បច្ចុប្បន្នភាពប្រចាំថ្ងៃ៖ គិតត្រឹមព្រឹកថ្ងៃ០២ ខែវិច្ឆិកានេះ តំបន់អាស៊ានមានអ្នកឆ្លងកូវីដ១៩ ជាង ៣៤.៩លាននាក់ និងស្លាប់ជាង៣៦.០ម៉ឺននាក់

សេចក្ដីលម្អិត

ជំពូក៖ សេចក្តីប្រកាសព័ត៌មាន

គិតត្រឹមម៉ោង៨ ព្រឹកថ្ងៃទី០២ ខែវិច្ឆិកា ឆ្នាំ២០២២នេះ ចំនួនអ្នកឆ្លងជំងឺកូវីដ១៩ នៅក្នុងប្រទេសសមាជិកអាស៊ានទាំងអស់ បានកើនឡើងដល់ជាង៣៤.៩លាននាក់ហើយ ក្នុងនោះអាស៊ានក៏មានអ្នកស្លាប់ដោយជំងឺនេះ សរុបជាង ៣៦,០ម៉ឺននាក់ដែរ។

ទោះបីជាចំនួនអ្នកឆ្លងស្ថិតនៅកម្រិតតិចតួចជាងមុន ប៉ុន្តែបើប្រៀបធៀបទៅនឹងទិន្នន័យនៃការឆ្លងពីម្សិលមិញ ចំនួនអ្នកឆ្លងជំងឺកូវីដ១៩ នៅតំបន់អាស៊ាន មានការកើនឡើងប្រមាណជាង ១មឺុននាក់។ នេះបើតាមទិន្នន័យគេហទំព័រតាមដានការរីករាលដាលជំងឺកូវីដ១៩ លើពិភពលោក WORLDOMETER។

វៀតណាម នៅតែបន្តជាប្រទេសមានចំនួនអ្នកឆ្លង ច្រើនជាងគេក្នុងចំណោមសមាជិកអាស៊ានទាំងអស់។ បន្ទាប់មកប្រទេសប្រទេសឥណ្ឌូនេស៊ី និងប្រទេសម៉ាទ្បេស៊ី។ ខាងក្រោមនេះ ជារបាយការណ៍ នៃការឆ្លងរីករាលដាលជំងឺកូវីដ១៩ ក្នុងប្រទេសអាស៊ានគិតត្រឹមព្រឹកថ្ងៃទី០១ ខែវិច្ឆិកា ឆ្នាំ២០២២៖

* វៀតណាម ឆ្លងចំនួន ១១,៥០៣,៣៣៤នាក់ (ស្លាប់ ៤៣,១៦៤នាក់)

* ឥណ្ឌូនេស៊ី ឆ្លងចំនួន ៦,៤៩៧,៧៨៦នាក់ (ស្លាប់ ១៥៨,៦៦៣នាក់)

* ម៉ាទ្បេស៊ី ឆ្លងចំនួន ៤,៩០៥,៨៧៧នាក់ (ស្លាប់ ៣៦,៤៧៨នាក់)

* ថៃ ឆ្លងចំនួន ៤,៦៩២,៤៤៨នាក់ (ស្លាប់ ៣២,៩៥៥នាក់)

* ហ្វីលីពីន ឆ្លងចំនួន ៤,០០៥,១៥៧នាក់ (ស្លាប់ ៦៤,១០៩នាក់)

* សិង្ហបុរី ឆ្លងចំនួន ២,១០៨,០២៤នាក់ (ស្លាប់ ១,៦៨០នាក់)

* មីយ៉ាន់ម៉ា ឆ្លងចំនួន ៦៣១,៧១៦នាក់ (ស្លាប់ ១៩,៤៨២នាក់)

* ព្រុយណេ ឆ្លងចំនួន ២៣៧,៦៥៦នាក់ (ស្លាប់ ២២៥នាក់)

* ទ្បាវ ឆ្លងចំនួន ២១៦,២៤៣នាក់ (ស្លាប់ ៧៥៨នាក់)

* កម្ពុជា ឆ្លងចំនួន ១៣៧,៩៩២នាក់ (ស្លាប់ ៣,០៥៦នាក់)៕