អបអរសាទរ យឿន ពិសី រៀប​ការហើយ​ជាមួយ នារី​​ដ៏​ស្រស់​ស្អាត​ម្នាក់!

Details

Category: Other News

តារាចម្រៀងប្រុសកំពុងជាប់កុងត្រានៅផលិតកម្មរស្មីហង្សមាស យឿន ពិសី ត្រៀមចេញទៅក្រេបទឹកឃ្មុំជាមួយភរិយាដែលទើបរៀបការកាលពីយប់មិញនៅខេត្តមណ្ឌលគីរី និងខេត្តមួយចំនួនទៀត។

ទន្ទឹមគ្នានេះលោកបង្ហើបថា រូបលោក និងភរិយា បានពិភាក្សាគ្នារួចហើយថានឹងពង្រីកមុខរបររបស់ខ្លួនឲ្យបានកាន់តែធំ ឬកាន់តែរឹងមាំសិន ទើបយកបុត្រ។ តារាចម្រៀងវ័យ២១ឆ្នាំរូបនេះ បានប្រាប់ Sabay នៅរសៀលថ្ងៃទី១៨ ខែមករា ថា បច្ចុប្បន្នរូបលោកមានស្ទូឌីយោតូចមួយ រីឯភរិយាក៏មានហាងសាឡនតូចល្មមមួយដែរនៅក្នុងផ្សារមួយ ប៉ុន្តែប្រភពចំណូលទាំងពីរនេះមិនអាចធ្វើឲ្យគ្រួសារលោករុងរឿង ឬមានលទ្ធភាពរកបុត្របាននៅឡើយទេ។

យឿន ពិសី៖"អត់បានទៅដើរលេងក្រៅប្រទេសអីទេបងអើត...បានតែក្នុងប្រទេសហ្នឹង! ព្រោះពួកខ្ញុំសាមញ្ញៗ។ ក្រោយរៀបការអីចឹងចង់ទុកលុយធ្វើទុនរកស៊ីបានច្រើនបន្តិច ព្រោះខ្ញុំខាងស្ទូឌីយោ ហើយប្រពន្ធខ្ញុំខាងសាឡន"។

សូមរំលឹកថា អតីតម្ចាស់ជយលាភីលេខ១ក្នុងកម្មវិធី"Cambodia got Talent" ឆ្នាំ២០១៥ បានរៀបការជាមួយនារីដ៏ស្រស់សោភាម្នាក់ឈ្មោះ ហេង កក្កដា មានមុខរបរជាអ្នកសំអាង។ ពិធីមង្គលនេះ បានធ្វើឡើងកាលពីយប់ថ្ងៃទី១៧ ខែមករា ឆ្នាំ២០២១ ស្ថិតនៅភូមិថ្មគោល២ ខណ្ឌពោធិ៍សែនជ័យ ដោយមានភ្ញៀវសិល្បករ-សិល្បការិនី និងបងប្អូនចូលរួមពិសាភោជនីយាហារចំនួន៣៧តុ៕

ដកស្រង់ពី៖ Sabay