ូតូម៉ាកសង់ ចិនពណ៌ក្រហម ពីក្រោយ របស់ជនរងគ្រោះ ជិះឌុបគ្នា ០៤នាក់ បណ្តាលឲ្យម្តាយ និងកូនប្រុសអាយុ ១ឆ្នាំ បានស្លាប់ភ្លាមៗ នៅនឹងកន្លែង កើតហេតុ រីឯបុរសអ្នក បើកម៉ូតូឌុប និងក្មេងស្រីអាយុ ៤ឆ្នាំ របួសស្រាល កើតឡើងនៅម៉ោង ៩ព្រឹក ថ្ងៃទី២៩ ខែវិច្ឆិកា លើកំណាត់ផ្លូវ ជាតិលេខ៣១ ចំណុចក្បែរ ស្ពានបេតុង កែងផ្លូវចូលវត្ តសំរោង ឃុំសំរោងលើ ស្រុកបន្ទាយមាស ខេត្តកំពត ។
Read more: រថយន្តក្រុងសូរិយា បង្កគ្រោះថ្នាក់ចរាចរណ៍បណ្តាលឲ្យ ស្លាប់ម្តាយនិងកូន
សាលាឧទ្ធរណ៍ នឹងបើកសវនការ លើបណ្តឹងបដិសេធមិនអោយកុំព្យូទ័រ លោក ហុង សុខហួរ ទៅតុលាការ
- Details
- Category: Social Security News
ភ្នំពេញ៖ លោក ជួង ជូងី មេធាវីការពារក្តី អោយ លោក ហុង សុខហួរ បានប្រាប់ ដោយពន្យល់ថា លោកមិនអាច រកកុំព្យូទ័រ បានព្រោះកុំព្យូទ័រនេះ យូរហើយ រកមិនបានទើប គាត់ប្តឹងទៅ ឧទ្ទរណ៍ ពីព្រោះកុំព្យូទ័រ លោក ហុង សុខហួរ តាំង២០០៦ និង ២០០៧ មកម្លេះ ។
Read more: សាលាឧទ្ធរណ៍ នឹងបើកសវនការ លើបណ្តឹងបដិសេធមិនអោយកុំព្យូទ័រ លោក ហុង សុខហួរ...
កម្លាំងអាវុធហត្ថ បង្ក្រាបករណីជួញដូរ គ្រឿងញៀន ឃាត់ខ្លួនជន សង្ស័យ៥នាក់ ថ្នាំ ៦កញ្ចប់
- Details
- Category: Social Security News
កណ្ដាល ៖ កម្លាំងអាវុធហត្ថ ស្រុកស្អាង ខេត្ដកណ្ដាល បានបើកប្រតិបត្ដិការ បង្ក្រាប ករណីជួញដូរ ចែកចាយ និងការផ្ដល់ទីតាំង សម្រាប់ប្រើប្រាស់ គ្រឿងញៀន មួយកន្លែង ស្ថិតនៅចំណុច អតីតរោងចិញ្ចឹមមាន់ ភូមិ ទួលក្រសាំង ឃុំរកាខ្ពស់ ស្រុកស្អាង ខេត្ដ កណ្ដាល កាលពីរសៀលថ្ងៃទី ២២ ខែវិច្ឆិកា ឆ្នាំ២០១៥ ដោយឃាត់ខ្លួន ជនសង្ស័យ៥នាក់ ព្រមទាំងដកហូតថ្នាំ ៦កញ្ចប់ និងសម្ភារវេច ខ្ចប់ឧបករណ៍ សម្រាប់ជក់មួយចំនួន ឯក សណ្ឋានប្រតិបត្ដិការ នគរបាលមួយកំប្លេរ ម៉ូតូ ចំនួន ៤គ្រឿង កាំបិតផ្គាក់ កាំភ្លើងកែច្នៃមួយ ដើម និងដែកបំពង់ទីបផងដែរ ។
Read more: កម្លាំងអាវុធហត្ថ បង្ក្រាបករណីជួញដូរ គ្រឿងញៀន ឃាត់ខ្លួនជន សង្ស័យ៥នាក់ ថ្នាំ...
