អនុប្រធានមន្ទីរអប់រំ យុវជន និងកីឡា រាជធានីភ្នំពេញ៖ ការប្រកួតសិស្សមធ្យមសិក្សាជើងឯកឆ្នាំ២០២៣-២៤ ជំរុញយុវជនឲ្យលេងកីឡា
- Details
- Category: Sport News
អនុប្រធានមន្ទីរអប់រំ យុវជន និងកីឡា រាជធានីភ្នំពេញ ថាការប្រកួតសិស្សមធ្យមសិក្សាជ្រើសរើសជើងឯករាជធានីភ្នំពេញ ឆ្នាំ២០២៣-២៤ គឺជាការលើកស្ទួយវិស័យកីឡា និងបានជំរុញយុវជនឲ្យលេងកីឡាផងដែរ។
ថ្លែងក្នុងពិធីបិទការប្រកួតសិស្សមធ្យមសិក្សាជ្រើសរើសជើងឯករាជធានីភ្នំពេញកាលពីព្រឹកថ្ងៃអាទិត្យ លោក អ៊ុក ចន្ថា សូមថ្លែងអំណរគុណដល់ប្រតិភូកីឡា និងនាយកសាលានានាដែលបានខិតខំបង្កើតឲ្យមានជាក្រុមកីឡាផ្សេងៗបានមកចូលរួមក្នុងកាប្រកួតឆ្នាំនេះ។
ចំពោះសាលាដែលមិនបានចូលរួមក្នុងឆ្នាំនេះសូមឲ្យមានឆន្ទៈរៀបចំក្រុមដើម្បីបានចូលប្រកួតប្រជែងនៅឆ្នាំក្រោយ។លោក អ៊ុក ចន្ថា បន្ថែមទៀតថា ការចូលរួមពីបណ្ដាសាលានានានេះបានបញ្ជាក់ពីទឹកចិត្តចូលរួមលើកស្ទួយវិស័យកីឡានៅរាជធានីភ្នំពេញ។
ប្រកួតសិស្សមធ្យមសិក្សាជ្រើសរើសជើងឯកនេះជាការជំរុញដល់យុវជនឲ្យលេងកីឡា និងចាប់យកកីឡាណាមួយដែលខ្លួនស្រឡាញ់នាំឲ្យរឹតតែមានធនធានកីឡាបន្ថែមទៀតក្នុងរាជធានីភ្នំពេញ។
បញ្ជាក់ដែរថា ការប្រកួតសិស្សមធ្យមសិក្សាជ្រើសរើសជើងឯករាជធានីភ្នំពេញ ឆ្នាំ២០២៣-២៤ ធ្វើឡើងកាលពីថ្ងៃទី១១ ដល់ ១៧ ខែមីនា ឆ្នាំ២០២៤។ ការប្រកួតនេះមានប្រភេទកីឡាដូចជា បាល់ទាត់ បាល់ទះ បាល់បោះ អត្តពលកម្ម និងវាយកូនឃ្លីលើតុ។
ពិធីបិទបញ្ចប់ការប្រកួតនេះធ្វើឡើងកាលពីព្រឹកថ្ងៃអាទិត្យ ទី១៧ ខែមីនា នៅវិទ្យាជ្រោយចង្វា៕
