មន្ទីរផែនការខេត្ត សហការជាមួយរដ្ឋបាលខេត្តត្បូងឃ្មុំ បើកសិក្ខាសាលាផ្សព្វផ្សាយស្តីពី នីតិវិធីអត្តសញ្ញាណកម្មគ្រួសារក្រីក្រ និងជំរុញការប្រើប្រាស់យន្តការគ្រប់គ្រងមតិជំទាស់ និងសំណូមពរ

សេចក្ដីលម្អិត

ជំពូក៖ ព័ត៌មានខេត្ត

នាថ្ងៃទី១៦ ខែ វិច្ឆិកា ឆ្នាំ២០២៣ មន្ទីរផែនការខេត្តត្បូងឃ្មុំ សហការជាមួយ រដ្ឋបាលខេត្ត បើកវគ្គសិក្ខាសាលាការផ្សព្វផ្សាយស្ដីពីនីតិវិធីអត្តសញ្ញាណកម្មគ្រួសារក្រីក្រ និងការជំរុញការប្រើប្រាស់យន្តការគ្រប់គ្រងមតិជំទាស់ និងសំណូមពរនៃកម្មវិធីអត្តសញ្ញាណកម្មគ្រួសារក្រីក្រ ក្នុងខេត្តត្បូងឃ្មុំ ក្រោមអធិបតីភាព ឯកឧត្តម ម៉ាត់ ហ្គោហ្វូត អភិបាលរងនៃគណៈអភិបាលខេត្តត្បូងឃ្មុំ និងលោកជំទាវ ខុន នារី អនុរដ្ឋលេខាធិការក្រសួងផែនការ ។

ក្នុងសិក្ខាសាលានេះដែរ ក៍មានការចូលរួមជាសិក្ខាកាមពីសំណាក់ អភិបាលរងក្រុង/ស្រុកទាំង៧ ប្រធាន/អនុប្រធាន តំណាងមន្ទីរ/អង្គភាពជុំវិញខេត្ត និង ប្រធាន អនុប្រធានមន្ទីរពេទ្យបង្អែកក្រុង/ស្រុក និងអ្នកពាក់ព័ន្ធជាច្រើនរូបទៀត ។

មានប្រសាសន៍ក្នុងសិក្ខាសាលានេះដែរ ឯកឧត្តម ម៉ាត់ ហ្គោហ្វូត អភិបាលរងនៃគណៈអភិបាលខេត្តត្បូងឃ្មុំ បានចាត់ទុកអង្គសិក្ខាសាលានេះពិតជាមានសារៈសំខាន់ណាស់ សម្រាប់អាជ្ញាធរដែលពាក់ព័ន្ធ ពិសេសរដ្ឋបាលក្រុង/ស្រុក ។

ក្នុងនោះដែរ ឯកឧត្តម អភិបាលរងខេត្ត បានបញ្ជាក់ថា÷ ដើម្បីចូលរួមក្នុងការអភិវឌ្ឍសេដ្ឋកិច្ចជាតិជាមួយរដ្ឋាភិបាលនីតិកាលទី៧ក្រោមការដឹកនាំដ៍ខ្ពង់ប្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលខេត្តស្ទឹងត្រែង និងខិតខំចូលរួមអនុវត្ត ឱ្យបានសម្រេចជោគជ័យនូវ«កម្មវិធីនយោបាយរបស់រាជរដ្ឋាភិបាល» ដែល ផ្តោតការយកចិត្តទុកដាក់លើកម្មវិធីគោលនយោបាយជាអាទិភាពទាំង៦ ដែលបានដាក់ឱ្យចាប់ផ្តើមអនុវត្តនៅក្នុងឆ្នាំ២០២៣ ។

មានប្រសាសន៍បើកអង្គសិក្ខាសាលា លោកជំទាវ ខុន នារី អនុរដ្ឋលេខាធិការក្រសួងផែនការ បានមានប្រសាសន៍លើកឡើងថា÷ ការបើកសិក្ខាសាលាផ្សព្វផ្សាយស្តីពីនីតិវិធីអត្តសញ្ញាណកម្មគ្រួសារក្រីក្រនិងជំរុញការប្រើប្រាស់យន្តការគ្រប់គ្រងមតិជំទាស់និងសំណូមពរនាពេលនេះ គឺក្នុងគោលបំណង៖ ណែនាំនិងផ្សព្វផ្សាយបន្ថែមនូវនីតិវិធីអត្តសញ្ញាណកម្មគ្រួសារក្រីក្រ និងការធ្វើបច្ចុប្បន្នភាពទិន្នន័យគ្រួសារក្រីក្រនៅកម្រិតថ្នាក់ជាតិ និងជំរុញ ការប្រើប្រាស់កម្មវិធីសាធារណៈ ដល់ស្ថាប័នពាក់ព័ន្ធនៅថ្នាក់ក្រោមជាតិ ដើម្បីឱ្យមានការចូលរួមបានទូលំទូលាយ ក្នុងការផ្តល់មតិជំទាស់ និងសំណូមពរនៃកម្មវិធីអត្តសញ្ញាណកម្មគ្រួសារក្រីក្រ ។

លោកជំទាវ ខុន នារី បានបន្តថា÷ក្រៅពីការកំណត់អត្តសញ្ញាណកម្មគ្រួសារក្រីក្រ ក្រសួងផែនការបានពង្រីកវិសាលភាពគ្របដណ្តប់ដល់គ្រួសារងាយរងហានិភ័យ និងក្រុមគោលដៅផ្សេងៗបន្ថែមទៀតដែល ទាំងនេះបាន បង្ហាញពីចំណុចសំខាន់ៗចំនួន៧ គឺ៖ ១.ភាពធន់នៃអត្តសញ្ញាណកម្មគ្រួសារក្រីក្រ, ២.ការផ្លាស់ប្ដូរពីការប្រមូលទិន្នន័យតាមជុំទៅជាការប្រមូលទិន្ន័យតាមតម្រូវការ, ៣.បរិយាបន្ននៃគ្រួសារងាយរងហានិភ័យ(គ្រួសារក្បែរក្រ), ៤.ការធ្វើបច្ចុប្បន្នកម្មរបៀបរបបគណនាពិន្ទុនិងកម្រងសំណួរ, ៥.ដំណើរការឌីជីថលភាវូបនីយកម្មពីការធ្វើការងារដោយប្រើក្រដាសទៅការកត់ត និងការរក្សាទុកទិន្នន័យតាមរយៈឌីជីថល, ៦.មុខងារថ្មីនៅក្នុងនីតិវិធី គឺការកែសម្រួលនិងលុប ទិន្នន័យដែលបានបញ្ចូល, និងទី៧.យន្តការគណនេយ្យភាព គឺ យន្តការគ្រប់គ្រងមតិជំទាស់ និងសំណូមពរ ដែលយើងប្រកាសឱ្យប្រើប្រាស់នាថ្ងៃនេះ។

ជាមួយគ្នានោះ លោកជំទាវ ខុន នារី អនុរដ្ឋលេខាធិការក្រសួងផែនការ បានថ្លែងបញ្ជាក់បន្ថែមឱ្យដឹងទៀតថា÷ក្រសួងផែនការបានបង្កើតកម្មវិធីសាធារណៈនៃអត្តសញ្ញាណកម្មគ្រួសារក្រីក (Public IDPoor App) សម្រាប់ដំឡើងលើទូរស័ព្ទដៃ និងឧបករណ៍ឆ្លាតវៃ សម្រាប់សាធារណជនផ្តល់មតិជំទាស់ និងសំណូមពរផ្សេងៗមកក្រុម ការងារឃុំ/សង្កាត់ មន្ទីរផែនការរាជធានី/ខេត្ត និងក្រសួងផែនការ។

