លោកបណ្ឌិត ហ៊ុន ម៉ាណែត៖ សម្រាប់មនុស្សម្នាក់ៗ ជីវិតសំខាន់ជាងអ្វីៗទាំងអស់ ហើយពលរដ្ឋបានទុកចិត្តសម្តេចតេជោ ហ៊ុន សែន ថាជាអ្នកការពារអាយុជីវិតរបស់ពួកគេ (Video inside)
- Details
- Category: National News
(ភ្នំពេញ)៖ លោកបណ្ឌិត ហ៊ុន ម៉ាណែត បេក្ខជននាយករដ្ឋមន្ត្រីរបស់គណបក្សប្រជាជនកម្ពុជា សម្រាប់ថ្ងៃអនាគត បានលើកឡើងថា សម្រាប់មនុស្សយើងម្នាក់ៗ ជីវិតសំខាន់ជាងអ្វីៗទាំងអស់ ហើយពលរដ្ឋបានទុកចិត្តសម្តេចតេជោថាជាអ្នកការពារអាយុជីវិតរបស់ពួកគេ។
តាមរយៈវីដេអូតាមបណ្តាញសង្គម លោកបណ្ឌិត ហ៊ុន ម៉ាណែត បានលើកឡើងដូច្នេះថា៖ «សម្រាប់មនុស្សម្នាក់ៗ ជីវិតសំខាន់ជាងគេ អស់ជីវិតគឺអស់អ្វីៗទាំងអស់ កុំថាមានផែនការចង់ធ្វើអ្វីទៀត។
យើងចង់បានជាងគេ គឺការពារជីវិត»។ លោកបណ្ឌិត បានរំលឹកថា នាពេលកន្លងមក មានប្រជាពលរដ្ឋជាច្រើន បានចាក់វ៉ាក់សាំង ដើម្បីការពារអាយុជីវិត។
ចំណុចនេះ នាពេលកន្លងទៅមានការឃោសនាអកុសលថា ចាក់វ៉ាក់សាំងនឹងធ្វើឱ្យស្លាប់ ប៉ុន្តែដោយសារតែប្រជាពលរដ្ឋខ្មែរមានការជឿជាក់លើសម្តេចតេជោ ហ៊ុន សែន ដែលខិតខំស្វែងរកវ៉ាក់សាំង ដើម្បីការពារជីវិតពលរដ្ឋ ទើបនាំគ្នាទៅចាក់វ៉ាក់សាំងទាំងអស់គ្នា។
លោកបណ្ឌិត បានបន្តថា ប្រសិនបើប្រជាពលរដ្ឋជឿទុកចិត្តសម្តេចតេជោ ថាអាចការពារអាយុជីវិតរបស់ពួកគាត់បាន សូមបន្តគាំទ្រដល់ការដឹកនាំរបស់សម្តេចតេជោបន្តទៀត៕
ដកស្រង់ពី៖ Fresh News