ក្នុងជីវិត Cha Eun Woo ស្អប់បំផុតចរិត ៤យ៉ាងនេះ
- Details
- Category: Other News
Cha Eun Woo ត្រូវបានគេចាត់ទុកថាជាតារាប្រុសបេះដូងបរិសុទ្ធ ដែលនារីៗនាំគ្នាលង់ស្នេហ៍ និងចង់បានជាគូអនាគតទៀតផង។
ជាក់ស្ដែងអំឡុងពេលចូលរួមកម្មវិធី «Master in the House» កាលពីថ្ងៃទី១៩ ខែមេសា Cha Eun Woo បានបង្ហាញពីចំណុចទាក់ទងនឹងខ្លួនផ្ទាល់ ពេលដាក់ពាក្យធ្វើការតំណែងជា «អ្នកហាត់ការថ្មីថ្មោង»។ Eun Woo បានសរសេរពីព័ត៌មានមួយចំនួនផ្ទាល់ខ្លួនមួយចំនួនតាំងពី ឈ្មោះកំណើត ឈ្មោះក្រៅ អាយុ កម្ពស់ និងទម្ងន់ -ល-។
ប៉ុន្តែក្នុងចំណោមអ្វីដែលបង្ហាញពេលនោះ មានចំណុចមួយដែលធ្វើឲ្យអ្នកគាំទ្រចាប់អារម្មណ៍ជាងគេនោះគឺ ពេលឃើញ Eun Woo សរសេររៀបរាប់ពីចំណុចដែលលោកស្អប់។ ម្ចាស់ Profile រូបនេះបានសរសេរថា មានរឿង ៤យ៉ាងដែលលោកស្អប់បំផុតគឺ ការប្រកាន់រើសអើងច្រើន ការកុហក ការមិនប្រាកដប្រជានឹងគម្រោងអ្វីមួយ និងការខ្ជះខ្ជាយពេលវេលា។
តាមរយៈអ្វីដែលបង្ហាញពេលនេះ ពិតជាបានធ្វើឲ្យអ្នកគាំទ្រដឹងច្បាស់ហើយ ថា Eun Woo មានបេះដូងបែបណា ហើយពួកគេរឹតតែពេញចិត្ត Idol ម្នាក់នេះកាន់តែខ្លាំង៕
ដកស្រង់ពី៖ Sabay