ករណីចូលបាញ់ប្លន់ ផ្ទះលក់ថ្នាំពេទ្យ នៅខេត្តស្វាយរៀង សង្ស័យជារឿង ឃាតកស៊ីឈ្នួល បន្លំធ្វើករណីប្លន់
- Details
- Category: Social Security News
ស្វាយរៀង ៖ តាមប្រភព ពីសមត្ថកិច្ច នៅខេត្តស្វាយរៀង បានឲ្យដឹងថា ករណីចូលបាញ់ ប្លន់ផ្ទះលក់ថ្នាំ ពេទ្យនៅកណ្ដាល ក្រុងស្វាយរៀង បណ្ដាលអោយម្ចាស់ផ្ទះ រងរបួសពីរនាក់ កាលពីយប់ថ្ងៃទី២១ ខែវិច្ឆិកា ឆ្នាំ២០១៥ កន្លងទៅនេះ ឥឡូវសមត្ថកិច្ច មានតម្រុយច្រើន ហើយថា ករណីនេះវាមិនមែន ជាអំពើប្លន់នោះទេ តាមពិតគឺជាការ ប៉ងធ្វើឃាតម្ចាស់ផ្ទះ ដោយឃាតក ស៊ីឈ្នួលច្រើនជាង ។
Read more: ករណីចូលបាញ់ប្លន់ ផ្ទះលក់ថ្នាំពេទ្យ នៅខេត្តស្វាយរៀង សង្ស័យជារឿង ឃាតកស៊ីឈ្នួល...
សង្សារអ្នកគ្រូក្រមុំ ដែលគេចាក់សម្លាប់ សារភាពថា ខ្លួនគឺជាឃាតក ព្រោះខឹងនាងបង្ខំឲ្យរៀបការ
- Details
- Category: Social Security News
ភ្នំពេញ៖ ករណីឃាតកម្ម ចាក់សម្លាប់អ្នកគ្រូក្រមុំ ចោលសពនៅក្បែរ ចំការអ្នកស្រុក នៅស្រុកស្អាង រហូតមកដល់ពេលនេះ គេរកឃើញមុខឃាតករ ដៃដល់បានហើយ គឺបុរសជាសង្សារ របស់នាងតែម្តង ដែលត្រូវសមត្ថកិច្ច ធ្វើការឃាត់ខ្លួនសួរនាំ បន្ទាប់ពីរកឃើញសាកសព។
នៅរសៀលថ្ងៃទី២០ ខែវិច្ឆិកានេះ យោងតាមការអះអាង ពីសមត្ថកិច្ចខេត្តកណ្តាល បានឲ្យដឹងថា ជនសង្ស័យដែលជាសង្សារ ត្រូវសមត្ថកិច្ចឃាត់ខ្លួន សួរនាំនោះ បានឆ្លើយសារភាពហើយថា ខ្លួនគឺជាឃាតករ ចាក់សម្លាប់នាង ព្រោះតែខឹងនាងបង្ខំឲ្យខ្លួន ទៅចុះអេតាស៊ីវិល និងរៀបការ រួមទាំងគំរាមឲ្យខ្លួន ផ្តាច់ទំនាក់ទំនងជាមួយនឹង សង្សារចាស់ផងដែរ។
ករណីឃាតកម្មចាក់សម្លាប់ យ៉ាងសាហាវ ដោយកាំបិតសើ្ទរសុះសាច់ ទៅលើអ្នកគ្រូក្រមុំ ខាងលើនេះ ត្រូវបានគេប្រទះឃើញសាកសព នៅចំណុច តាមផ្លូវលំ ក្បែរចំការអ្នកស្រុក មួយកន្លែង ស្ថិតនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល នាវេលាព្រឹកព្រលឹម ថ្ងៃទី២០ ខែវិច្ឆិកា ឆ្នាំ២០១៥ម្សិលមិញនេះ ដោយអ្នកធ្វើចំការ ដែលធ្វើដំណើរប្រទះឃើញ។
