ការលេចធ្លាយឧស្ម័នក្លរីន សម្លាប់មនុស្ស ១២ នាក់ និងរបួស ២៥១ នាក់ នៅកំពង់ផែហ្ស៊កដានី

Details

Category: International News

 យ៉ាងហោចណាស់មនុស្ស 12 នាក់ បានស្លាប់ និង 251 នាក់ផ្សេងទៀត បានរងរបួសនៅក្នុងការ លេចធ្លាយឧស្ម័នក្លរីន ចេញពីធុងស្តុកទុកនៅឯកំពង់ផែ Aqaba របស់ប្រទេសហ្ស៊កដានី នេះបើតាមមន្ត្រី និងប្រព័ន្ធផ្សព្វផ្សាយរដ្ឋ  ។

ការលេចធ្លាយនេះ បានកើតឡើង បន្ទាប់ពីធុងមួយដែលពោរពេញទៅដោយឧស្ម័នក្លរីន 25 តោន ដែលត្រូវបាននាំចេញទៅកាន់ទីក្រុង Djibouti បានធ្លាក់ពីឧបករណ៏លើក ខណៈពេលដែលកំពុងដឹកជញ្ជូន ហើយបានធ្លាក់ចូលទៅក្នុងដំបូលនាវា អមដោយឧស្ម័នពណ៌លឿងទុំ ផុលឡើងលើអាកាស ខណៈដែលមនុស្ស បានរត់ចែកជើងគ្នា។

មន្ត្រីក្រសួងសុខាភិបាល បាននិយាយថា ពួកគេ រំពឹងថា មានមនុស្សមួយចំនួនតូចប៉ុណ្ណោះដែលត្រូវសម្រាកព្យាបាលនៅមន្ទីរពេទ្យ គិតត្រឹមថ្ងៃអង្គារ។ ក្លរីន គឺជាថ្នាំសម្លាប់មេរោគ និងជាភ្នាក់ងារបន្សុតទឹក ដែលត្រូវបានប្រើប្រាស់យ៉ាងទូលំទូលាយ ប៉ុន្តែប្រសិនបើស្រូបចូល ឧស្ម័នប្រែទៅជាអាស៊ីត hydrochloric ដែលអាចនាំឱ្យមានការដុតខាងក្នុង និងចូលតាមរយៈការបញ្ចេញទឹក ដែលមានប្រតិកម្មនៅក្នុងសួត។

កំពង់ផែ Aqaba របស់ប្រទេសហ្ស៊កដានី បានផ្អាកការងារ ដើម្បីអនុញ្ញាតឱ្យមានការត្រួតពិនិត្យគ្រាប់ធញ្ញជាតិរបស់ខ្លួន និងរកមើលសញ្ញានៃការចម្លងមេរោគ ប៉ុន្តែចរាចរណ៍តាមសមុទ្រនៅកំពង់ផែ Aqaba នៅតែបន្ត។

កំពង់ផែ Aqaba នៅចុងខាងជើងនៃសមុទ្រក្រហម គឺជាផ្លូវឆ្លងកាត់ដ៏សំខាន់សម្រាប់ការនាំចូល និងការនាំចេញទៅអ៊ីរ៉ាក់ជាយូរមកហើយ។ ក្រុមស៊ើបអង្កេតលើឧប្បត្តិហេតុនេះ ដែលដឹកនាំដោយរដ្ឋមន្ត្រីមហាផ្ទៃ ត្រូវបានបង្កើតឡើង ដើម្បីរកមើលមូលហេតុពិតប្រាកដ នេះបើតាមការផ្សាយរបស់ Reuters