ចង់បានថ្មី ឬមួយទឹក! មើលតម្លៃ Super Cub 125 ស៊េរីថ្មីកំពុងមានលក់ពេលនេះ

Details

Category: Other News

ចេញមកស៊េរីថ្មីជាមួយការអាប់ដេតរូបរាងមានពណ៌ខ្មៅក្រឹបនៅលើតួម៉ាស៊ីន បានធ្វើឲ្យម៉ូតូ Honda Super Cub 125 ស៊េរីថ្មីនេះកាន់តែមានភាពទាក់ទាញខ្លាំងជាងស៊េរីមុនៗ។

Honda Super Cub C125 ស៊េរីថ្មីប្រភេទ Smart Keyនឹងមានជាមួយនឹងចំណុចខ្លាំងដូចជា ធន់ ងាយស្រួលប្រើប្រាស់ និងស៊ីសាំងតិច។ អ្វីដែលពិសេសជាងនោះទៅទៀតវាមានភាពនិយមខ្លាំងសម្រាប់ទីផ្សារប្រទេសកម្ពុជា ត្រូវចិត្តសម្រាប់យុវវ័យ។

Super Cub C125 ស៊េរីថ្មីនេះមានម៉ាស៊ីន១២៥ សេសេ ប៉ុន្តែវាត្រូវបានប្តូរម៉ាស៊ីនថ្មី មានតំរង់ប្រេង មកជាមួយ រានក្រោយ និងកែបស្រាប់ ឈ្នាន់ជើងស្រាប់ មិនដូច 2019ឡើយ។ បច្ចុប្បន្នតាមហាងនៅម្ដុំគិរីរម្យកំពុងដាក់លក់មានតម្លៃខ្ទង់ ៣ ៩៥០ដុល្លារ និងមួយទឹកមានតម្លៃខ្ទង់ ៣ ៧៥០ ដុល្លារ(តម្លៃអាចខុសគ្នាតិចតួចនៅតាមហាង)៕

ដកស្រង់ពី៖Sabay