សាកសពអ្នកគ្រូក្រមុំ ខាងលើនេះ ដោយបានគេស្គាល់ឈ្មោះ ផែន សុភាវី អាយុ ២៣ឆ្នាំ មានទីលំនៅ ក្នុងស្រុកភូមិកើតហេតុ និងមានមុខរបរជាគ្រូបង្រៀន ភាសាអង់គ្លេស នៅក្រុងតាខ្មៅ និងស្នាក់នៅផ្ទះជួល ក្បែរកន្លែងបង្រៀន។
តាមសាក្សីបានឲ្យដឹងថា នៅវេលាម៉ោង ប្រមាណ៦ព្រឹក ខណៈពួកគាត់នាំគ្នា ធ្វើដំណើរទៅចំការ ក៏ប្រទះឃើញ សាកសពស្រ្តីវ័យក្មេងខាងលើ ដេកស្លាប់នៅ ក្បែរចិញ្ចើមផ្លូវ ដោយមានស្នាមមុខរបួស និងឈាមហូរជោក ក៏បានរាយការណ៍ ប្រាប់សមត្ថកិច្ច ចុះទៅធ្វើការត្រួតពិនិត្យ។
នៅលើខ្លួនសាកសព គេពិនិត្យឃើញមាន ស្នាមចាក់ដោយកាំបិតចំនួន ២៨កន្លែង សើ្ទរតែសុះពេញដងខ្លួន រួមទាំងមានសម្ភារ ប្រើប្រាស់ផ្ទាល់ខ្លួន នៅរាយប៉ាយ ក្បែរសាកសពផងដែរ។ ក្រោយធ្វើការត្រួតពិនិត្យ សាកសពរួច និងបើកការស៊ើបអង្កេត លើករណីឃាតកម្ម ខាងលើនេះ សមត្ថកិច្ចបាន ធ្វើការឃាត់ខ្លួន យុវជនម្នាក់ឈ្មោះ រុំ សុងហេង អាយុ ២១ឆ្នាំ មានទីលំនៅភូមិលេខ១ ឃុំប្រាសាទ ស្រុកស្អាង ជាគ្រូបង្រៀនជាមួយ ស្រ្តីរងគ្រោះ ស្នាក់នៅផ្ទះជួល បន្ទប់ក្បែរគ្នា ហើយត្រូវបានគេអះអាងថា ក៏ជាសង្សារនឹងគ្នាផងដែរ។
ប៉ុន្តែក្រោយសមត្ថកិច្ច ធ្វើការឃាត់ខ្លួន យកទៅសួរនាំ ជនសង្ស័យរូបនេះ មិនបានឆ្លើយសារភាព អ្វីនោះទេ តែសមត្ថកិច្ច បានដាក់ការសង្ស័យថា អាចមានពាក់ព័ន្ធទៅនឹង ជនសង្ស័យរូបនេះ ដោយសារតែសមត្ថកិច្ច ពិនិត្យឃើញថា នៅដៃរបស់ជនសង្ស័យ មានស្នាមមុខរបួសដោយកាំបិត ហើយខណៈទៅឆែកឆេរ នៅបន្ទប់ស្នាក់នៅ របស់គេ ក៏បានរកឃើញខោអាវ មានប្រឡាក់ឈាមផងដែរ ។
ពាក់ព័ន្ធទៅនឹងឃាតកម្ម ខាងលើនេះ បើតាមការអះអាង ពីក្រុមគ្រួសារបានឲ្យដឹងថា ជនរងគ្រោះបានបាត់ចេញ ពីផ្ទះជួល តាំងពីរសៀលថ្ងៃទី១៩ ខែវិច្ឆិកា ឆ្នាំ២០១៥ មកម៉្លេះ ដោយគេមិនបានដឹងថា នាងទៅណានោះឡើយ ព្រោះមិនបានឃើញ នៅក្នុងបន្ទប់ដេក។ លុះស្អែកឡើងក៏មានការភ្ញាក់ផ្អើលឆោឡោ ថាស្រ្តីរងគ្រោះ ត្រូវបានគេប្រទះឃើញស្លាប់ នៅក្បែរចំការអ្នកស្រុក ដោយមានស្នាមចាក់ជា ច្រើនកាំបិតតែម្តងទៅ ៕
ដកស្រង់ពី៖ ដើមអម្ពិល
ចាក់អ្នកគ្រូ អង់គ្លេស សាលាឯកជន ក្រុងតាខ្មៅ ២៨កាំបិត ស្លាប់ក្នុងថ្លុកឈាម ជាអំពើប្លន់
- Details
- Category: Social Security News
