បុរសម្នាក់ឈប់ម៉ូតូលោតទឹកពីលើស្ពានជ្រោយចង្វារ សំណាងល្អត្រូវនគរបាលចេញទូកទៅជួយស្រង់ទាន់
- Details
- Category: Social Security News
រាជធានីភ្នំពេញ ៖ បុរសម្នាក់បានជិះម៉ូតូទៅលោតទឹកពីលើស្ពានជ្រោយចង្វារ តែសំណាងល្អ ត្រូវបាននគរបាលរួមជាមួយអ្នកនេសាទ ចេញទូកទៅជួយស្រង់ សង្គ្រោះទាន់ពេល ។ ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ១និង៤០នាទីរសៀល ថ្ងៃទី០៥ ខែមេសា ឆ្នាំ២០២៤ នៅចំណុចស្ពានជ្រោយចង្វារថ្មី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បុរសដែលគិតខ្លីនោះ មានឈ្មោះ រត្ន័ ណាម៉ានី អាយុប្រមាណជាង៣០ឆ្នាំ មានលំនៅស្រុកមេសា ខេត្តព្រៃវែង ជិះម៉ូតូម៉ាកហុងឌ្រីម មួយគ្រឿង ដោយមានដឹកសម្ភារៈ ១ថង់ផងដែរ ។ តាមសាក្សី បានអោយដឹងថា នៅមុនពេលកើតហេតុ គេឃើញបុរសរូបនោះបានជិះម៉ូតូ ១គ្រឿងខាងលើ ឡើងស្ពានជ្រោយចង្វារថ្មី ក្នុងទិសដៅពីកើតទៅលិច នៅពេលដលកណ្តាលស្ពានហួសបន្តិច ក៍បានឈប់ម៉ូតូដោះមួកពាក់លើម៉ូតូ ហើយលោតចុះទៅក្នុងទន្លេតែម្តង ។
តាមអ្នកឃើញហេតុការណ៍ បានអោយដឹងថា ខណៈនោះគេឃើញបុរសរូបនោះបានហែលចូលខាង ភ្លាមៗនគរបាលអង្គភាពការពារគោលដៅទី៣ ដែលប្រចាំការ ក៍បានហៅទូកនេសាចេញទៅជួយស្រង់ សង្គ្រោះទាន់រួចក៍បាននាំមកសាកសួរ។ ទោះបីជាយ៉ាងណា គេពុំដឹងថា បុរសរូបនោះ មានវិបត្តិអ្វីឡើយ បានជាគិតខ្លីបែបនេះ ។ បើតាមនគបាលអោយដឹងថា នៅមុនពេលកើតហេតុ បុរសរូបនោះមានទំនាស់គ្នា ជាមួយប្រពន្ធ ហើយបានទៅផឹកស្រាស្រវឹងជោក ក៍បានជិះម៉ូតូមកលោតទឹកតែម្តង។ បន្ទាប់ពីស្រង់ នគរបាលអង្គភាពការពារគោលដៅទី៣ ក៍បានអប់រំ រួចអោយត្រឡប់ទៅផ្ទះវិញ ៕
ដកស្រង់ពី៖កោះសន្តិភាព