នគរបាលស្រុកត្បូងឃ្មំុចាប់ឃាត់ខ្លួនមុខសញ្ញាជនសង្ស័យម្នាក់ ពេលកំពុងដោះដូរថ្នាំញៀន

សេចក្ដីលម្អិត

ជំពូក៖ ព័ត៌មានខេត្ត

ខេត្តត្បូងឃ្មំុៈ ជនសង្ស័យម្នាក់ រួមជាមួយវត្ថុតាង ជាថ្នាំញៀន ត្រូវបានកម្លាំង នគរបាលស្រុកត្បូងឃ្មំុ ធ្វើរការឆ្មក់ចាប់ ឃាត់ខ្លួនក្នុង ខណះពេលដែល ជនសង្ស័យរូបនេះ កំពុងលក់ និងដោះដូរថ្នាំញៀន នៅកៀនជញ្ជាំង ក្រៅផ្ទះ ។ ប្រតិបត្តការនេះ ធ្វើរឡើងនៅ វេលាម៉ោង ៥ៈ៣៥នាទី ល្ងាចថ្ងៃទី២ ខែឧសភា ឆ្នាំ២០១៦ នៅផ្ទះជនសង្ស័យ ក្នុងនៅភូមិស្លាបក្តោង ឃុំជប់ ស្រុក_ត្បូងឃ្មំុ ។

លោក ឡុង សារិន អធិការរង នគរបាល ស្រុកត្បូងឃ្មំុ បានឲ្យដឹងថា កម្លាំងសមត្ថកិច្ច នគរបាល ស្រុកត្បូងឃ្មុំ យើងបានឆ្មក់ចាប់ខ្លួន មេក្លោងជួញដូរ ថ្នាំញៀន ឈ្មោះ ឡុង អឿន ភេទប្រុស អាយុ ៥២ឆ្នាំ នៅភូមិ ស្លាបក្តោង ឃុំជប់ ស្រុកត្បូងឃ្មុំ ក្នុងខណៈពេលដែល ជនសង្ស័យ កំពុងដោះដូរថ្នាំញៀន នៅកៀនជញ្ជាំងក្រៅផ្ទះ ។

លោកបន្តថា ជាមួយគ្នានេះ កម្លាំងនគរបាល ជំនាញបានធ្វើរ ការដកហូូត នូវម្សៅក្រាមពណ៍ស សង្ស័យជាថ្នាំញៀន បានចំនួន 0៧ កញ្ចប់ ជញ្ជីងអេឡិចត្រូនិច ចំនួន 0១ និងឧបករណ៍ប្រើប្រាស់ គ្រឿងញៀនមួយចំនួន ។ លោកអធិការរង ក៏បានបញ្ជាក់ បន្ថែមឲ្យដឹងថា ហើយបច្ចុប្បន្ន មុខសញ្ញា ឈ្មោះ ឡុង អឿន សមត្ថកិច្ចជំនាញ នគរបាល ស្រុកត្បូងឃ្មុំ កំពុងសាកសួរ កសាងសំណុំរឿង បញ្ជូនទៅតុលាការ ផ្តន្ទាទោសតាមច្បាប់ ៕