កណ្ដាល៖ ហេតុការណ៍ប្លន់សម្លាប់ ដ៏សាហាវព្រៃផ្សៃមួយ បានកើតឡើង បង្កឲ្យមានការភ្ញាក់ផ្អើល នៅម៉ោង៦ព្រឹកថ្ងៃទី២០ ខែវិច្ឆិកា ឆ្នាំ២០១៥ នេះ នៅចំណុច ភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ខណៈដែលស្រ្តីវ័យក្មេងម្នាក់ ត្រូវបានគេស្គាល់ថា ជាអ្នកគ្រូបង្រៀន ភាសាអង់គ្លេស ប្រចាំក្នុងសាសាឯកជន នៅក្រុងតាខ្មៅ ត្រូវបានចោរចាក់សម្លាប់ យ៉ាងឃោរឃៅ ចំនួន២៨កាំបិត ស្លាប់យ៉ាងអាណោចអធ័ម ក្នុងថ្លុកឈាម ប្លន់យកទ្រព្យសម្បត្តិ។
សមត្ថកិច្ចដែលចុះទៅ ដល់កន្លែងកើតហេតុ បានឲ្យដឹងថា ជនរងគ្រោះមានឈ្មោះ ផែន សុភាវី អាយុ២៣ លំនៅភូមិសំប៉ានលើ ឃុំព្រែកអំបិល ស្រុកស្អាង ជាគ្រូបង្រៀនភាសាអង់គ្លេស នៅសាលាឯកជន ក្រុងតាខ្មៅ ត្រូវបានគេចាក់សម្លាប់ រហូតដល់២៨កន្លែង ស្លាប់ក្នុងថ្លុកឈាម ហើយអំពើឃាតកម្មនេះ អាចកើតឡើង ក្នុងចន្លោះម៉ោង២០ទៅ២៣យប់ ថ្ងៃទី១៩ ខែវិច្ឆិកា ឆ្នាំ២០១៥។
ក្រោយពិនិត្យសាកសព សមត្ថកិច្ចបានរកឃើញ កាបូបស្ពាយខ្នងចំនួន០១ ទូរសព្ទ័ដៃម៉ាក សាំសុងចំនួន០១ មួកសុវត្ថិភាពចំនួន០១- បញ្ជីជាតិ និងឯកសារមួយចំនួន នៅក្បែរនោះ ខណៈសាកសពមានស្នាមមុត ចំនួន២៨កាំបិត។
យ៉ាងណាក្ដី សមត្ថកិច្ចនៅមិនទាន់ កំណត់មុខសញ្ញាឃាតករ ក្នុងអំពើប្លន់ដ៏សាហាវ នេះនៅឡើយទេ ខណៈសមត្ថកិច្ច កំពុងតែដុតដៃដុតជើង ស្រាវជ្រាវបន្ត៕
ដកស្រង់ពី៖ ដើមអម្ពិល
ជនសង្ស័យ៣នាក់ ជិះម៉ូតូដេញបាញ់រថយន្ត CRV រួចវាយរថយន្តបែកកញ្ចក់ពីក្រោយ សង្ស័យរឿងគ្រោះថ្នាក់ចរាចរណ៍
- Details
- Category: Social Security News
ភ្នំពេញ : ស្នូរផ្ទុះអាវុធចំនួន៣គ្រាប់ បានបន្លឺឡើង ទាំងកណ្តាលរាត្រី ថ្ងៃទី១៩ ខែវិច្ឆិកា ឆ្នាំ២០១៥ បង្កឡើងដោយ ក្រុមស្ទាវ៣នាក់ ជិះម៉ូតូ ដេញបាញ់រថយន្ត CRV មួយគ្រឿង មិនចាំស្លាកលេខ នៅមុខផ្ទះលេខ២៤៧ ផ្លូវលេខ៣៦០ សង្កាត់បឹងកេងកងទី១ ខណ្ឌចំការមន ដែលករណីផ្ទុះអាវុធនេះ ត្រូវបានសមត្ថកិច្ច ដាក់ការសង្ស័យថា បណ្តាលមកពី រឿងគ្រោះថ្នាក់ចរាចរណ៏។
