Enrique ថាលោកនឹងគាំទ្រអ៊ីតាលី នៅវគ្គផ្ដាច់ព្រ័ត្រ
- សេចក្ដីលម្អិត
- ជំពូក៖ ព័ត៌មានកីឡា
លោក Luis Enrique គ្រូបង្វឹកក្រុមជម្រើសជាតិអេស្ប៉ាញ ថាលោកនឹងគាំទ្រក្រុមអ៊ីតាលីនៅវគ្គផ្ដាច់ព្រ័ត្រពានរង្វាន់ Euro 2020 ខាងមុខនេះ។
ក្រោយពីអ៊ីតាលី បានយកឈ្នះលើក្រុមអេស្ប៉ាញហើយ លោក Luis Enrique បានទទួលស្គាល់បរាជ័យនេះ ប៉ុន្តែលទ្ធផលចាញ់នេះមិនបានធ្វើឱ្យពិបាកចិត្តនោះទេ។
ការមិនពិបាកចិត្តនេះ ក៏ដោយសារអេស្ប៉ាញធ្វើបានល្អហើយក្នុងការប្រកួតទល់អ៊ីតាលី ដោយគ្រាន់តែមិនមានសំណាងនៅវគ្គប៉េណាល់ទីប៉ុណ្ណោះ។ អតីតអ្នកចាត់ការក្រុម FC Barcelona ខាងលើបាននិយាយទៀតថា៖ “ខ្ញុំអបអរអ៊ីតាលី ហើយសង្ឃឹមថាពួកគេនឹងលេងបានល្អទៀតនៅប្រកួតចុងក្រោយ និងព្យាយាមឈ្នះពានរង្វាន់នេះឱ្យបាន។
ខ្ញុំនឹងគាំទ្រក្រុមអ៊ីតាលីនៅវគ្គផ្ដាច់ព្រ័ត្រនេះ ព្រោះពួកគេពិតជាលេងបានល្អមែនទែន”៕