ជនប្រដាប់អាវុធមួយក្រុម មានឯកសណ្ឋានជាប៉ូលីស សម្រុកចូលពន្ធនាគារឥណ្ឌា រំដោះមេដឹកនាំបះបោរកំពូល

Details

Category: International News

ឥណ្ឌា៖ កាលពីព្រឹកថ្ងៃអាទិត្យ ម្សិលមិញនេះ ជនប្រដាប់អាវុធ មានគ្នាជិត១០នាក់ ស្ថិតក្នុងឯកសណ្ឋាន របស់ប៉ូលីស ចូលគុក Nabha Central Jail ដែលមាន ការយាមកាម យ៉ាងតឹងរឹង នៅក្នុងរដ្ឋPunjab ប្រទេសឥណ្ឌា ដែលស្ថិតនៅជាប់ព្រំដែន ប៉ាគីស្ថាន និងបានរំដោះ មេដឹកនាំ បះបោរកំពូល ១រូប ព្រមទាំងទណ្ឌិត ៤រូប ដទៃទៀត ។

តាមការចុះផ្សាយ របស់គេហទំព័រ Ibtimes នៅថ្ងៃទី២៧ ខែវិច្ឆិកា ឆ្នាំ២០១៦ បានឲ្យដឹងថា លោក Harminder Singh Mintoo អាយុ៤៧ឆ្នាំ គឺជាមេដឹកនាំកំពូល នៃកងកម្លាំងរំដោះ Khalistan និងទណ្ឌិត ៤នាក់ទៀត បានគេចខ្លួន រួចពីពន្ធនាគារ ធ្វើឲ្យរដ្ឋ Punjab និងរដ្ឋជិតខាង ដទៃទៀត បង្កើនការប្រុងប្រយ័ត្នខ្ពស់ ។

ជនប្រដាប់ អាវុធទាំងនោះ បានជិះរថយន្ត ៤គ្រឿង ចូលមកពន្ធនាគារ និងបានធ្វើការ បាញ់ប្រហារ ជាង ១០០គ្រាប់ មុនពេលដែលឆ្មាំគុក មានប្រតិកម្មវាយតបទៅវិញ ហើយក្នុងស្ថានការណ៍នោះ សន្តិសុខ ២នាក់ បានរងរបួស ៕

ដកស្រង់ពី៖ដើមអម្ពិល