ហើយកម្មវិធីថ្មីនេះដែរក៍បានភ្ជាប់ជាមួយ ប្រព័ន្ធមូលដ្ឋានទិន្នន័យគ្រួសារក្រីក្រថ្នាក់ជាតិ ដែលអាចឱ្យក្រសួងផែនការ និងមន្ទីរផែនការរាជ ធានី/ខេត្ត ដឹងអំពីមតិជំទាស់ និងសំណូមពរគ្រប់ប្រភេទដែលប្រជាពលរដ្ឋ និងអ្នកមានចំណែក ពាក់ព័ន្ធផ្សេងៗបានដាក់ស្នើសុំ និងលំហូរនៃការដោះស្រាយផងដែរ៕

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តត្បូងឃ្មុំ អាណត្តិទី៣ ឆ្នាំ២០២៣ នៅស្រុកតំបែរ មានសំណូមពរពីប្រជាពលរដ្ឋ ចំនួន ៤២ ករណី ដើម្បីដោះស្រាយ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តត្បូងឃ្មុំ អាណត្តិទី៣ ឆ្នាំ២០២៣ នៅក្នុងក្របខ័ណ្ឌស្រុកតំបែរ ត្រូវបានដំណើរការទៅដោយរលូន បន្ទាប់ពីទទួលបានការចូលរួមពីសំណាក់ប្រជាពលរដ្ឋយ៉ាងសកម្ម ក្នុងការលើកជាសំណួរ បញ្ហាប្រឈម ការបញ្ចេញមតិ និងសំណូមពរ សរុបចំនួន ៤២ ករណី ដែលត្រូវបានលើកឡើង ជូនអង្គវេទិកា ដើម្បីឆ្លើយតបបកស្រាយបំភ្លឺ សម្របសម្រួល និងដោះស្រាយជូនម្ចាស់សំណូមពរ ទៅតាមសមត្ថកិច្ច របស់មន្ទីរ/អង្គភាព និងវិស័យ ដែលពាក់ព័ន្ធ ក្នុងការរស់នៅប្រចាំថ្ងៃ ក្នុងមូលដ្ឋាន។

អាន​បន្ត៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តត្បូងឃ្មុំ អាណត្តិទី៣...

រដ្ឋបាលខេត្តត្បូងឃ្មុំ រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំ២០២៣ នៅស្រុកពញាក្រែក ដោះស្រាយសំណូមពរពលរដ្ឋបាន ២៥ ករណី

សេចក្ដីលម្អិត

ជំពូក៖ ព័ត៌មានខេត្ត

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តត្បូងឃ្មុំ អាណត្តិទី៣ ឆ្នាំ២០២៣ នៅក្នុងក្របខ័ណ្ឌស្រុកពញាក្រែក បានដំណើរការទៅដោយរលូន ជាលទ្ធផលនៃអង្គវេទិកា មានការចូលរួមពីសំណាក់ប្រជាពលរដ្ឋយ៉ាងសកម្ម ក្នុងការលើកជាសំណួរ បញ្ហាប្រឈម ការបញ្ចេញមតិ និងសំណូមពរ សរុបចំនួន២៥ ត្រូវបានលើកឡើង ជូនដល់ក្រុមប្រឹក្សាខេត្ត អាជ្ញាធរមូលដ្ឋាន និងរដ្ឋបាលខេត្តត្បូងឃ្មុំ ដើម្បីឆ្លើយតបបកស្រាយបំភ្លឺ សម្របសម្រួល និងដោះស្រាយជូនម្ចាស់សំណូមពរ ទៅតាមសមត្ថកិច្ចរបស់មន្ទីរវិស័យដែលពាក់ព័ន្ធ ជូនដល់ពួកគាត់ក្នុងការរស់នៅប្រចាំថ្ងៃក្នុងមូលដ្ឋាន។

អាន​បន្ត៖ រដ្ឋបាលខេត្តត្បូងឃ្មុំ រៀបចំវេទិកាផ្សព្វផ្សាយ...

មន្ទីរកិច្ចការនារីខេត្តត្បូងឃ្មុំ និងអង្គការហ្វ្រេតហូឡូ សហការជាមួយក្រុមគ្រូពេទ្យស្ម័គ្រចិត្តមកពីមន្ទីរពេទ្យព្រះនរោត្តមសីហនុក្រុងសួង បន្តចុះអប់រំផ្សព្វផ្សាយពិនិត្យ និងព្យាបាលភ្នែក ដោយឥតគិតថ្លៃ ជូនប្រជាពលរដ្ឋក្នុងសហគមន៍ឃុំជីរោទិ៍ទី១ ស្រុកត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ មន្ទីរកិច្ចការនារីខេត្តត្បូងឃ្មុំ និងអង្គការហ្វ្រេតហូឡូ សហការជាមួយក្រុមគ្រូពេទ្យស្ម័គ្រចិត្ត មកពីមន្ទីរពេទ្យព្រះនរោត្តមសីហនុក្រុងសួង នាថ្ងៃទី១០ ខែវិច្ឆិកា ឆ្នាំ២០២៣ បានរៀបចំវេទិកាអប់រំផ្សព្វផ្សាយ ពិនិត្យព្យាបាលភ្នែក ដោយឥតគិតថ្លៃ ជូនប្រជាពលរដ្ឋក្នុងសហគមន៍ឃុំជីរោទិ៍ទី១ ស្រុកត្បូងឃ្មុំ នៅមណ្ឌលសុខភាពឃុំជីរោទិ៍ទី១ ក្រោមអធិបតីភាព លោកស្រី ថន គឹមស្រ៊ន់ ប្រធានមន្ទីរកិច្ចការនារីខេត្តត្បូងឃ្មុំ និងលោកស្រីតំណាងក្រសួងកិច្ចការនារី ក្រុមការងារមន្ទីរកិច្ចការនារីខេត្ត ក្រុមគ្រូពេទ្យស្ម័គ្រចិត្ត នៃមន្ទីរពេទ្យព្រះនរោត្តមសីហនុក្រុងសួង តំណាងអង្គការហ្វ្រេតហូឡូ អាជ្ញាធរស្រុក អាជ្ញាធរឃុំ លោកស្រីទទួលបន្ទុកកិច្ចការនារីឃុំ និងប្រជាពលរដ្ឋ យ៉ាងច្រើនកុះករ។

អាន​បន្ត៖ មន្ទីរកិច្ចការនារីខេត្តត្បូងឃ្មុំ និងអង្គការហ្វ្រេតហូឡូ...

