មេដឹកនាំកូរ៉េខាងជើង Kim Jong Un ទទួលលិខិតពីលោកប្រធានាធិបតីអាមេរិក Trump

សេចក្ដីលម្អិត

ជំពូក៖ ព័ត៌មានអន្តរជាតិ

មេដឹកនាំកំពូលរបស់សាធារណះរដ្ឋប្រជាមានិតប្រជាធិបតេយ្យកូរ៉េ គឺ លោក Kim Jong Un បានទទួលនូវលិខិតឯកជនមួយពីលោកប្រធានាធិបតីសហរដ្ឋអាមេរិក Donald Trump នេះបើតាមសេចក្តីរាយការណ៏ពីទីភ្នាក់-ងារព័ត៌មានមជ្ឈឹមរបស់កូរ៉េ ផ្សាយកាលពីថ្ងៃអាទិត្យ។

បន្ទាប់ពីអានលិខិតនោះរួចមក លោក គីម និយាយដោយពេញចិត្តថា លិខិតនេះ គឺមាន “ខ្លឹមសារដ៏អស្ចារ្យ”។ មេដឹកនាំកំពូលម្នាក់នេះ ថ្លែងថា លោក អាចនឹង “ពិចារណាយ៉ាងម៉ត់ចត់ពីខ្លឹមសារគួរឱ្យចាប់អារម្មណ៍” នេះបើតាមទីភ្នាក់ងាររាយការណ៏បន្ថែម។

ប៉ុន្តែទីភ្នាក់ងារខាងលើ មិនបានបង្ហាញពីសេចក្តីលំអិតបន្ថែមអមពីខ្លឹមសារនៃលិខិតនោះទេ នេះបើតាមការផ្សាយរបស់សារព័ត៌មានផ្លូវការរបស់ចិន ស៊ិនហួរ កាលពីថ្ងៃអាទិត្យ។