ក្រុមហ៊ុន GD អាមេរិក កើនការលក់រថក្រោះ ធន់ធ្ងន់បំផុតរបស់ខ្លួនខ្លាំង នៅឆ្នាំ២០១៦នេះ
- Details
- Category: International News
ប្រភពព័ត៌មានរបស់ The Fool ចុះផ្សាយកាល ពីថ្ងៃអាទិត្យ បានសរសេរថា ក្រុមហ៊ុនបច្ចេកវិទ្យា ផលិតអាវុធ ដែលមានទីតាំង នៅប្រទេសអាមេរិក ទើបតែនឹងទទួល បានកុងត្រាថ្មី កាលពីខែសីហា ជាមួយនឹងប្រទេស អារ៉ាប៊ីសោអូឌីត លើទឹកប្រាក់ប្រមាណជា ១,១៥ពាន់លានដុល្លារ ក្នុងការទិញយករថក្រោះ ប្រភេទ M1 Abrams ជារថក្រោះប្រភេទ ធន់ធ្ងន់បំផុតរបស់ខ្លួន ។
លើសពីអ្វីដែល ក្រុមហ៊ុនគ្រោងទុកនោះ គឺនៅត្រឹមតែរយៈពេល ប៉ុន្មានសប្តាហ៍មុននេះ គេទើបតែទទួលបាន ការកម្ម៉ង់ថ្មីមួយទៀត ដែលមានទឹកប្រាក់ លើសគម្រោងចាស់ ប្រមាណជា៥០%។ គេបានជឿជាក់ថា តាមរយៈទីភ្នាក់ងារ កិច្ចសហប្រតិបត្តិការ សន្តិសុខជាតិ របស់អាមេរិក កាលពីដើមសប្តាហ៍នេះ បានបញ្ជូនលិខិតស្នើ មួយទៅកាន់ សភាអាមេរិក ដែលប្រទេសគុយវ៉ែត បានស្នើសុំទិញយករថក្រោះ ប្រភេទM1A2 របស់ក្រុមហ៊ុនGD ដែលមានតម្លៃជាទឹកប្រាក់ រហូតទៅដល់ ១,៧ពាន់លានដុល្លារ ៕
ដកស្រង់ពី៖ដើមអម្ពិល