រដ្ឋបាលខេត្តត្បូងឃ្មុំ រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំ២០២៣ នៅស្រុកមេមត់ ដោះស្រាយសំណូមពរពលរដ្ឋបាន៣០ករណី

សេចក្ដីលម្អិត

ជំពូក៖ ព័ត៌មានខេត្ត

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តត្បូងឃ្មុំ អាណត្តិទី៣ ឆ្នាំ២០២៣ នៅក្នុងក្របខ័ណ្ឌស្រុកមេមត់ បានដំណើរការទៅដោយរលូន ជាលទ្ធផលនៃអង្គវេទិកា មានការចូលរួមពីសំណាក់ប្រជាពលរដ្ឋយ៉ាងសកម្ម ក្នុងការលើកជាសំណួរ បញ្ហាប្រឈម ការបញ្ចេញមតិ និងសំណូមពរ សរុបចំនួន៣០ ត្រូវបានលើកឡើង ជូនដល់ក្រុមប្រឹក្សាខេត្ត អាជ្ញាធរមូលដ្ឋាន និងរដ្ឋបាលខេត្តត្បូងឃ្មុំ ដើម្បីឆ្លើយតបបកស្រាយបំភ្លឺ សម្របសម្រួល និងដោះស្រាយជូនម្ចាស់សំណូមពរ ទៅតាមសមត្ថកិច្ចរបស់មន្ទីរវិស័យដែលពាក់ព័ន្ធ ជូនដល់ពួកគាត់ក្នុងការរស់នៅប្រចាំថ្ងៃក្នុងមូលដ្ឋាន។

វេទិការនេះធ្វើឡើង នៅបរិវេណវត្តបុប្ផាគិរីសុវណ្ណារាម ហៅ(វត្តគគីរ) ស្ថិតក្នុងឃុំគគីរ ស្រុកមេមត់ ក្រោមអធិបតីភាពឯកឧត្តម ឡុង ធាម ប្រធានស្ដីទីក្រុមប្រឹក្សាខេត្ត និងឯកឧត្តម ចេង ប៊ុណ្ណារ៉ា អភិបាលរងនៃគណ:អភិបាលខេត្តត្បូងឃ្មុំ នាព្រឹកថ្ងៃទី១៤ ខែវិច្ឆិកា ឆ្នាំ២០២៣ ដោយមានការអញ្ជើញចូលរួម ពីសំណាក់ ឯកឧត្តម លោកជំទាវ ជាសមាជិក សមាជិកា ក្រុមប្រឹក្សាខេត្ត អភិបាលរងខេត្ត លោក លោកស្រី ជាប្រធាន អនុប្រធានមន្ទីរ-អង្គភាព ជុំវិញខេត្ត អាជ្ញាធរមូលដ្ឋាន ក្រុមប្រឹក្សាឃុំ និងតំណាងបងប្អូនប្រជាពលរដ្ឋជាច្រើនរូបទៀត។

មាននាឱកាសនោះ ឯកឧត្តម ឡុង ធាម ប្រធានស្ដីទីក្រុមប្រឹក្សាខេត្ត មានប្រសាសន៏ថា ៖ វេទិការនេះ មានគោលបំណងនៃការរៀបចំឡើង ដើម្បីផ្តល់ឱកាសជូនប្រជាពលរដ្ឋ និងអ្នកពាក់ព័ន្ធទាំងអស់ បានស្វែងយល់ពីស្ថានភាពទូទៅ នៃការអភិវឌ្ឍន៍ខេត្ត ក្រុង ស្រុក ឃុំ សង្កាត់ ព្រមទាំង បញ្ហាប្រឈមនានា ដែលកើតមាន នារយៈកាលកន្លងមក។

ក្រៅពីនោះ វេទិកានេះ ក៏នឹងផ្តល់នូវឱកាសផងដែរ ជូនបងប្អូនប្រជាពលរដ្ឋ និងអ្នកពាក់ព័ន្ធទាំងអស់ លើកឡើងជាសំណួរ បញ្ចេញមតិ និងសំណូមពរនានារបស់ខ្លួន ដែលពាក់ព័ន្ធនឹងក្តីកង្វល់ សំណូមពរនិងតម្រូវការជាក់ស្តែង នៅក្នុងមូលដ្ឋាន ដើម្បីឲ្យអាជ្ញាធរមានសមត្ថកិច្ចដោះស្រាយ និងឆ្លើយតបចំពោះតម្រូវការ និងសំណូមពរ ដែលបានលើកឡើង។

ជាមួយគ្នានោះ ឯកឧត្តម ចេង ប៊ុណ្ណារ៉ា អភិបាលរងខេត្តត្បូងឃ្មុំ គូសបញ្ជាក់ថា ៖ ក្នុងវេទិកាផ្សព្វផ្សាយ និងពិគ្រោះយោបល់ យើងទាំងអស់គ្នាបានពិភាក្សា ឆ្លើយតប និងដោះស្រាយនូវបញ្ហាអាទិភាពសំខាន់ៗជូនដល់ប្រជាពលរដ្ឋ ជាពិសេសការពង្រឹងការចូលរួមមតិ សំណើរ និងសំណូមពរផ្សេងៗ របស់ប្រជាពលរដ្ឋ និងអង្គការសង្គមស៊ីវិលក្នុងកិច្ចអភិវឌ្ឍខេត្ត ឲ្យកាន់តែល្អប្រសើរឡើង ក្នុងគោលបំណងពង្រឹងយន្តការតម្លាភាព ព្រមទាំងលើកកម្ពស់គោលការណ៍អភិវឌ្ឃន៍តាមបែបប្រជាធិបតេយ្យ នៅថ្នាក់ក្រោមជាតិ ។

លើសពីនេះទៀតនោះ គឺបានបង្ហាញនូវតួនាទីក្រុមប្រឹក្សា ព្រមទាំងលទ្ធផលសំខាន់ៗ ដែលរដ្ឋបាលខេត្តសម្រេចបាន តាមរយៈ ការអនុវត្តសកម្មភាព ក្នុងពេលកន្លងមក និងបង្កើតមន្រ្តីជួរមុខ នៅបណ្តាការិយាល័យច្រកចេញ-ចូលតែមួយ តាមក្រុង/ស្រុក ទូទាំងខេត្ត ដើម្បីឆ្លើយតប និងសម្រួលការងារសេវាសាធារណៈ ជូនដល់ប្រជាពលរដ្ឋ បន្តចូលរួមលើកកម្ពស់ជីវភាពរស់នៅប្រចាំថ្ងៃរបស់ពួកគាត់នៅតាមមូលដ្ឋាន ។

ជាមួយគ្នានោះ ឯកឧត្តម ឡុង ធាម បានបញ្ជាក់ទៀតថា ក្នុងនាមក្រុមប្រឹក្សាខេត្ត និងគណៈអភិបាលខេត្ត នឹងបន្តប្រឹងប្រែងដើម្បីបញ្ចូលនូវសំណូមពរជាអាទិភាព ទៅក្នុងកម្មវិធីបីឆ្នាំរំកិល របស់រដ្ឋបាលខេត្ត ជាពិសេសលើកកម្ពស់ក្នុងការផ្ដល់នូវសេវាសាធារណៈជូនប្រជាពលរដ្ឋទូទាំងខេត្ត ឲ្យកាន់តែប្រសើរឡើងថែមទៀតប្រកបដោយសមធម៌ និងជំរុញការផ្សព្វផ្សាយ ការអនុវត្តនូវគោលនយោបាយ ភូមិ-ឃុំ/សង្កាត់ មានសុវត្ថិភាព ឱ្យបានដូចភ្លៀងរលឹម ជាពិសេសត្រូវខិតខំបំពេញការងារផ្តល់សេវាសាធារណៈជូនប្រជាពលរដ្ឋ អោយមានប្រសិទ្ធភាព តម្លាភាព ស្របតាមគោលការណ៍ណែនាំជាធរមាន។

សូមជម្រាបជូនថា ៖ ក្នុងវេទិកាផ្សព្វផ្សាយនិងពិគ្រោះយោបល់នេះដែរ ប្រជាពលរដ្ឋនិងអាជ្ញាធរមូលដ្ឋាន បានលើកឡើងនៅសំណួរ បញ្ហាប្រឈម ការបញ្ចេញមតិ និង សំណូមពរ រួមមាន៖ ស្នើសុំប្រឡាយទឹក លូ ស្ពាន អគ្គីសនី បញ្ហាដីធ្លី បញ្ហាគ្រឿងញៀន បញ្ហាអត្ថសញ្ញាណប័ណ្ណ និងបញ្ហាផ្លូវថ្នល់ ក្នុងនោះ ត្រូវបានឯកឧត្តម ឡុង ធាម ប្រធានស្ដីទីក្រុមប្រឹក្សាខេត្ត និង ឯកឧត្តម ចេង ប៊ុណ្ណារ៉ា អភិបាលរងខេត្ត ព្រមទាំងមន្ទីរវិស័យជំនាញ អង្គភាព ពាក់ព័ន្ធ បានធ្វើការដោះស្រាយជូនបានទាំងចំនួន៣០ករណីភ្លាមៗតែម្ដង៕

