ផ្លូវការ​! Man City នាំ​យក​អ្នកចាំទី​មួយ​រូប​ពី​ក្លឹប​អាល្លឺម៉ង់

សេចក្ដីលម្អិត

ជំពូក៖ ព័ត៌មានកីឡា

ក្លឹប Manchester City បានធ្វើការប្រកាសជាផ្លូវការនាំយកអ្នកចាំទី Stefan Ortega Moreno ពីក្លឹបអាល្លឺម៉ង់ Arm. Bielefeld នៅក្នុងថ្ងៃនេះ។Ortega បានព្រមព្រៀងចុះកុងត្រាជាមួយ Man City រយៈពេល៣ឆ្នាំចាប់ពីរដូវកាលថ្មី រហូតដល់ថ្ងៃទី៣០ ខែមិថុនា ឆ្នាំ២០២៥ខាងមុខ។

ក្លឹបអង់គ្លេសបានមកយកកីឡាកររូបនេះដោយ Free Transfer ក្រោយអ្នកចាំទីរូបនេះបានដាច់កុងត្រាជាមួយក្លឹបអាល្លឺម៉ង់ខាងលើ។

Ortega នឹងជាអ្នកចាំទីដៃទី២ របស់ Man City ខណៈ Zack Steffen ជាអ្នកចាំទីដៃទី២ របស់ក្លឹបសព្វថ្ងៃនេះនឹងចាកចេញទៅក្លឹបផ្សេងក្នុងលក្ខខ័ណ្ឌខ្ចីជើង៕