លោក គុល សុផាត នាយនគរបាលប៉ុស្តិបឹងកេងកងទី១ ខណ្ឌចំការមន បានអោយដឹង នៅព្រឹកថ្ងៃទី២០ ខែវិច្ឆិកា ឆ្នាំ២០១៥ នេះថា មុនពេលកើតហេតុ គេឃើញមានរថយន្ត CRV មួយគ្រឿង បើតាមផ្លូវលេខ៣៦០ ស្រាប់តែមកដល់ មុខផ្ទះលេខ ២៤៧ ស្រាប់តែ មានបុរស២នាក់ ជិះម៉ូតូ មួយគ្រឿង មិនចាំម៉ាក បើកដេញតាមពីក្រោយ រួចបាញ់៣គ្រាប់ឡើងលើ។
លោក គល់ សុផាត បានបន្តទៀតថា ក្រោយបាញ់ហើយម្ចាស់រថយន្ត បានបើកទ្វាររត់ ពេលនោះជនបង្ក ទាំង២នាក់ បានដកកាំភ្លើង វាយកញ្ចក់រថយន្តពីក្រោយ បណ្តាលឲ្យបែក ហើយក៏ជ្រុះគ្រាប់ ជិត១០គ្រាប់ថែមទៀត មុនពេលដែលពួកគេ បានជិះម៉ូតូគេចខ្លួនបាត់។
ក្រោយជនបង្ក បើកម៉ូតូទៅបាត់ ជនរងគ្រោះ ក៏បើករថយន្តចេញទៅដែរ ដោយរហូតមកដល់ ព្រឹកថ្ងៃទី២០ ខែវិច្ឆិកា ឆ្នាំ២០១៥នេះ មិនទាន់ឃើញជនរងគ្រោះ មកដាក់ពាក្យបណ្តឹងនោះឡើយ។
លោក យិន សាន អធិការនគរបាលខណ្ឌចំការមន បានបញ្ជាក់ថា នៅពេលនេះ កម្លាំងនគរបាលរបស់លោក ក្រោមការបញ្ជាផ្ទាល់ពីលោកស្នងការ បាននិងកំពុងធ្វើការស្រាវជ្រាវ ករណីនេះ ដោយស្វែងរកម្ចាស់រថយន្តជាមុនសិន ដើម្បីសួរនាំសាច់រឿង៕
ដកស្រង់ពី៖ ដើមអម្ពិល
សមត្ថកិច្ចឃាត់ខ្លួន ជនសង្ស័យ ក្លែងសំបុត្រកំណើត បង្ហោះតាម Facebook
- Details
- Category: Social Security News
ស្វាយរៀង៖ ជនសង្ស័យពីរនាក់ ដែលកែច្នៃសំបុត្រកំណើត ប្រជាពលរដ្ឋនៅក្នុងខេត្តស្វាយរៀង ដាក់ថានៅក្នុងប្រទេសវៀតណាម ហើយបង្ហោះតាម Facebook ក្នុងចេតនាអាក្រក់នោះ ត្រូវបានកម្លាំងសមត្ថកិច្ចឃាត់ខ្លួនបាន ហើយនៅរសៀលថ្ងៃទី១៩ ខែវិច្ឆិកា ឆ្នាំ២០១៥។
នគរបាលខេត្តស្វាយរៀង បានឲ្យដឹងថា ជនសង្ស័យទាំង ២នាក់ មានឈ្មោះ សុខ សំអ៊ាន ភេទប្រុស អាយុ៣៨ឆ្នាំ មុខរបរធ្វើស្រែ រស់នៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង ជាអ្នកបង្ហោះ និងម្នាក់ទៀត ឈ្មោះ នង សារិទ្ធ ជាសមាជិកក្រុមប្រឹក្សាក្រុងបាវិត មកពីគណបក្សសង្រ្គោះជាតិ ជាអ្នកសរសេរ។ ជនសង្ស័យម្នាក់ ក្នុងចំណោម២នាក់ខាងលើ ជាសមាជិកក្រុមប្រឹក្សាក្រុងបាវិត មកពីគណបក្សសង្រ្គោះជាតិ ។
ជនសង្ស័យទាំង ២នេះ បានបំភ្លៃសំបុត្រកំណើតពលរដ្ឋ ក្នុងខេត្តស្វាយរៀង ដោយកែពីប្រទេសកម្ពុជា ទៅដាក់ថា ប្រទេសវៀតណាម ហើយបង្ហោះក្នុង Facebook។