លេខាធិការដ្ឋានរៀបចំការបោះឆ្នោតខេត្តត្បូងឃ្មុំ បើកកិច្ចប្រជុំស្តីពី ការផ្សព្វផ្សាយដំណើរការបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ ជូនដល់ភាគីពាក់ព័ន្ធ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ថ្ងៃទី១៣ ខែតុលា ឆ្នាំ២០២៣ ឯកឧត្តម ម៉ៅ ឌុង អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ និង លោក ហ៊ាង សុផល ប្រធានលេខាធិការដ្ឋានរៀបចំការបោះឆ្នោតខេត្តត្បូងឃ្មុំ បានអញ្ជើញជាអធីបតីភាព ក្នុងកិច្ចប្រជុំស្តីពី “ការផ្សព្វផ្សាយដំណើរការបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤“ នៅលេខាធិការដ្ឋានរៀបចំការបោះឆ្នោត ខេត្តត្បូងឃ្មុំ (ក្នុងបរិវេណសាលាស្រុកពញាក្រែក) ក្នុងនោះ ក៏មានការអញ្ជើញរួមពី ឯកឧត្តម លោកជំទាវ លោក-លោកស្រី តំណាងអង្គការ សមាគមន៍ តំណាងគណបក្សទូទាំងខេត្ត អភិបាល អភិបាលរងស្រុក/ក្រុង ទាំង ៧ តំណាងកម្លាំងប្រដាប់អាវុធទាំង ៣ ប្រភេទ និងអ្នកពាក់ព័ន្ធជាច្រើនរូប។

អាន​បន្ត៖ លេខាធិការដ្ឋានរៀបចំការបោះឆ្នោតខេត្តត្បូងឃ្មុំ បើកកិច្ចប្រជុំស្តីពី...

បុណ្យកឋិនទានសាមគ្គី និងផ្កាប្រាក់ ដង្ហែរឆ្ពោះទៅកាន់ វត្តឧត្តមព្រឹក្សា (ហៅវត្តយាយទេពមានជ័យ) ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ អនុមោទនា ! ពិធីបុណ្យកឋិនទានសាមគ្គី និងផ្កាប្រាក់ ដង្ហែរឆ្ពោះទៅកាន់ វត្តឧត្តមព្រឹក្សា (ហៅវត្តយាយទេពមានជ័យ)។ ការប្រារព្ធធ្វើអង្គកឋិនទានសាមគ្គី និងផ្កាប្រាក់ នេះ គឺដើម្បីដង្ហែរទៅប្រគេនព្រះសង្ឃ ដែលគង់ចាំព្រះវស្សាអស់កាលត្រីមាស ក្នុងពុទ្ធសីមាវត្តឧត្តមព្រឹក្សា ស្ថិតនៅភូមិត្រពាំងសង្កែ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។

អាន​បន្ត៖ បុណ្យកឋិនទានសាមគ្គី និងផ្កាប្រាក់ ដង្ហែរឆ្ពោះទៅកាន់ វត្តឧត្តមព្រឹក្សា...

រដ្ឋបាលខេត្តត្បូងឃ្មុំ ប្រារព្ធពិធីក្រុងពាលីបួងសួងសុំសេចក្ដីសុខ ដើម្បីសាងសង់រង្វង់មូលអាងទឹកតាភួង

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ថ្ងៃទី១០ ខែវិច្ឆិកា ឆ្នាំ២០២៣ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ និងលោកជំទាវ ម៉េង វ៉ាន់ដានីន និងឯកឧត្តម ស៊ាក ឡេង ប្រធានក្រុមប្រឹក្សាខេត្ត បានដឹកនាំ ថ្នាក់ដឹកនាំខេត្ត មន្ត្រីរាជការជុំវិញខេត្ត កម្លាំងប្រដាប់អាវុធទាំង បី ប្រភេទ ប្រារព្ធធ្វើពិធីក្រុងពាលី សាងសង់រង្វង់មូលអាងទឹកតាភួង ដែលជាសមិទ្ធផលថ្មីមួយបន្ថែមទៀត សម្រាប់ខេត្តត្បូងឃ្មុំ ។

អាន​បន្ត៖ រដ្ឋបាលខេត្តត្បូងឃ្មុំ ប្រារព្ធពិធីក្រុងពាលីបួងសួងសុំសេចក្ដីសុខ...

ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី៥៤ អាណត្តិទី៣ ដើម្បីត្រូតពិនិត្យសកម្មភាពការងាររីកចម្រើនរបស់រដ្ឋបាលខេត្ត

សេចក្ដីលម្អិត

ជំពូក៖ ព័ត៌មានខេត្ត

នាព្រឹកថ្ងៃទី៨ ខែវិច្ឆិកា ឆ្នាំ២០២៣ ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី៥៤ អាណត្តិទី៣ ក្រោមអធិបតីភាព ឯកឧត្តម ស៊ាក ឡេង ប្រធានក្រុមប្រឹក្សាខេត្ត និងឯកឧត្តម ពាង ណារិទ្ធ អភិបាលរង នៃគណៈអភិបាលខេត្តត្បូងឃ្មុំ នៅសាលប្រជុំសាលាខេត្ត ។

អាន​បន្ត៖ ក្រុមប្រឹក្សាខេត្តត្បូងឃ្មុំ បើកកិច្ចប្រជុំសាមញ្ញលើកទី៥៤ អាណត្តិទី៣...

ឯកឧត្តម ស៊ាក ឡេង ដឹកនាំកិច្ចប្រជុំបូកសរុបការងារគណៈបក្សប្រចាំខែតុលា និងលើកទិសដៅភារកិច្ចការងារប្រចាំខែវិច្ឆិកា ឆ្នាំ២០២៣ ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

ព្រឹកថ្ងៃទី០៧ ខែវិច្ឆិកា ឆ្នាំ២០២៣នេះ ឯកឧត្តម ស៊ាក ឡេង សមាជិកគណៈកម្មាធិការថ្នាក់កណ្ដាល និងជាប្រធានគណៈកម្មាធិការគណបក្សខេត្តត្បូងឃ្មុំ បើកកិច្ចប្រជុំបូកសរុបការងារគណៈបក្សប្រចាំខែតុលា និងលើកទិសដៅភារកិច្ចការងារប្រចាំខែវិច្ឆិកា ឆ្នាំ២០២៣ នៅមន្ទីរគណៈបក្សប្រជាជនកម្ពុជាខេត្តត្បូងឃ្មុំ ។

អាន​បន្ត៖ ឯកឧត្តម ស៊ាក ឡេង ដឹកនាំកិច្ចប្រជុំបូកសរុបការងារគណៈបក្សប្រចាំខែតុលា...

ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងលោកជំទាវ បានអញ្ជើញជួបសំណេះសំណាល លើកទឹកចិត្តដល់ក្មួយៗសិស្សានុសិស្ស ដែលមកប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ឆ្នាំ២០២៣នេះ ដែលបានមកស្នាក់នៅតាមផ្ទះសំណាក់ ក្នុងក្រុងសួង និងស្រុកត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

យប់ថ្ងៃទី០៥ ខែវិច្ឆិកា ឆ្នាំ២០២៣ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងលោកជំទាវ បានអញ្ជើញជួបសំណេះសំណាល លើកទឹកចិត្តដល់ក្មួយៗសិស្សានុសិស្ស ដែលមកប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ឆ្នាំ២០២៣នេះ ដែលបានមកស្នាក់នៅតាមផ្ទះសំណាក់ ក្នុងក្រុងសួង និងស្រុកត្បូងឃ្មុំ ។

អាន​បន្ត៖ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងលោកជំទាវ...

