ក្ដៅៗ​ Neymar ​ប្រាប់ PSG សុំ​ទៅ​ផ្ទះ​ចាស់ Barcelona​ វិញ លែង​ចង់​នៅ​បារាំង​ហើយ

សេចក្ដីលម្អិត

ជំពូក៖ ព័ត៌មានកីឡា

Neymar បានប្រាប់ក្លឹប Paris Saint-Germain គេចង់ត្រលប់ទៅផ្ទះចាស់វិញ ហើយថាមិនគួរចេញពី Barcelona សោះ។កីឡាករសញ្ជាតិប្រេស៊ីលបានផ្លាស់ចេញពី Barcelona ទៅកាន់ Paris កាលពីឆ្នាំ២០១៧ក្នុងតម្លៃកំណត់ត្រាពិភពលោក១៩៨លានផោន។

ប៉ុន្តែអនាគតរបស់គេជាមួយក្រុមម្ចាស់ជើងឯករបស់បារាំងនៅតែស្ថិតក្នុងការជជែកគ្នា ខណៈមានសេចក្ដីរាយការណ៍ពីប្រទេសអេស្ប៉ាញថា ទីបំផុតគេបានប្រាប់ PSG ចង់ទៅលេងនៅ Barca វិញ។តាមប្រភពខាងលើកីឡាករវ័យ២៧ឆ្នាំបានរអ៊ូប្រាប់ប្រធានក្លឹប PSG លោក Nasser Al-Khelaifiថា៖ “ខ្ញុំមិនចង់លេងនៅ PSG តទៅទៀតទេ។

ខ្ញុំចង់ត្រលប់ទៅផ្ទះខ្ញុំវិញ (Barcelona) ដែលជាកន្លែងដែលខ្ញុំមិនគួរចាកចេញ”។ ស្របពេល Neymar ប៉ងចង់ត្រលប់ទៅ Nou Camp ក្នុងរដូវក្ដៅនេះ Lionel Messi ក៏ចង់ឲ្យអតីតមិត្តរួមក្រុមរូបនេះត្រលប់មកផ្ទះវិញដែរ៕