បណ្តាញសង្គម

រដ្ឋមន្ត្រីការពារជាតិឥណ្ឌូណេស៊ី ចូលរួមការប្រកួតប្រជែងតំណែងប្រធានាធិបតី

 រដ្ឋមន្ត្រីក្រសួងការពារជាតិឥណ្ឌូនេស៊ី លោក Prabowo Subianto បានចុះឈ្មោះគណបក្សនយោបាយរបស់លោក សម្រាប់ការបោះឆ្នោតជាតិឆ្នាំ 2024 ដែលជាសញ្ញាអ្វីដែលអ្នកវិភាគនិយាយថា ទំនងជាសំណើរប្រជែងតំណែងប្រធានាធិបតីទីបី សម្រាប់អ្នកនយោបាយដ៏ចម្រូងចម្រាសបំផុតមួយរបស់ប្រទេស។

លោក Prabowo បានចាញ់ប្រធានាធិបតី ដែលកំពុងកាន់អំណាច Joko Widodo នៅក្នុងការបោះឆ្នោតឆ្នាំ 2014 និង 2019 ប៉ុន្តែជាមួយការកាន់តំណែង កំណត់បានត្រឹមពីរអាណត្តិ ការប្រកួតប្រជែង កំពុងដំណើរការមុនការបោះឆ្នោត ដើម្បីសម្រេចចិត្តថា អ្នកណានឹងដឹកនាំប្រទេសប្រជាធិបតេយ្យធំជាងគេទីបីរបស់ពិភពលោកមួយនេះ។

លោក Prabowo វ័យ 70 ឆ្នាំ ដែលធ្លាប់ជាកូនប្រសាររបស់បុរសខ្លាំងឥណ្ឌូនេស៊ី Suharto បានចុះឈ្មោះគណបក្ស Gerindra របស់លោក កាលពីថ្ងៃចន្ទ ហើយបាននិយាយថា លោក នឹងចូលរួមប្រជែងតំណែង ប្រសិនបើត្រូវបានតែងតាំងដោយសមាជិករបស់ខ្លួន។

ក្នុងនាមជាអតីតប្រធានអង្គភាពកងកម្លាំងពិសេសយោធា ដែលត្រូវបានចោទប្រកាន់ពីអំពើឃោរឃៅកាលពីអតីតកាល លោក Prabowo ត្រូវបានហាមឃាត់មិនឱ្យទៅបំពេញទស្សនកិច្ចនៅសហរដ្ឋអាមេរិកជុំវិញការចោទប្រកាន់ពីបទរំលោភសិទ្ធិមនុស្ស ដែលលោក បានបដិសេធម្តងហើយម្តងទៀត។

មិនមានការចោទប្រកាន់ណាមួយ ត្រូវបានគេបញ្ជាក់ទេ ហើយសហរដ្ឋអាមេរិក ក៏បានទម្លាក់បម្រាមនេះនៅឆ្នាំ ២០២០។ សូមបញ្ជាក់ថា លោក Jokowi មិនបានគាំទ្រយ៉ាងច្បាស់នូវអ្នកស្នងតំណែងដ៏មានសក្តានុពលណាមួយឡើយ ហើយក៏គ្មានបេក្ខជនណាម្នាក់ បានប្រកាសជាផ្លូវការនូវចេតនារបស់ពួកគេក្នុងការឈរឈ្មោះជាប្រធានាធិបតីនោះទេ នេះបើតាមការផ្សាយរបស់ Reuters ។