ស្លាប់ ៦នាក់ និងរបួស ១៥នាក់ ដោយសារ គ្រោះថ្នាក់ចរាចរណ៍ ថ្ងៃទី៣១សីហា

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ នៅថ្ងៃទី៣១ ខែសីហា ឆ្នាំ២០១៦ មានករណី គ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៩លើក (យប់ ២លើក) បណ្តាលឲ្យ មនុស្សស្លាប់ ៦នាក់ ( ស្រី ៦នាក់ ) រងរបួសធ្ងន់ ៩នាក់ ( ស្រី ៤នាក់ ) និងរងរបួសស្រាល ៦នាក់ ( ស្រី១នាក់ ) ។

នៅក្នុងហេតុការណ៍ គ្រោះថ្នាក់ ចរាចរណ៍ ទាំង ៦លើកនេះ បណ្តាលឲ្យ ខូចខាតយានយន្ត សរុប ចំនួន ២០គ្រឿង រួមមាន ម៉ូតូ ចំនួន ១២គ្រឿង រថយន្តធុនតូច ចំនួន ៤គ្រឿង, រថយន្តធុនធំ ៤គ្រឿង ថ្មើរជើង ១នាក់ ។ មូលហេតុដែលបណ្តាល ឲ្យកើតមាន ករណីគ្រោះថ្នាក់ ចរាចរណ៍ រួមមាន ល្មើសល្បឿន ១លើក , មិនគោរពសិទ្ធិ ២លើក ( ស្លាប់២នាក់ ), ប្រជែង ២លើក (ស្លាប់២នាក់) កត្តាយានយន្ត ១លើក (ស្លាប់១នាក់) បត់គ្រោះថ្នាក់ ១លើក (ស្លាប់១នាក់), មិនប្រកាន់ស្តាំ ១លើក និង ស្រវឹង ១លើក ក្នុងនោះ អ្នកមិនពាក់ មួកសុវត្ថិភាព ពេលគ្រោះ ថ្នាក់ចរាចរណ៍ ១៩នាក់ (យប់ ៤នាក់) ។

ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ភ្នំពេញ២លើក ស្លាប់ ២នាក់របួស៧នាក់ (ស្រី ២នាក់), ខេត្តកំពង់ស្ពឺ ១លើក ស្លាប់ ២នាក់ ស្វាយរៀង ១លើក ស្លាប់ ១នាក់ របួស១នាក់ និងខត្តមណ្ឌលគិរី ១លើក ស្លាប់ ១នាក់ ។ លទ្ធិផលត្រួតពិនិត្យ អនុវត្តច្បាប់ចរាចរណ៍ ផ្លូវគោក ឃើញថា យានយន្ត ដែលល្មើស សរុបទូទាំង ប្រទេសមាន ចំនួន ៣០៥៩គ្រឿង ក្នុងនោះ បានធ្វើការអប់រំចំនួន ១ ១៨៥គ្រឿង និងពិន័យ សរុបចំនួន ១ ៨៧៤គ្រឿង ៕

ដកស្រង់ពី៖ ដើមអម្ពិល