ប៉ូលិសចិន ដាក់ពង្រាយឧបករណ៍បច្ចេកវិទ្យាខ្ពស់ ដើម្បីបង្ក្រាបការតវ៉ា

សេចក្ដីលម្អិត

ជំពូក៖ ព័ត៌មានអន្តរជាតិ

ប៉ូលីសចិន បានដាក់ពង្រាយឧបករណ៍ឃ្លាំមើលដ៏ទំនើបនៅក្នុងការជំរុញមួយ ដើម្បីលុបបំបាត់រលកនៃភាពចលាចលទូទាំងប្រទេស ដោយប្រើកម្មវិធីសម្គាល់មុខ និងទិន្នន័យទីតាំង ដើម្បីតាមដាន និងឃាត់ខ្លួនក្រុមបាតុករ។

ការអាក់អន់ចិត្តចំពោះការរឹតត្បិត COVID-19 ដែលអូសបន្លាយពេលយូរ បានផ្ទុះឡើង ដែលបង្កឱ្យមានការតវ៉ាទាមទារឱ្យបញ្ចប់ការបិទខ្ទប់ និងទាមទារសេរីភាពនយោបាយកាន់តែទូលាយជាងមុន ក្នុងកម្រិតដែលមើលមិនឃើញពីមុន ក្នុងរយៈពេលជាច្រើនទសវត្សរ៍មកនេះ។

នៅពេលដែលទីក្រុងប៉េកាំង បានប្រកាសពីការបង្ក្រាបប្រឆាំងនឹងការតវ៉ា ឧបករណ៍សន្តិសុខដ៏ធំរបស់ប៉ូលីសក្រុងប៉េងកាំង សៀងហៃ និងហ្វាងចូវ ត្រូវបានផ្លាស់ប្តូរទៅជាឧបករណ៍ប្រើប្រាស់ការឃ្លាំមើលដ៏ទំនើប ដើម្បីតាមដានសកម្មជន នេះបើយោងតាមមេធាវីសិទ្ធិមនុស្ស ដែលផ្តល់ដំបូន្មានផ្នែកច្បាប់ដោយឥតគិតថ្លៃដល់ក្រុមបាតុករ។

លោកស្រី បានប្រាប់ AFP ថា នៅទីក្រុងផ្សេងទៀត ប៉ូលីស ទំនងជាបានពឹងផ្អែកលើវីដេអូឃ្លាំមើល និងការសម្គាល់មុខ។ ប៉ូលីសក្រុងប៉េកាំង ប្រហែលជាបានប្រើប្រាស់ទិន្នន័យទីតាំងទូរស័ព្ទ ដែលថតបានពីម៉ាស៊ីនស្កេននៅកន្លែង ឬលេខកូដសុខភាព COVID-19 ដែលស្កែនដោយមនុស្សជិះតាក់ស៊ីទៅកាន់តំបន់ ដែលការតវ៉ាបានកើតឡើង។