ថ្នាក់ដឹកនាំខេត្តត្បូងឃ្មុំ បើកកាត់វិញ្ញាសារ ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៣

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ក្នុងសម័យប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៣ នេះ រដ្ឋបាលខេត្តត្បូងឃ្មុំ ដោយមានការ ចង្អុលបង្ហាញ ពីឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ បានបង្ហាញដល់អភិបាលរងខេត្តទាំងអស់ ចូលរួមកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិ ក្នុងខេត្តត្បូងឃ្មុំ នៅព្រឹកថ្ងៃទី០៦ ខែវិច្ឆិកា ឆ្នាំ២០២៣ ។

អាន​បន្ត៖ ថ្នាក់ដឹកនាំខេត្តត្បូងឃ្មុំ បើកកាត់វិញ្ញាសារ...

ព្រះសង្ឃ លោកអាចារ្យ គណៈកម្មាការវត្ត យាយជី តាជី និងពុទ្ធបរិស័ទចំណុះជើងវត្តជាច្រើនរូប បានមូលមតិគ្នាជាឯកច្ឆ័ន្ទ ប្រារព្ធធ្វើបុណ្យអង្គកឋិនទាន ដើម្បីវេរប្រគេនដល់វត្តសន្តិវង្សារាម (ផ្សារថ្មី) ក្នុងស្រុកត្បូងឃ្មុំ ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ អនុមោទនា ! អង្គកឋិនទានសាមគ្គី វត្តសន្តិវង្សារាម (ហៅវត្តផ្សារថ្មី) ផ្តួចផ្តើមឡើង ដោយព្រះសង្ឃ លោកអាចារ្យ គណៈកម្មាការវត្ត យាយជី តាជី និងពុទ្ធបរិស័ទចំណុះជើងវត្តជាច្រើន បានមូលមតិគ្នាជាឯកច្ឆ័ន្ទធ្វើបុណ្យអង្គកឋិនទាននេះឡើង ដើម្បីវេរប្រគេនដល់ព្រះសង្ឃ ដែលគង់ចាំវស្សាអស់រយៈពេល បីខែ កន្លងទៅ នៅរសៀលថ្ងៃសៅរ៍ ៦រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៤ ខែវិច្ឆិកា ឆ្នាំ២០២៣ បានប្រារព្ធធ្វើពិធីបុណ្យកឋិនទានសាមគ្គី វត្តសន្តិវង្សារាម (ហៅវត្តផ្សារថ្មី) ស្ថិតនៅភូមិ០៤-០៥ ឃុំជបឃុំជប់ ស្រុកត្បូងឃ្មុំ ខេត្តត្បុងឃ្មុំ ស្ថិតក្នុងឃុំជប់ ស្រុកត្បូងឃ្មុំ ខេត្តត្បុងឃ្មុំ ។

អាន​បន្ត៖ ព្រះសង្ឃ លោកអាចារ្យ គណៈកម្មាការវត្ត យាយជី តាជី...

ព្រះសង្ឃជិត ៣០០អង្គ និមន្តចូលរួមដំណើរទស្សនកិច្ចសិក្សាស្វែងយល់ពីតំបន់ប្រវត្តិសាស្ត្រយោធាតេជោកោះថ្ម X-16 ក្នុងស្រុកមេមត់ ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ថ្ងៃទី០៥ ខែវិច្ឆិកា ឆ្នាំ២០២៣ ឯកឧត្តម នួន ផារ័ត្ន អភិបាលរងរាជធានីភ្នំពេញ បាននិមន្តព្រះសង្ឃមកពីបណ្តាវត្តអារាមនានា ក្នុងរាជធានីភ្នំពេញ ចំនួនជិត ៣០០ អង្គ និមន្តទស្សនកិច្ចសិក្សាស្វែងយល់ ពីតំបន់ប្រវត្តិសាស្ត្រយោធាតេជោកោះថ្ម X-16 ដែលជាកន្លែងតស៊ូរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត កាលពីថ្ងៃទី២០ ខែមិថុនា ឆ្នាំ១៩៧៧ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ ព្រំដែនកម្ពុជា-វៀតណាម។

អាន​បន្ត៖ ព្រះសង្ឃជិត ៣០០អង្គ...

រដ្ឋបាលខេត្តត្បូងឃ្មុំ បើកកិច្ចប្រជុំគណៈកម្មការខេត្ត ត្រួតពិនិត្យការពារសន្តិសុខ សុវត្ថិភាព និងរក្សាសណ្ដាប់ធ្នាប់របៀបរៀបរយតាមមណ្ឌលប្រឡងសញ្ញាបត្រមធ្យមសិក្សាទុតិយភូមិទូទាំងខេត្ត នាថ្ងៃទី ៦-៧ វិច្ឆិកាខាងមុខនេះ

សេចក្ដីលម្អិត

ជំពូក៖ ព័ត៌មានខេត្ត

នារសៀលថ្ងៃទី០៣ ខែវិច្ឆិកា ឆ្នាំ២០២៣ លោកជំទាវ សឿ សុជាតា រដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសប្រចាំខេត្តត្បូងឃ្មុំ និងលោកជំទាវ នី ចាន់ធីតា អភិបាលរងនៃគណៈអភិបាលខេត្តត្បូងឃ្មុំ តំណាងដ៏ខ្ពងខ្ពស់ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត បើកកិច្ចប្រជុំគណៈកម្មការខេត្ត ត្រួតពិនិត្យការពារសន្តិសុខ សុវត្ថិភាព និងរក្សាសណ្ដាប់ធ្នាប់របៀបរៀបរយតាមមណ្ឌលប្រឡងសញ្ញាបត្រមធ្យមសិក្សាទុតិយភូមិសម័យប្រឡង៖ ថ្ងៃទី០៦ ខែវិច្ឆិកា ឆ្នាំ២០២៣ នៅសាលប្រជុំ(ក) សាលាខេត្តត្បូងឃ្មុំ។មានប្រសាសន៍នាឱកាសនោះ លោកជំទាវ នី ចាន់ធីតា អភិបាលរងខេត្ត ក៏បានណែនាំឲ្យអាជ្ញាធរមានសមត្ថកិច្ច កងកម្លាំងប្រដាប់អាវុធ និងអ្នកពាក់ព័ន្ធក្នុងខេត្ត ត្រូវត្រៀមលក្ខណៈសម្បត្តិសំខាន់ៗ ចូលរួមដោះស្រាយឲ្យបានទាន់ពេលវេលា និងមានប្រសិទ្ធភាពដើម្បីធ្វើយ៉ាងណាឲ្យបេក្ខជនបានចូលរួមប្រឡង ដោយមិនមានបញ្ហារាំងស្ទះ ។

អាន​បន្ត៖ រដ្ឋបាលខេត្តត្បូងឃ្មុំ បើកកិច្ចប្រជុំគណៈកម្មការខេត្ត...

