អ្នកឧកញ៉ា ទៅ​ទាំង​យប់ យក​លុយ​ផ្ទាល់​ខ្លួន ដោះស្រាយ​អោយ​កម្ម​ករ​សិន បន្ទាប់ពី​ប្រធាន​ម៉ៅ​ការ​ត្រូវ​ឃាត់​ខ្លួន

Details

Category: Other News

នៅយប់មិញនេះ អ្នកឧកញ៉ា ឡេង ណាវ៉ាត្រា បានទៅដល់ទីតាំងគម្រោងអភិវឌ្ឍទីក្រុងរណប poipet Satellite city ជាប់នឹងព្រំដែនថៃទាំងយប់ដើម្បីត្រួតពិនិត្យបើកប្រាក់ជូនបងប្អូនកម្មករ ខណៈអ្នកម៉ៅការត្រូវបានអាជ្ញាធរឃាត់ខ្លួន។

អគ្គនាយកក្រុមហ៊ុន ឡេង ណាវ៉ាត្រា គ្រុប អ្នកឧកញ៉ា ឡេង ណាវ៉ត្រា មានប្រសាសន៍លើទំព័រហ្វេសបុកមុននេះបន្តិថា៖ "ខ្ញុំធ្វើដំណើរទាំងយប់មក ព្រំដែនថៃក្នុងគំរោងទីក្រុងរណប poipet Satellite city ហើយបង្ខំចិត្តឃាត់ខ្លួនម្ចាស់ក្រុមហ៊ុនម៉ៅការ(KMB) ធ្វើតាមផ្លូវច្បាប់ ដែលក្រុមហ៊ុនម៉ៅការនេះមិនបើកប្រាក់អោយកម្មករ" ។

បើតាមអ្នកឧកញ៉ា បានឲ្យដឹងថា ចំពោះរឿងថ្លៃឈ្នួលនេះ ក្រុមហ៊ុនរបស់អ្នកឧកញ៉ា បានទូទាត់ទៅក្រុមហ៊ុនម៉ៅការតាមកិច្ចសន្យាអស់ទៅហើយ តែក្រុមហ៊ុនម៉ៅការ (KMB) បែរជាមិនបើកឲ្យកម្មករទៅវិញ ដែលធ្វើឲ្យកម្មករយល់ច្រលំមកលើក្រុមហ៊ុន ។ អ្នកឧកញ៉ាបានបញ្ជាក់ថា "តែទោះជាយ៉ាងខ្ញុំបានអោយក្រុមកាងារចេញលុយផ្ទាល់ខ្លួនបើកបញ្ចប់អោយកម្មករសិន ចំពោះក្រុមហ៊ុនម៉ៅការ(KMB) យើងបន្តនិតិវិធីដោះស្រាយតាមក្រោយ"។

គួររម្លឹកជូនផងដែរថា ថ្មីៗនេះផ្ទុះកាតវ៉ាពីបងប្អូនកម្មករបំរើការងារឲ្យ "គម្រោងទីក្រុងរណប Poipet Satellite City" របស់មហាសេដ្ឋីវ័យក្មេង ឡេង ណាវ៉ាត្រា ថាមិនបានបើកលុយឲ្យកម្មករ។ ខណៈអ្នកគ្រប់គ្រងនៅគម្រោងទីក្រុងរណបរបស់អ្នកឧកញ៉ា បានស្វែរកតាមឃាត់ខ្លួនម្ចាស់ក្រុមហ៊ុន KMB ដែលម៉ៅការសាងសង់ដើម្បីមកទទួលខុសត្រូវនឹងបើកលុយជូនកម្មករជាកំហិត។

គម្រោងសាងសង់ទីក្រុងរណប របស់អ្នកឧកញ៉ា មានផ្ទៃដីទំហំរហូតជិត ៤000 (បួនពាន់) ហិចតា នោះ បានម៉ៅការទៅអោយក្រុមហ៊ុន (KMB) សាងសង់អាគាពាណិជ្ជកម្មគ្រោង ៣០អាគារ មានដូចជា៖ កាស៊ីណូ ហូតែល រីស៊ត ខុនដូ នឹងអាគាពាណិជ្ជកម្មជាច្រើនទៀត៕

ដកស្រង់ពី៖ Sabay