ចាយលុយប៉ុន្មានទើបអាចបានឡាន Hummer ដាក់កង់៦ និងការពារគ្រាប់?
- Details
- Category: Other News
រថយន្ត Hummer H2 គឺជា SUV ខ្នាតធំដែលមានកាប៊ីនទូលាយ អាចដឹកមនុស្សមួយគ្រួសារ និងឥវ៉ាន់បានមួយចំនួនទៀត។
ថ្មីៗនេះ រថយន្ត Hummer H2 ដាក់កង់៦ និងបំពាក់អាវក្រោះការពារគ្រាប់មួយគ្រឿង របស់ក្រុមហ៊ុនច្នៃរថយន្តមួយនៅរុស្ស៊ី កំពុងដាក់លក់ ដោយគេដឹងថា វាជារថយន្តប្លែកខុសគេ និងមានតែមួយគ្រឿងគត់នៅក្នុងប្រទេស។ជាមួយនឹងតម្លៃប្រមាណ ៣៦ ០០០ដុល្លារ រថយន្ត H2 នេះមានបំពាក់លក្ខណៈពិសេសខុសពីធម្មតា ដូចជា បន្ថែមកង់ចំនួន២ បំពាក់ប៉ុងថែម១ទៀត និងបំពាក់អាវក្រោះការពារកម្រិត B ផងដែរ។ ដោយឡែក ផ្នែកខាងក្នុងវិញមានបំពាក់ប្រព័ន្ធសំឡេង Bose, កាមេរ៉ាមើលក្រោយ, ដៃចង្កូតមានមុខងារបញ្ជាច្រើន និង កៅអីមានមុខងារកម្តៅជាដើម។
វាទើបតែត្រូវគេបានប្រើចម្ងាយ ១៥២ ៨៧៧គីឡូម៉ែត្រប៉ុណ្ណោះ៕
ដកស្រង់ដោយ៖sabay