សូមបញ្ជាក់ថា រយៈពេលពីរថ្ងៃចុងក្រោយ មានសំបុតកំណើតចំនួនពីរ សំបុត្រកំណើតទី១ ស្ថិតនៅខេត្តតាកែវ និង មួយទៀតនៅខេត្តស្វាយរៀង ត្រូវបានគេកែច្នៃពីប្រទេសកម្ពុជា ទៅដាក់ជាប្រទេសវៀតណាម ហើយបង្ហោះតាម ទំព័រ Facebook និងមានដាក់ខ្លឹមសារ វាយប្រហាររាជរដ្ឋាភិបាលផងដែរ។ សំបុត្រកំណើត ដែលពួកគេក្លែងនេះ ត្រូវអ្នកលេង Facebook ធ្វើការចែកចាយបន្តយ៉ាងផុលផុស។
ក្រោយឃើញលិខិតកែច្នៃបែបនេះ អគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ កាលពីម្សិលមិញ បានចេញមក ច្រានចោលនូវលិខិតកែច្នៃនេះ ព្រមទាំងប្រកាសតាមចាប់ខ្លួនក្រុមអ្នកក្លែងលិខិតនេះមកផ្តន្ទាទោសតាមច្បាប់ផង ដែរ៕
ដកស្រង់ពី៖ ដើមអម្ពិល
ឃាត់ខ្លួន យុវជន២នាក់ ឈរកាន់ដាវ និងកាំបិត ចាំកាប់គូទំនាស់ ចេញពីក្លឹប ឌីស្កូស្ប៉ាយឌ័រ
- Details
- Category: Social Security News
រាជធានីភ្នំពេញ ៖ កម្លាំងប៉ូលិស ប៉ុស្តិ៍ចោមចៅ បានឃាត់ខ្លួន យុវជន២នាក់ ដែលប្រដាប់ ដោយដាវ និងកាំបិតប៉័ងតោ រង់ចាំកាប់ សំលាប់គូទំនាស់ ដែលចេញពី លេងនៅក្លឹបឌីស្ កូមួយកន្លែង ដើម្បីរំសាយ កំហឹង នៅក្នុងចិត្ត ប៉ុន្តែមិនទាន់ បានជួបគូបក្ខដិបក្ខផង ស្រាប់តែត្រូវ ប្រជាពលរដ្ឋប្រទះ ឃើញបានរាយការណ៍ ប្រាប់ប៉ូលិស ប៉ុស្ដិ៍ចោមចៅ ឲ្យចុះទៅឃាត់ខ្លួន យកទៅសាកសួរ និងកសាង សំណុរឿង ចាត់ការតាម ផ្លូវច្បាប់។
Read more: ឃាត់ខ្លួន យុវជន២នាក់ ឈរកាន់ដាវ និងកាំបិត ចាំកាប់គូទំនាស់...
ទំនាស់ដីធ្លី រវាងប្រជាពលរដ្ឋ ១១គ្រួសារ នៅឧត្តរមានជ័យ ជាមួយមន្រ្តីយោធា ដែលអូសបន្លាយ ៣ឆ្នាំ ត្រូវបាន ដោះស្រាយបញ្ចប់
- Details
- Category: Social Security News
ឧត្តរមានជ័យ ៖ ដំណោះស្រាយ ដីធ្លីរ៉ាំរ៉ៃមួយ ដែលបាន អូសបន្លាយ អស់រយៈពេល ៣ឆ្នាំ រវាងប្រជាពលរដ្ឋ ១១គ្រួ សារ ជាមួយ យោធា កងពលតូច អន្តរាគមន៍ លេខ៦ និងលោក ណាក់ សុខា ត្រូវបានដោះស្រាយ បញ្ចប់ហើយ នៅ ព្រឹកថ្ងៃទី១៩ ខែវិច្ឆិកា ឆ្នាំ២០១៥នេះ ក្រោមកិច្ច សម្របសម្រួល របស់លោក ស ថាវី អភិបាល ខេត្តឧត្តរមានជ័យ។
Read more: ទំនាស់ដីធ្លី រវាងប្រជាពលរដ្ឋ ១១គ្រួសារ នៅឧត្តរមានជ័យ ជាមួយមន្រ្តីយោធា...
