ភ្ញៀវទេសចរជាង ១ម៉ឺននាក់ មកទស្សនាព្រឹត្តការណ៍ ថ្ងៃរះចំកំពូលកណ្តាលប្រាសាទអង្គរវត្ត

សេចក្ដីលម្អិត

ជំពូក៖ ព័ត៌មានទេសចរណ៍

(សៀមរាប)៖ ព្រឹត្តិការណ៍សមរាត្រី នៅព្រឹកថ្ងៃទី២១ ខែមីនា ឆ្នាំ២០២៤នេះ មានភ្ញៀវទេសចរជាតិ និងអន្តរជាតិចំនួនជាង ១ម៉ឺននាក់ បានក្រោកមកតាំងពីម៉ោង៥ព្រឹក ដើម្បីរង់ចាំទស្សនាព្រឹត្តិការណ៍ ព្រះអាទិត្យរះឡើងកាត់តាមកំពូលកណ្តាល នៃប្រាសាទអង្គរវត្ត។ នេះបើតាមការបញ្ជាក់ របស់អាជ្ញាធរជាតិអប្សរា។

ដោយសារអាកាសធាតុ នាព្រឹកព្រលឹមនេះ មានអំណោយផលល្អ ទេសចរអាចទស្សនា និងផ្តិតយកទិដ្ឋភាពថ្ងៃរះ គួរទីជាគយគនបានយ៉ាងរីករាយ។ សូមបញ្ជាក់ដែរថា ព្រឹត្តិការណ៍សមរាត្រី (Equinox) តែងតែកើតមាន២ដង ជារៀងរាល់ឆ្នាំ គឺនៅរដូវប្រាំង (Vernal Equinox) កើតទ្បើងនៅខែមីនា និងសមរាត្រីរដូវវស្សា (Autumnal Equinox) កើតទ្បើងនៅខែកញ្ញា៕

ដកស្រង់ពី៖Fresh News