លោក សេង ជ័យវុធ នាយករដ្ឋបាលសាលាខេត្តត្បូងឃ្មុំ ដឹកនាំកិច្ចប្រជុំត្រៀមរៀបចំពិធីបុណ្យឯករាជ្យជាតិ ៩ វិច្ឆិកា លើកទី ៧០ ដែលប្រព្រឹត្តទៅនាថ្ងៃទី០៩ ខែវិច្ឆិកា ឆ្នាំ២០២៣ ខាងមុខនេះ

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ លោក សេង ជ័យវុធ នាយករដ្ឋបាលសាលាខេត្តត្បូងឃ្មុំ នៅថ្ងៃទី០៣ ខែវិច្ឆិកា ឆ្នាំ២០២៣ បានអញ្ជើញដឹកនាំកិច្ចប្រជុំត្រៀមរៀបចំពិធីបុណ្យឯករាជ្យជាតិ ៩ វិច្ឆិកា លើកទី ៧០ ដែលកម្ពុជាដណ្ដើមបានឯករាជ្យពីអាណានិគមបារាំង និងទិវាកំណើតកងយោធពលខេមរភូមិន្ទ ឆ្នាំ១៩៥៣-២០២៣ ដែលប្រព្រឹត្តទៅនាថ្ងៃទី០៩ ខែវិច្ឆិកា ឆ្នាំ២០២៣ ខាងមុខនេះ នៅក្នុងបរិវេណតំបន់រដ្ឋបាលខេត្ត ក្រោមអធិបតីភាពឯកឧត្តម ស៊ាក ឡេង ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្ត ។

កិច្ចប្រជុំនេះធ្វើឡើង នៅសាលប្រជុំ ខ សាលាខេត្តត្បូងឃ្មុំ ជាន់ទី ២ ដោយមានការចូលរួមពីសំណាក់ នាយករង រដ្ឋបាលសាលាខេត្ត កម្លាំងទាំង បី ប្រភេទ ប្រធាន-អនុប្រធានមន្ទីជុំវិញខេត្ត អាជ្ញាធរ ក្រុង/ស្រុក ទាំង ៧ ទីចាត់ការជំនាញរដ្ឋបាលខេត្ត និងអ្នកពាក់ព័ន្ធជាច្រើនរូប។

លោក សេង ជ័យវុធ នាយករដ្ឋបាលសាលាខេត្តត្បូងឃ្មុំ បានមានប្រសាសន៍ថា ការរៀបចំពិធីនេះពិតជាមានសារៈសំខាន់ណាស់ ក្នុងគោលបំណងសម្តែងនូវទឹកចិត្តសោមនស្សរីករាយ និងអបអរសាទរយ៉ាងក្លៀវក្លាបំផុត ចំពោះទិវាជាប្រវត្តិសាស្ត្រ ដែលមហាកម្លាំង មហាសាមគ្គីជាតិទាំងមូល ដណ្តើមបានទាំងស្រុងមកវិញនូវ ឯករាជ្យជាតិមួយដ៏ពេញបរិបូណ៍ ពីអាណានិគមនិយមបារាំង នាថ្ងៃទី០៩ ខែវិច្ឆិកា ឆ្នាំ១៩៥៣ ដោយស្នាព្រះហស្ថ ព្រះរាជបូជនីយកិច្ចដ៏ថ្លៃថ្លាឧត្តុង្គឧត្តម នៃព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ "ព្រះបរមរតនកោដ្ឋ" នៃព្រះរាជាណាចក្រកម្ពុជា ។

ក្នុងកិច្ចប្រជុំ ក៏មានការលើកឡើង នូវចំណុចខ្លាំង ចំណុចខ្សោយ និងការចូលរួមមតិ ពីសំណាក់ភាគីពាក់ព័ន្ធ សំដៅធ្វើយ៉ាងណា ឱ្យការប្រារព្ធពិធីដ៏មានអត្ថន័យនេះ ប្រព្រឹត្តទៅដោយរលូន ។

ថ្លែងជាបន្ត លោក សេង ជ័យវុធ បានស្នើកងកម្លាំង ព្រមទាំងមន្ទីរ-អង្គភាព និងក្រុមការងារពាក់ព័ន្ធត្រូវយកចិត្តទុកដាក់អនុវត្តផែនការណែនាំរបស់រដ្ឋបាលខេត្ត និងកម្មវិធីដែលបានគ្រោងទុក ប្រកបដោយទំនួលខុសត្រូវខ្ពស់ ដើម្បីអង្គពិធីប្រព្រឹត្តទៅដោយរលូន ។

ជាមួយគ្នានេះ លោក នាយករដ្ឋបាលសាលាខេត្ត ក៏បានស្នើដល់កងកម្លាំងទាំង បីប្រភេទ សហការជាមួយរដ្ឋបាលខេត្ត ក៏ដូចជាភាគីពាក់ព័ន្ធទាំងអស់ ដើម្បីការពារសន្តិសុខ សុវត្ថិភាព និងត្រូវមានក្រុមគ្រូពេទ្យត្រៀមឡានពេទ្យសង្គ្រោះបន្ទាន់ និងថ្នាំសង្កូវ ដើម្បីជួយសង្គ្រោះ ក្នុងគ្រាដែលមានបញ្ហាអ្វីមួយកើតឡើងជាយថាហេតុ ជូនអង្គពិធីនៅមុនពេល ក្នុងពេល និងក្រោយបញ្ចប់អង្គពិធីផងដែរ ៕

លេខាធិការដ្ឋាន នៃគណៈកម្មាធិការជំរុញចលនាភូមិមួយផលិតផលមួយ ខេត្តត្បូងឃ្មុំ ធ្វើកិច្ចប្រជុំស្ដីពីការចុះប្រមូលចងក្រងសមាជិកផលិតផល ភូមិមួយផលិតផលមួយបន្ថែម សម្រាប់ឆ្នាំ ២០២៣

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ឯកឧត្តម ចេង ប៊ុណ្ណារ៉ា អភិបាលរងខេត្តត្បូងឃ្មុំ និងជាប្រធានលេខាធិការដ្ឋាន នៃគណៈកម្មាធិការជំរុញចលនាភូមិមួយផលិតផលមួយ ខេត្តត្បូងឃ្មុំ នៅថ្ងៃទី០៣ ខែវិច្ឆិកា ឆ្នាំ២០២៣ នេះ បានអញ្ជើញជាអធិបតី ក្នុងកិច្ចប្រជុំស្ដីពីការចុះប្រមូលចងក្រងសមាជិកផលិតផល ភូមិមួយផលិតផលមួយបន្ថែម សម្រាប់ឆ្នាំ ២០២៣ នៅសាលប្រជុំតូចជាន់ទី ១ សាលាខេត្តត្បូងឃ្មុំ។

អាន​បន្ត៖ លេខាធិការដ្ឋាន នៃគណៈកម្មាធិការជំរុញចលនាភូមិមួយផលិតផលមួយ ខេត្តត្បូងឃ្មុំ...

