ព័ត៌មាន
Radio Live
Social Network
ប្រមុខការទូតកម្ពុជា ជួបរដ្ឋមន្ត្រីការបរទេសចិន នៅប្រទេសមីយ៉ាន់ម៉ា
- Details
- Category: National News
ភ្នំពេញ៖ ក្រសួងការបរទេស បានប្រកាសថា នៅថ្ងៃទី០៣ ខែកក្កដា ឆ្នាំ២០២២ នេះ លោកឧបនាយករដ្ឋមន្រ្ដី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានអញ្ជើញជួបទ្វេភាគីជាមួយលោក វ៉ាង យី ទីប្រឹក្សារដ្
ឋ និងជារដ្ឋមន្រ្តីការបរទេស នៃសាធារណរដ្ឋប្រជាមានិតចិន ក្នុងឱកាសនៃកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី៧ នៅទីក្រុងបាកាន ប្រទេសមីយ៉ាន់ម៉ា នាថ្ងៃទី៤ ខែកក្កដា ឆ្នាំ២០២២។
ក្រសួងការបរទេស បានប្រកាសថា ប្រមុខការទូតទាំងពីរ បានជួបពិភាក្សា ប្រកបដោយផ្លែផ្កាលើប្រធានបទផ្សេងៗ និងបានបន្តប្តេជ្ញាចិត្ត
ក្នុងការធ្វើឱ្យទំនាក់ទំនងទ្វេភាគីរបស់ប្រទេសទាំងពីរ កាន់តែស៊ីជម្រៅថែមទៀត ខណៈដែលទំនាក់ទំនងកម្ពុជា-ចិន នាពេលបច្ចុប្បន្ននេះ កំពុងស្ថិតនៅចំណុចខ្ពស់បំផុត។
រដ្ឋមន្ត្រីការបរទេសកម្ពុជា និងចិន ក៏បានឆ្លៀតឱកាសផ្លាស់ប្តូរទស្សនៈលើបញ្ហាតំបន់ និងអន្តរជាតិមួយចំនួនផងដែរ៕
ដកស្រង់ពី៖ កោះសន្តិភាព