អស់ទាស់ ស៊ិន យូប៊ិន លេង Fashion ឡើងឡូយ ចូលកម្មវិធីធំនៅទីក្រុងប៉ារីស
- Details
- Category: Other News
តារាស្រីវ័យក្មេងកម្ពុជា ស៊ិន យូប៊ីន បានបង្កការចាប់អារម្មណ៍ច្រើនប៉ុន្មានថ្ងៃនេះ ក្រោយពីប្រិយមិត្តបានឃើញនាងលេចមុខយ៉ាងកម្រក្នុងកម្មវិធីធំនៅទីក្រុងប៉ារីសប្រទេសបារាំង។
តាមទំព័រហ្វេសប៊ុកផ្លូវការរបស់តារាស្រី បានប្រាប់ក្រុមអ្នកគាំទ្រថា នាងបានចូលរួមក្នុងកម្មវិធីធំមួយនៅប្រទេសបារាំង តាមការអញ្ជើញរបស់ក្រុមហ៊ុនធំមួយ។ កម្មវិធីនោះមានឈ្មោះថា "Christian Dior haute couture spring/summer 2023”។ យូប៊ីន បានគ្រងសំលៀកបំពាក់ព័ណ៌ខ្មៅយ៉ាងឡូយ មើលទៅដូចតារាបញ្ចឹមប្រទេស។
ការណ៍នេះ បានឆក់យកការចាប់អារម្មណ៍យ៉ាងច្រើនពីអ្នកគាំទ្រនៅក្នុងស្រុក ព្រោះថា នាងគឺសិល្បការិនីអាជីពទី១ដែលត្រូវបានអញ្ជើញឲ្យចូលរួមក្នុងកម្មវិធីដ៏ធំនៅលើទឹកដីអឺរ៉ុប។ មិនត្រឹមតែអ្នកគាំទ្រក្នុងស្រុក ប៉ុន្តែនាងក៏ទទួលបានភាពទាក់ទាញទាំងនៅក្នុងកម្មវិធីផងដែរ ស្របពេលគេឃើញភ្នាក់ងារថតរូបបរទសក៏តាមប្រមាញ់រូបនាងដែរ។
នៅមុនលេចមុខលើទឹកដីអឺរ៉ុប ស៊ិន យូប៊ីន ក៏ទើបនឹងទទួលពានចំនួន ៥ ដោយនាងបានទៅទទួលដោយផ្ទាល់នៅក្នុងប្រទេសថៃថែមទៀតផង៕
ដកស្រង់ពី៖ Sabay