រដ្ឋបាលខេត្តត្បូងឃ្មុំ និងមន្ទីរផែនការខេត្ត បន្តចុះធ្វើសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលថ្នាក់ស្រុក ក្នុងមូលដ្ឋានស្រុកអូរាំងឪ សម្រាប់ឆ្នាំ ២០២៤-២០២៦

សេចក្ដីលម្អិត

ជំពូក៖ ព័ត៌មានខេត្ត

 (ត្បូងឃ្មុំ) ៖ ព្រឹកថ្ងៃទី០២ ខែវិច្ឆិកា ឆ្នាំ២០២៣ នៅសាលប្រជុំសាលាស្រុកអូរាំងឪ ឯកឧត្តម ម៉ៅ ឌុង អភិបាលរង នៃគណៈអភិបាលខេត្តត្បូងឃ្មុំ បានអញ្ជើញជាអធិបតីភាព ក្នុងសិក្ខាសាលាសមាហរណកម្មផែនការ និងកម្មវិធីវិនិយោគបីឆ្នាំរំកិលថ្នាក់ស្រុក របស់ស្រុកអូរាំងឪ ក្រោមកិច្ចសហការរវាងរដ្ឋបាលខេត្តត្បូងឃ្មុំ និងមន្ទីរផែនការខេត្ត។

សិក្ខាសាលានេះ ប្រព្រឹត្តទៅដោយមានការអញ្ជើញចូលរួមពីសំណាក់ លោក ងួន ប៊ុណ្ណាន អភិបាលស្រុកអូរាំងឪ អភិបាលរងស្រុក អជ្ញាធរស្រុក/ឃុំ ស្ថាប័នមន្ទីរ/អង្គភាពជំនាញជុំវិញខេត្ត កងកម្លាំងទាំង បី ប្រភេទ អង្គការសង្គមស៊ីវិល និងអ្នកពាក់ព័ន្ធជាច្រើនរូប។

ជាកិច្ចចាប់ផ្តើម លោក ងួន ប៊ុណ្ណាន អភិបាលស្រុកអូរាំងឪ បានលើកឡើងថា សិក្ខាសាលាគឺ ផ្តើមចេញពីផែនការអភិវឌ្ឍន៍ប្រាំឆ្នាំរបស់រដ្ឋបាល រាជធានី-ខេត្ត ក្រុង-ស្រុក និងឃុំ-សង្កាត់ យោងតាមគោលការណ៍ណែនាំ និងឯកសារពាក់ព័ន្ធ របស់រាជរដ្ឋាភិបាល ទៅតាមជំហាននិមួយៗ ឆ្លងកាត់ការពិគ្រោះយោបល់ពីភាគីអ្នកពាក់ព័ន្ធនានា ពីដំណាក់កាលមួយទៅដំណាក់កាលមួយ តាមនីតិវិធី ដោយរៀបចំបែបបទតាមច្បាប់ដែលបានកំណត់នៅក្នុងប្រតិទិនការងារ តាមរយៈការធ្វើសមាហរណកម្ម និងកម្មវិធីវិនិយោគ នាពេលនេះ។

នាឱកាសនោះ ឯកឧត្តម ម៉ៅ ឌុង អភិបាលរងខេត្តត្បូងឃ្មុំ បានប្រសាសន៍ថា សកម្មភាព នៃការរៀបចំ ធ្វើសិក្ខាសាលាសមាហរណកម្ម កម្មវិធីវិនិយោគក្រុង/ស្រុក ឆ្នាំ២០២៤ នាឱកាសនេះ គឺជាសក្ខីភាពមួយដ៏មានតម្លៃ ដែលឆ្លុះបញ្ចាំងពីការខិតខំប្រឹងប្រែងយកចិត្តទុកដាក់ ក្នុងការអនុវត្តតួនាទីភារកិច្ចប្រកបដោយស្មារតីទទួលខុសត្រូវខ្ពស់ របស់រដ្ឋបាលថ្នាក់ក្រោមជាតិ ក្នុងការប្រតិបត្តិច្បាប់ស្តីពីការគ្រប់គ្រងរដ្ឋបាលរាជធានីខេត្ត ក្រុង ស្រុក ខណ្ឌ ឃុំ/សង្កាត់ នូវអនុក្រឹត្យស្តីពីផែនការអភិវឌ្ឍន៍ និងកម្មវិធីវិនិយោគបីឆ្នាំរំកិលរាជធានី ខេត្ត ក្រុង ស្រុក ខណ្ឌ ប្រកាសស្តីពីការកសាងផែនការអភិវឌ្ឍន៍ និងកម្មវិធីវិនិយោគបីឆ្នាំរំកិលរបស់រាជធានី ខេត្ត ក្រុង ស្រុក ខណ្ឌ និងសេចក្តីណែនាំបច្ចេកទេស ស្តីពីការកសាងផែនការអភិវឌ្ឍន៍ និងកម្មវិធីវិនិយោគបីឆ្នាំរំកិល របស់ស្រុក និងគោលការណ៍ណែនាំស្តីពីការកសាងកម្មវិធីវិនិយោគរបស់ឃុំ/សង្កាត់។

តមក រដ្ឋបាលឃុំ ទាំង ៧ របស់ស្រុកអូរាំងឪ ក៏បានធ្វើបទបង្ហាញ នូវគម្រោងកម្មវិធីវិនិយោគបីឆ្នាំរំកិល ដែលនឹងដាក់ស្នើសុំការគាំទ្រក្នុងអង្គសិក្ខាសាលានៅពេលនោះផងដែរ ។

បើតាមការបញ្ជាក់ពី លោក អ៊េង ណារ៉េត ប្រធានមន្ទីរផែនការខេត្ត បានឱ្យដឹងថា របាយការណ៍បូកសរុបលទ្ធផលសិក្ខាសាលា រួមមាន ៖ ១-គម្រោងកម្មវិធីវិនិយោគស្រុកសរុប ១១៤ គម្រោង មានដូចជា .ផ្នែកសេដ្ឋកិច្ចមាន ៥០គម្រោង .ផ្នែកសង្គមកិច្ចមាន ៤០គម្រោង .ផ្នែកធនធានធម្មជាតិមាន ចំនួន ១០គម្រោង និង .ផ្នែករដ្ឋបាល និងសន្តិសុខសណ្តាប់ធ្នាប់សាធារណៈមានចំនួន ១៤គម្រោង។

និង ២.គម្រោងកម្មវិធីវិនិយោគបីឆ្នាំរំកិលឃុំសរុប ៣៤២គម្រោង មានដូចជា .ផ្នែកសេដ្ឋកិច្ច មានចំនួន ៩៩គម្រោង .ផ្នែកសង្គមកិច្ចមានចំនួន ១៥២គម្រោង .ផ្នែកធនធានធម្មជាតិ ចំនួន ៣១គម្រោង និង .ផ្នែករដ្ឋបាលនិងសន្តិសុខសណ្តាប់ធ្នាប់សាធារណៈមាន ចំនួន ៦០គម្រោង ផងដែរ ។

ក្នុងឱកាសនោះដែរ ឯកឧត្តម ម៉ៅ ឌុង អភិបាលរងខេត្ត បានបន្តប្រសាសន៍ថា តាមរយៈសកម្មភាព និងលទ្ធផលនៃសិក្ខាសាលាសមាហរណកម្មនេះ ត្បិតការគាំទ្រឈានដល់ការចុះកិច្ចព្រមព្រាងបណ្តោះអាសន្នរវាងរដ្ឋបាលស្រុក រដ្ឋបាលឃុំ និងមន្ទីរជំនាញការិយាល័យ អង្គការសង្គម ស៊ីវិលនិងសប្បុរសជន មិនទាន់ឆ្លើយតបទៅនឹងតម្រូវការជាក់ស្តែងរបស់មូលដ្ឋានបានពេញលេញ តែសកម្មភាពនេះជាសក្ខីកម្ម នៃកិច្ចសហការក្នុងការកៀរគរធនធានសម្រាប់គាំទ្រ គម្រោងវិនិយោគនានា ដែលលើកឡើងដោយឃុំ សង្កាត់ ផងដែរ ។

