ស្នេហា ១៤ឆ្នាំរបស់ Taew និង Ton ត្រូវបញ្ចប់ដូចពាក្យចចាមអារ៉ាមមែន
- Details
- Category: Other News
ជាព័ត៌មានដ៏ភ្ញាក់ផ្អើលបំផុតពេល Taew Natapohn ចេញមុខបញ្ជាក់ថាទំនាក់ទំនងរវាងនាងនិងសង្សារ Ton Arch ត្រូវបញ្ចប់។
បន្ទាប់ពីទាក់ទងគ្នារយៈពេលដល់ទៅជាង ១៤ឆ្នាំ ស្នេហារបស់ Taew និង Ton ក៏ឈានដល់ផ្លូវបំបែក ធ្វើឲ្យអ្នកគាំទ្រអ្នកទាំង ២ភ្ញាក់ផ្អើលខ្លាំង ពេលសាមីខ្លួនខាងស្រីនិយាយក្នុងបទសម្ភាសមួយក្នុងកម្មវិធីទូរទស្សន៍ប៉ុស្តិ៍លេខ ៣។ Taew បាននិយាយថា ស្នេហារបស់នាងបានចប់រយៈពេលជាង ១ខែទៅហើយ ប៉ុន្តែទោះជាយ៉ាងណាពួកគេនៅតែរក្សាមិត្តភាពដដែល។
ចំណែកឯហេតុផលពីក្រោយនៃការបែកបាក់វិញ នាងមិនបានបង្ហើបឡើយ ហើយនាងក៏មិនចង់រម្លឹកច្រើនពីរឿងនេះដែរ ព្រោះនេះជារឿងផ្ទាល់ខ្លួន ហើយពួកគេក៏មានហេតុផលរៀងខ្លួនដែរ។ ជាក់ស្ដែងពាក្យចចាមអារ៉ាមនឹងទំនាក់ទំនងប្រេះឆារវាងអ្នកទាំង ២បានលេចឮមួយរយៈមកហើយ ប៉ុន្តែម្នាក់ៗនៅតែមិនទាន់ច្បាស់ចិត្តថាអ្វីជាការពិត រហូតដល់ពេលនេះគ្រប់យ៉ាងត្រូវបានទម្លាយហើយ៕
ដកស្រង់ពី៖ Sabay