WhatsApp អាប់ដេតថ្មី! អាចឲ្យ Video Conferencing ដល់ទៅ ៨នាក់ក្នុងពេលតែមួយ

Details

Category: Other News

ស្របពេលជាមួយហ្នឹងមានការរីករាលដាលនៃជំងឺ កូវីត-១៩ មានកម្មវិធីជាច្រើនដែលត្រូវបានគេយកមកធ្វើជាការទាក់ទងគ្នាតាមរយៈ Video Conferencing ជំនួសឱ្យការជួបមុខគ្នាដោយផ្ទាល់ មានដូចជា Facebook Messenger, Skype, Zoom និង Microsoft Teams ជាដើម។

ដោយឡែកក្រុមហ៊ុន ហ្វេសប៊ុក ក៏បានធ្វើបច្ចុប្បន្នភាពទៅលើកម្មវិធី WhatsApp ផងដែរ។ ការធ្វើបច្ចុប្បន្នភាពថ្មីនេះ គឺអាចធ្វើឱ្យមានចំនួនអ្នកចូលរួមបានកាន់តែច្រើន ពោលគឺអាចធ្វើការចូលរួមក្នុង Video Conferencing បានដល់ទៅ ៨នាក់ ដែលពីមុនបានតែ៤នាក់ប៉ុណ្ណោះ។

ចំពោះសមាជិកដែលចង់ចូលរួមក្នុងក្រុម គឺត្រូវតែធ្វើបច្ចុប្បន្នភាពទៅលើកម្មវិធី WhatsApp ទៅជំនាន់ចុងក្រោយបង្អស់ទើបអាចធ្វើការចូលរួមបាន។

1. បើកកម្មវិធី WhatsApp ហើយចុចលើប៊ូតុង Call ដែលនៅផ្នែកខាងក្រោមអេក្រង់

2. បន្ទាប់មកចុចលើរូបសញ្ញា “Call+” ដែលនៅផ្នែកខាងលើ និងខាងស្ដាំអេក្រង់

3. ចុចលើពាក្យ “New Group Call” ហើយជ្រើសរើសសមាជិកដើម្បីបញ្ចូល (បានដល់៧នាក់)

4. ចុចលើរូបសញ្ញា វីដេអូ ដើម្បីចាប់ផ្ដើម Video Conferencing៕

ដកស្រង់ពី៖sabay