ឯកឧត្តមអភិបាលរង បានគូសបញ្ជាក់ថា ព្រឹត្តិការណ៍ដ៏មានសារៈសំខាន់មិនអាចរំលងបានក្នុងការសម្របសម្រួល និងធ្វើឱ្យមានសង្គតិភាពរវាងគម្រោងនៃកម្មវិធីវិនិយោគស្រុក ជាមួយនឹងគម្រោងនៃកម្មវិធីវិនិយោគ ឃុំ និងដើម្បីបង្កើនទំនាក់ទំនងល្អ តាមរយៈការពង្រឹងកិច្ចសហការរវាងរដ្ឋបាលស្រុក ជាមួយរដ្ឋបាលឃុំ និងភាគីពាក់ព័ន្ធនានា សំដៅកាត់បន្ថយភាពក្រីក្ររបស់ប្រជាពលរដ្ឋនៅមូលដ្ឋានស្របតាមគោលនយោបាយយុទ្ធសាស្ត្រចតុកោណរបស់រាជរដ្ឋាភិបាល បន្តមកយុទ្ធសាស្រ្តបញ្ចកោណ និងទិសដៅកំណែទម្រង់វិមជ្ឈការ និងវិសហមជ្ឈការសម្រាប់រដ្ឋបាលថ្នាក់ក្រោមជាតិ។ឯកឧត្តម ម៉ៅ ឌុង បានបន្ថែមថា សមិទ្ធផលខាងលើនេះ គឺជាការឆ្លុះបញ្ចាំងឲ្យឃើញយ៉ាងច្បាស់លាស់ អំពីដំណើរគ្រប់គ្រងដឹកនាំដ៏ត្រឹមត្រូវប្រកដោយប្រសិទ្ធភាពខ្ពស់ នៅក្នុងការអនុវត្តកំណែទម្រង់វិមជ្ឈការ និងវិសហមជ្ឈការរបស់រាជរដ្ឋាភិបាលកម្ពុជា សំដៅលើកកម្ពស់ជីវភាពរស់នៅ របស់ប្រជាពលរដ្ឋឲ្យកាន់តែប្រសើរឡើងប្រកបដោយសុខុមាលភាព និងសុខដុមរនា។

ជាពិសេសរដ្ឋបាលឃុំ រដ្ឋបាលស្រុក ត្រូវបង្កើនកិច្ចសហការក្នុងការ អនុវត្តគម្រោងនានាឱ្យទទួលបានលទ្ធផលល្អប្រសើរទាំងហេដ្ឋារចនាសម្ព័ន្ធរូបវ័ន្ត និង ហេដ្ឋារចនាសម្ព័ន្ធអរូបវ័ន្ត ដើម្បីពន្លឿននូវការកាត់បន្ថយអត្រាភាពក្រីក្ររបស់ប្រជា- ពលរដ្ឋនៅមូលដ្ឋាន។

ទន្ទឹមនោះ ឯកឧត្តម ម៉ៅ ឌុង អភិបាលរងខេត្ត បានបន្តលើកឡើង នូវចំណុចសំខាន់ៗ មួយចំនួន រួមមាន៖ ១- សំណូមពរអជ្ញា ឃុំ / ស្រុក និងមន្ត្រីបច្ចេកទេសរបស់ទីចាត់ការផែនការ វិនិយោគ ត្រូវយកចិត្តទុកដាក់ពិនិត្យការអនុវត្តគម្រោងត្រូវឱ្យក្រុមហ៊ុនសាងសង់ធ្វើឱ្យមានគុណភាពធានាបានការប្រើប្រាស់ល្អជូនប្រជាពលរដ្ឋ។

២.គោលនយោបាយរាជរដ្ឋាភិបាលបណ្ដុះបណ្ដាលយុវជន ១.៥លាននាក់ ដែលនឹងរៀបចំដោយមជ្ឈមណ្ឌលបណ្ដុះបណ្ដាលវិជ្ជាជីវៈខេត្ត និងមានការសម្របសម្រួលពីមន្ទីរការងារ និងបណ្ដុះបណ្ដាវិជ្ជាជីវៈខេត្ត ។

៣. ការផ្ដល់មន្រ្តីកសិកម្មតាមមូលដ្ឋានឃុំ នីមួយៗ ។

៤.ការផ្ដល់ជូនសេវាសុខាភិបាល ជូនគ្រួសារងាយរងហានិភ័យ និងគ្រួសាររងគ្រោះទឹកជំនន់ ដែលទទួលបានពីជំនួយសង្គម ។

និង ៦. សំណូមពរ រដ្ឋបាល ស្រុក ឃុំ បន្តស្វែងរកការគាំទ្របន្តពីមន្ទីរជំនាញ អង្គការដៃគូរ ចូលរួមជួយអភិវឌ្ឍន៍មូលដ្ឋាន ៕

ឧបនាយករដ្ឋមន្ត្រី កើត រិទ្ធ អញ្ជើញប្រកាសចូលកាន់មុខតំណែង ព្រះរាជអាជ្ញាខេត្តត្បូងឃ្មុំ, ឯកឧត្តម ងិន ពេជ ជំនួសឯកឧត្តម ឡុង ហុកម៉េង ទៅកាន់ខេត្តរតនគិរី

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ)៖ ឯកឧត្តមឧបនាយករដ្ឋមន្ត្រី កើត រិទ្ធ រដ្ឋមន្ត្រីក្រសួងយុត្តិធ៌ម នៅព្រឹកថ្ងៃទី០១ ខែវិច្ឆិកា ឆ្នាំ២០២៣នេះ បានអញ្ជើញជាអធិបតី ក្នុងពិធីប្រកាសចូលកាន់តំណែងថ្មីរបស់ ព្រះរាជអាជ្ញា នៃអយ្យការអមសាលាដំបូងខេត្តត្បូងឃ្មុំ ដោយឯកឧត្តម ងិន ពេជ ជំនួសឯកឧត្តម ឡុង ហុកម៉េង ដែលផ្ទេរទៅជាព្រះរាជអាជ្ញា នៃអយ្យការអមសាលាដំបូងខេត្តរតនគិរី។

អាន​បន្ត៖ ឧបនាយករដ្ឋមន្ត្រី កើត រិទ្ធ អញ្ជើញប្រកាសចូលកាន់មុខតំណែង...

អនុរដ្ឋលេខាធិការក្រសួងអប់រំ និងអភិបាលរងខេត្តត្បូងឃ្មុំ សម្ពោធអគារសិក្សាថ្មី និងសមិទ្ធផលនានា នៅក្នុងសាលាចំនួន៤១សាលា ដែលទទួលបានការឧបត្ថម្ភគាំទ្រពីជំនួយមូលនិធិគីនចាន នៅសាលាឈើខ្លឹម ស្រុកមេមត់

សេចក្ដីលម្អិត

ជំពូក៖ ព័ត៌មានខេត្ត

(ត្បូងឃ្មុំ) ៖ ថ្ងៃទី៣១ ខែតុលា ឆ្នាំ២០២៣ ឯកឧត្តម វង ភិរុណ អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា, ឯកឧត្តម ចេង ប៊ុណ្ណារ៉ា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ និងលោកតា ហាតមុត ជីស៊ិកេ ប្រធានមូលនិធិគីមចាន អញ្ជើញជាអធិបតី កម្មវិធីសម្ពោធ អគារសិក្សាថ្មី និងសមិទ្ធផលនានានៅក្នុងសាលាចំនួន៤១សាលា ដែលឧបត្ថម្ភគាំទជំនួយពីមូលនិធិគីនចាន "គម្រោងកុមារកម្ពុជារីករាយ និងការផ្តល់នូវលិខិតថ្លែងអំណរគុណជូនដល់អង្គការម្ចាស់ជំនួយ និងដៃគូរប្រតិបតិ្តគម្រោង" នៅបរិវេណសាលាបឋមសិក្សាឈើខ្លឹម ស្ថិតនៅឃុំរំចេក ស្រុកមេមត់ ខេត្តត្បូងឃ្មុំ ។

អាន​បន្ត៖ អនុរដ្ឋលេខាធិការក្រសួងអប់រំ និងអភិបាលរងខេត្តត្បូងឃ្មុំ សម្ពោធអគារសិក្សាថ្មី...