អបអរសាទរ! ក្រុមកីឡាបាល់ទាត់បុរស ធនាគារ ស្ថាបនា ឈ្នះជើងឯក និងត្រៀមទៅប្រកួតនៅចក្រភពអង់គ្លេស
- Details
- Category: Sport News
ថ្មីៗនេះ ក្រុមកីឡាបាល់ទាត់បុរស ធនាគារ ស្ថាបនា បានទទួលជ័យជម្នះក្នុងព្រឹត្តិការណ៍ពានរង្វាន់ AIA Corporate Cup 2024 ដែលរៀបចំឡើងដោយ អេ អាយ អេ ខេមបូឌា សម្រាប់បុគ្គលិកក្រុមហ៊ុនដៃគូសាជីវកម្មរបស់ខ្លួនទទួលបានសុខភាព និងជីវិតកាន់តែប្រសើរ ក៏ដូចជាអត្ថប្រយោជន៍ជាច្រើនទៀតតាមរយៈបាល់ទាត់។
ជ័យលាភីដ៏អស្ចារ្យនេះ ពិតជាបានបង្ហាញគុណតម្លៃនៃការសហការជាក្រុម ការតស៊ូ និងស្មារតីកីឡារបស់សមាជិកក្រុមដែលខិតខំប្រឹងប្រែង រហូតទទួលបានភាពជោគជ័យនេះ។
អ្វីដែលជាទីសាទរថែមមួយកម្រិតទៀតនោះ គឺក្រុមបាល់ទាត់បុរសរបស់ ធនាគារ ស្ថាបនា នឹងតំណាងឲ្យកម្ពុជា ធ្វើដំណើរឆ្ពោះទៅការប្រកួតបន្តនៅទីក្រុងឡុងដ៍ នៃចក្រភពអង់គ្លេសជាមួយនឹងក្រុមតំណាង AIA ដែលមកពីបណ្តាប្រទេសផ្សេងៗ។
