Bruno ស្នើ​មានការគិតគូរឡើងវិញរឿងឲ្យកាតលឿងទាក់ទងនឹងការដោះអាវលើទីលាន

Details

Category: Sport News

ខ្សែបម្រើ Bruno Fernendes បានធ្វើការនិយាយទៅកាន់សារព័ត៌មាន ដោយធ្វើការស្នើសុំឲ្យលុបចោលលើការពិន័យទទួលបានកាតលឿង លើកីឡាករដែលដោះអាវលើទីលាន ដើម្បីអបអរក្នុងការស៊ុតចូលគ្រាប់បាល់ទាត់។

Bruno បានលើកឡើងថា ពិន័យនេះត្រូវតែដូរចេញហើយ ព្រោះសកម្មភាពបែបនេះគឺធ្វើឡើងដើម្បីតែធ្វើការអបអរ ក៏ដូចជាមោទនភាពនឹងក្រុមខ្លួន ឬក៏ខ្លួនឯងដែលបានស៊ុតចូលផ្ទាល់តែប៉ុណ្ណោះ ប៉ុន្តែច្បាស់ណាស់ការអបអរនេះត្រូវតែធ្វើឡើងដោយមានការគោរពក្លឹបផងដែរ។

ការទាមទារនេះកើតឡើងក្រោយ Amad បានស៊ុតចូលក្នុងការប្រកួតរវាង Man Utd នឹង Liverpool កាលពីពេលថ្មីៗនេះ នៅនាទី១២០+១ ដែលធ្វើឲ្យគេអបអរការស៊ុតចូលដោយបានដោះអាវ ដែលធ្វើឲ្យ Amad ទទួលបានកាតលឿងជាលើកទី២ ហើយក៏ទទួលបានកាតក្រហម។

គួរបញ្ចាក់ផងដែរថា ដោយសារតែមួយគ្រាប់នេះបានឲ្យ Man Utd ឡើងទៅប្រកួតវគ្គពាក់កណ្ដាលផ្ដាច់ព្រ័ត្រ FA Cup ៕