Sancho អាចនឹងត្រលប់ទៅ Dortmund វិញ
- សេចក្ដីលម្អិត
- ជំពូក៖ ព័ត៌មានកីឡា
ខ្សែស្លាប Jadon Sancho អាចនឹងត្រលប់មកចូលរួមជាមួយក្លឹប Borussia Dortmund វិញ។ នេះបើតាមការចុះផ្សាយរបស់ Sky Sports។
ក្លឹប Dortmund ចាប់អារម្មណ៍មកចង់បាន Sancho ហើយ Sancho ក៏ចង់ទៅចូលរួមជាមួយ Dortmund វិញផងដែរ។
យោងតាមប្រភពខាងលើ ទាំងក្លឹប Manchester United និងក្លឹប Dortmund រួមជាមួយភាគីកីឡាករផ្ទាល់កំពុងចរចាគ្នាដើម្បីសម្រេចការផ្ទេរនេះ។ របាយការណ៍ចុងក្រោយបានឲ្យដឹងថា Sancho អាចនឹងចូលរួមជាមួយ Dortmund ក្នុងនាមជាកីឡាករខ្ចីជើង ហើយបើគ្មានអ្វីប្រែប្រួលទេ ការផ្ទេរនេះនឹងត្រូវបានធ្វើឡើងនាពេលដ៏ខ្លីខាងមុខ។
Sancho បានមកចូលរួមជាមួយបិសាចក្រហមពីក្លឹបអាល្លឺម៉ង់ Dortmundកាលពីពាក់កណ្ដាលឆ្នាំ ២០២១ ក្នុងតម្លៃប្រមាណ ៧០ លានផោន។ ជាង ៣ ឆ្នាំនៅ Man Utd នេះ កីឡាករមានទម្រង់លេងមិនសូវមានផ្លែផ្កាដូចពេលលេងឲ្យ Dortmund។
Sancho លេងសរុប ៨២ ប្រកួត និងស៊ុតចូល ១២ គ្រាប់ឲ្យបិសាចក្រហម។ ព័ត៌មានទាក់ទងនឹងការផ្ទេរនេះ កើតឡើងក្រោយ Sancho មានបញ្ហាទាស់ទែងពាក្យសម្ដីជាសាធារណៈជាមួយអ្នកចាត់ការក្លឹប Manchester United លោក Erik Ten Hag កាលពីចុងខែសីហាកន្លងទៅ។
ការណ៍នេះធ្វើឲ្យ Sancho មិនបានចូលរួមលេងឲ្យក្លឹបប្រមាណជាង ៤ ខែហើយ៕