កម្លាំងនគរបាលខណ្ឌចំនួន២ សហការចាប់ជនសង្ស័យ៣នាក់ ពាក់ព័ន្ធឆក់កាបូបលុយ
- Details
- Category: Social Security News
កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌដូនពេញ សហការជាមួយកម្លាំងជំនាញរបស់អធិការដ្ខាននគរបាលខណ្ឌឬស្សីកែវ បានធ្វើការស្រាវជ្រាវ និងឈានដល់ការឃាត់ខ្លួន ជនសង្ស័យចំនួន ០៣នាក់ បានជាបន្តបន្ទាប់់ នៅវេលាម៉ោង០២រសៀលនៅថ្ងៃទី១៦ ខែមករា ឆ្នាំ២០២២នេះ ពាក់ព័ន្ធករណីជិះម៉ូតូឆក់កាបូបលុយ តាមផ្លូវសាធារណៈ ។
ករណីជិះម៉ូតូឆក់កាបូបលុយនេះ ក្រុមជនសង្ស័យបានធ្វើសកម្មភាពកាលពីវេលាម៉ោង ១២និង៣០នាទីថ្ងៃទី១៣ ខែមករា ឆ្នាំ២០២២ នៅចំណុចខាងលិចក្រសួងសេដ្ឋកិច្ច និងហិរញ្ញវត្ថុ ផ្លូវលេខ៦១ ភូមិ១០ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។ ជនសង្ស័យ ដែលកម្លាំងចម្រុះត្រូវឃាត់ខ្លួន រួមមាន ៖ ទី១- ឈ្មោះ ផល ស៊ែមប៉ាទ្រីក ភេទប្រុស ជនជាតិខ្មែរ មុខរបរសិស្ស មានទីលំនៅផ្ទះជួល ផ្លូវ៨០ ភូមិ២២ សង្កាត់ស្រះចក ខណ្ឌដូនពេញ រាជធានីភ្នុំពេញ ។ ទី២- ឈ្មោះ សេង វិច្ឆ័យ ភេទប្រុស ជនជាតិខ្មែរ មុខរបរសិស្ស ស្នាក់នៅផ្ទះជួល ផ្លូវ៨០ ភូមិ២២ សង្កាត់ស្រះចក ខណ្ឌដូនពេញ រាជធានី ភ្នំពេញ ។ និងទី៣- ឈ្មោះសុទ្ធ ជីវ័ន្ដ ភេទប្រុស ជនជាតិខ្មែរ មុខរបរសិស្ស ស្នាក់នៅផ្ទះជួល ផ្លូវ៨០ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ ។ បច្ចុប្បន្នជនសង្ស័យទាំង៣នាក់ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្ទតាមនិតិវិធី ៕
ដកស្រង់ពី៖ កោះសន្តិភាព