Update៖ ឯកអគ្គរដ្ឋទូតរុស្សី ប្រចាំនៅតួកគីត្រូវបាន បាញ់សម្លាប់ក្នុងទីក្រុង អង់ការ៉ា
- Details
- Category: International News
បរទេស: ទូរទស្សន៍ប៊ីប៊ីស៊ី ចុះផ្សាយ នៅថ្ងៃអង្គារទី២០ ខែធ្នូ ឆ្នាំ២០១៦នេះ បានឲ្យដឹងថាប៉ូលីសតួកគីម្នាក់ បានបានបាញ់សម្លាប់ លោកឯកអគ្គរដ្ឋទូត រុស្សីប្រចាំនៅតួកគី Andrei Karlov នៅកំឡុងពេលដែលកើត មានការតវ៉ាប្រឆាំងមួយទៅលើ ប្រទេសរុស្សីដែលមានការពាក់ព័ន្ធ នៅក្នុងសង្គ្រាម នៅទីក្រុងអាឡេប៉ូ ។
បុរសដែលជាមន្ត្រី ប៉ូលីសតួគីត្រូវបាន គេកំណត់អត្តសញ្ញាណ បានមានឈ្មោះថា Mevlut Mert Aydintas អាយុ២២ឆ្នាំ គឺជាសមាជិកម្នាក់ នៃក្រុមប៉ូលីស បង្ក្រាបក្រុមភេវរកម្ម របស់ទីក្រុងអង់ការ៉ាប្រទេសតួកគី ហើយមិនទាន់មាន ការអះអាងថា តើគាត់មាន ជាប់ពាក់ព័ន្ធទៅនឹង ក្រុមណានៅឡើយទេ ។
ហេតុការណ៍ដែល បានកើតឡើង បាន១ថ្ងៃបន្ទាប់ ពីមានការធ្វើការតវ៉ា ប្រឆាំងនៅ ក្នុងប្រទេសតួគី ទៅលើការលូកដៃរបស់រុស្សី ក្នុងជំលោះ នៃប្រទេសស៊ីរី ។ លោក ប្រធានាធិបតីតួក គីភ្លាមៗ បានចេញមកប្រកាសថា ការបាញ់ប្រហារ មកលើលោក អគ្គរដ្ឋទូតរុស្សី ប្រចាំនៅតួកគី គឺស្ថិតនៅក្នុងគោលបំណង ធ្វើឲ្យមានការប៉ះពាល់ ដល់ទំនាក់ទំនង រវាងតួកគី និងប្រទេសរុស្សី ៕
ដកស្រង់ពី៖ ដើមអម្ពិល