វៀតណាម ឡាវ និងកម្ពុជា ព្យាយាមជំរុញវិស័យទេសចរណ៍បីប្រទេស
- សេចក្ដីលម្អិត
- ជំពូក៖ ព័ត៌មានទេសចរណ៍
មេដឹកនាំនៃប្រទេសឡាវ វៀតណាម និងកម្ពុជា ដែលជាប្រទេសអតីតអាណានិគមរបស់បារាំងចំនួនបីនៅក្នុងតំបន់ឥណ្ឌូចិន កំពុងធ្វើការជំរុញដ៏ធំមួយដើម្បីលើកទឹកចិត្តភ្ញៀវទេសចរអន្តរជាតិបន្ថែមទៀតឱ្យមកទស្សនាប្រទេសទាំងបី ក្នុងការធ្វើដំណើរតែម្តង។
នៅក្នុងអ្វីដែលពួកគេកំពុងចរចាជាច្រើនដងកាលពីឆ្នាំមុន ស្តីពីបទពិសោធន៍ធ្វើដំណើរដោយរលូន និងពិសេសនោះ នាយករដ្ឋមន្ត្រីនៃប្រទេសទាំងបី បានលើកឡើងនូវគំនិតផ្តួចផ្តើមនេះ ដែលត្រូវបានគេហៅថា “ការធ្វើដំណើរម្តង គោលដៅបី” នៅអំឡុងពេលដែលភាគីទាំងបីបានជួបគ្នានៅខាងក្រៅកិច្ចប្រជុំកំពូលអាស៊ាននៅទីក្រុងហ្សាការតា និងនៅឯកិច្ចប្រជុំកំពូលរំលឹកខួប អាស៊ាន-ជប៉ុន នៅទីក្រុងតូក្យូ។
ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍ថា យើងនឹងពិភាក្សាបន្ថែមទៀត ដោយធ្វើជាម្ចាស់ផ្ទះនៃសន្និសិទមួយដែលមានការចូលរួមពីរដ្ឋមន្ត្រីទេសចរណ៍នៃប្រទេសទាំងបី ដើម្បីអភិវឌ្ឍកិច្ចខិតខំប្រឹងប្រែងរួមគ្នា។
ភ្នាក់ងារទេសចរណ៍ជាច្រើនបានអនុវត្ត ការធ្វើដំណើរទេសចរណ៍ដែលគេហៅថា “ប្រទេសបី” នេះខ្លះៗហើយ។ ពួកគេនិយាយថា ប្រទេសទាំងបីដែលមានព្រំដែនរួមគ្នា មានចំណុចខ្លាំងបំពេញឱ្យគ្នា ក្នុងការផ្តល់នូវបទពិសោធន៍ចម្រុះសម្រាប់អ្នកធ្វើដំណើរ ដោយលើកឡើងថា ប្រទេសទាំងបី ផ្តល់នូវការរួមបញ្ចូលគ្នានៃបេតិកភណ្ឌប្រវត្តិសាស្ត្រ វប្បធម៌ និងធម្មជាតិ។
ប្រទេសឡាវ ដែលជាគ្មានដែនសមុទ្រ មានភាពល្បីល្បាញដោយសារបរិយាកាសស្ងប់ស្ងាត់ និងបេតិកភណ្ឌវប្បធម៌ដ៏រស់រវើក។ ប្រទេសកម្ពុជាមានប្រាសាទបុរាណ និងប្រពៃណី ទំនៀមទម្លាប់សម្បូរបែប ហើយប្រទេសវៀតណាម មានទីក្រុងដែលមានភាពអ៊ូអរ និងអច្ឆរិយៈធម្មជាតិ នៃទីជនបទដ៏ស្ងប់ស្ងាត់ និងឆ្នេរសមុទ្រដ៏វែងរបស់ប្រទេស។
ទីភ្នាក់ងារទេសចរណ៍បាននិយាយថាបញ្ហានៃតម្រូវការទិដ្ឋាការនៅតែជាឧបសគ្គមួយដែលត្រូវជម្នះដើម្បីឱ្យការជំរុញទេសចរណ៍បីប្រទេសនេះទទួលបានជោគជ័យ៕
ដកស្រង់ពី៖ ខ្មែរថាមស៍