Neuer ត្រលប់មកជួយ Bayern វិញ ក្រោយអវត្តមានប្រមាណ ៩ខែ
- សេចក្ដីលម្អិត
- ជំពូក៖ ព័ត៌មានកីឡា
អ្នកចាំទីអាល្លឺម៉ង់កីឡាករ Manuel Neuer បានត្រលប់មកហាត់នៅ Bayern Munich វិញហើយ ក្រោយពីអវត្តមានប្រមាណ ៩ខែ។ នេះបើតាមការប្រកាសជាផ្លូវការរបស់ក្លឹបយក្សអាល្លឺម៉ង់នៅក្នុងថ្ងៃអង្គារនេះ។
កីឡាករូបនេះបានបាក់ជើងអំឡុងពេលលេងស្គី កាលពីខែធ្នូ ឆ្នាំ២០២២កន្លងទៅ ក្រោយពេលដែលខ្លួនបំពេញភារកិច្ចជូនក្រុមជម្រើសជាតិអាល្លឺម៉ង់ចប់សព្វគ្រប់នៅព្រឹត្តិការណ៍បាល់ទាត់ពិភពលោក FIFA World Cup ដែលប្រព្រឹត្តិទៅនៅប្រទេសកាតា។
អំឡុងពេលដែលបុរសវ័យ ៣៧ឆ្នាំរូបនេះអវត្តមាន តំណែងអាវលេខ ១ របស់ Bayern Munich ត្រូវបានជំនួសវិញដោយកីឡាករអាល្លឺម៉ង់ Sven Ulreich។ សារព័ត៌មាន Goal ចុះផ្សាយថា Ulreich នឹងនៅបន្តពាក់អាវលេខ ១ដដែល រហូតដល់ Neuer បានលេងពេញដៃពេញជើង៕
