ទ័ព Angkor Tiger ប្រកាសប្រកួតក្នុងដីលើកទី២ នឹងប្រមូលអ្នកគាំទ្រឱ្យបានលើស៥ពាន់នាក់
- សេចក្ដីលម្អិត
- ជំពូក៖ ព័ត៌មានកីឡា
ក្រុម Angkor Tiger ក្នុងការប្រកួតក្នុងដីលើកដំបូង ប៉ះជាមួយក្រុមបឹងកេតនោះ ពួកគេទទួលបានអ្នកគាំទ្រជាង៣ពាន់នាក់ ដែលជាកំណត់ត្រាថ្មីមួយក្នុងលីគកំពូលកម្ពុជារដូវកាលនេះ។
ជាមួយលទ្ធផលស្មើគ្នា ១-១ ក្រុមអ្នកគាំទ្រទាំងអស់ ពេញចិត្តណាស់ទៅហើយ ត្បិតអីប៉ះបឹងកេត គឺជាក្រុមខ្លាំងមួយក្នុងលីគ។ ដោយឡែកសម្រាប់ការប្រកួតលើកទី២ក្នុងដី នាថ្ងៃ២៨ខែមេសាឆ្នាំ២០១៩ខាងមុខនេះ ក្រុមអ្នកគាំទ្រក្លឹបមួយនេះ បានប្រកាសថានឹងខំប្រមូលអ្នកគាំទ្រទៅទស្សនាទៀត ឱ្យបានយ៉ាងតិច៥ពាន់នាក់ ដែលជាគោលដៅធំសម្រាប់ក្រុម។ សូមបញ្ជាក់ថាការប្រកួតក្នុងដីនៅថ្ងៃទី២៨ខាងមុខនេះ ក្រុម Angkor Tiger នឹងត្រូវតតាំងជាមួយក្រុមខ្លាំងវិសាខា នៅវេលាម៉ោង៣:៣០នាទីរសៀល៕
ដកស្រង់ពី៖ Sabay