ស្ទាវ៤នាក់ បង្អកស្រានារីវ័យក្មេងម្នាក់ រួចចាប់រំលោភ រហូតបានសម្រេច ជាបន្តបន្ទាប់
- Details
- Category: Social Security News
កណ្ដាល ៖ យុវជន ជាកម្មកររោងចក្រ ចំនួន៤នាក់ បានរៀបចំគម្រោង ដោយនាំនារីរងគ្រោះ យកបង្អកស្រា ហើយរំលោភបូក លើនារីរងគ្រោះ បានសម្រេច កាលពីយប់ ថ្ងៃទី១៦ ខែវិច្ឆិកា ឆ្នាំ២០១៥ នៅចំណុចភូមិដំណាក់ព្រីង ឃុំទំនប់ធំ ស្រុកពញាឮ ខេត្តកណ្តាល ប៉ុន្តែក្រោយកើតហេតុមួយថ្ងៃ គឺនៅថ្ងៃទី១៧ ខែវិច្ឆិកា ត្រូវសមត្ថកិច្ច ឃាត់ខ្លួនបានម្នាក់ និង៣នាក់ទៀត រត់ចោលភូមិអស់។
Read more: ស្ទាវ៤នាក់ បង្អកស្រានារីវ័យក្មេងម្នាក់ រួចចាប់រំលោភ រហូតបានសម្រេច ជាបន្តបន្ទាប់
សិស្សសាលា២ក្រុម ដេញវាយគ្នា យ៉ាងអណាធិបតេយ្យ នៅមុខបូរីកាំកូស៊ីតធី ដេកពេទ្យម្នាក់ ជាប់ខ្នោះ៨នាក់
- Details
- Category: Social Security News
ភ្នំពេញ : សិស្សសាលា២ក្រុម ម្ខាងរៀន នៅវិទ្យាល័យ ភ្នំពេញថ្មី និងម្ខាងទៀត រៀននៅវិទ្យាល័យឥន្ទ្រទេវី បានជិះម៉ូតូដេញវាយគ្នា នឹងខ្សែក្រវ៉ាត់ យ៉ាងអណាធិបតេយ្យ ស្ថិតនៅមុខម៉ាត កាំកូស៊ីតធី ភូមិទួលគោក សង្កាត់ទួលសង្កែ ខណ្ឌឫស្សីកែវ នាវេលាម៉ោង ១១និង៣០នាទី ព្រឹកថ្ងៃទី១៧ ខែវិច្ឆិកា ឆ្នាំ២០១៥នេះ ជាលទ្ធផល បែកក្បាលម្នាក់ ចូលពេទ្យ និង៨នាក់ទៀត ត្រូវបានកម្លាំងសន្តិសុខ របស់បូរី ចាប់ខ្លួនប្រគល់ឲ្យ នគរបាលប៉ុស្តិ៏ទួលសង្កែ យកទៅសួរនាំ។
មន្រ្តីនគរបាលប៉ុស្តិទួលសង្កែ បានឲ្យដឹងថា យុវជនរងគ្រោះជាសិស្ស រៀននៅវិទ្យាល័យ ឥន្ទ្រទេវី រីឯជនដៃដល់ និងបក្ខពួក៨នាក់ ជាសិស្សរៀននៅវិទ្យាល័យ ភ្នំពេញថ្មី។
យុវជនរងគ្រោះ បានប្រាប់សមត្ថកិច្ចថា មុនពេលកើតហេតុ ក្រុមខ្លួនដែលមានគ្នា៤នាក់ មកពីលេងបាល់ នៅក្បែរកន្លែងកើតហេតុ ស្រាប់តែពេលជិះម៉ូតូនោះ ក៏លេចមុខជនបង្កមួយក្រុម មានគ្នា៨នាក់ ទាញខ្សែក្រវ៉ាត់វាយ ពីក្រោយបណ្តាលឲ្យបែកក្បាលតែម្តង ដោយមិនដឹងមូលហេតុ។
យ៉ាងណាក៏ដោយ ក្រុមជនដៃដល់ត្រូវបាន សមត្ថកិច្ច កំពុងសួរនាំ នៅប៉ុស្តិនគរបាលនៅឡើយ ដើម្បីចាត់ការតាមនីតិវិធី។
ដកស្រង់ពី៖ ដើមអម្ពិល