បច្ចុប្បន្នភាពប្រចាំថ្ងៃ៖ គិតត្រឹមព្រឹកថ្ងៃ១៧ ខែឧសភា ការឆ្លងតំបន់អាស៊ានមានអ្នកឆ្លងកូវីដ១៩ មានការប្រែប្រួលតិចតួច ខណៈអ្នកឆ្លងមានចំនួនជាង៣៦.០លាននាក់ និងស្លាប់ជាង៣៦.៧ម៉ឺននាក់

Details

Category: Annoucement

(កម្ពុជា)៖ គិតត្រឹមម៉ោង៨ ព្រឹកថ្ងៃទី១៧ ខែឧសភា ឆ្នាំ២០២៣នេះ ចំនួនអ្នកឆ្លងជំងឺកូវីដ១៩ នៅក្នុងប្រទេសសមាជិកអាស៊ានទាំងអស់ មានការប្រែប្រួលតិចតួច ខណៈអ្នកឆ្លងបានកើនឡើងដល់ជាង៣៦.០លាននាក់ហើយ ក្នុងនោះអាស៊ានក៏មានអ្នកស្លាប់ដោយជំងឺនេះ សរុបជាង ៣៦,៧ម៉ឺននាក់ដែរ។

ទោះបីជាចំនួនអ្នកឆ្លងស្ថិតនៅកម្រិតតិចតួចជាងមុន ប៉ុន្តែបើប្រៀបធៀបទៅនឹងទិន្នន័យនៃការឆ្លងពីម្សិលមិញ ចំនួនអ្នកឆ្លងជំងឺកូវីដ១៩ នៅតំបន់អាស៊ាន មានការកើនឡើងប្រមាណជាង ៣ពាន់នាក់។

នេះបើតាមទិន្នន័យគេហទំព័រតាមដានការរីករាលដាលជំងឺកូវីដ១៩ លើពិភពលោក WORLDOMETER។ វៀតណាម នៅតែបន្តជាប្រទេសមានចំនួនអ្នកឆ្លង ច្រើនជាងគេក្នុងចំណោមសមាជិកអាស៊ានទាំងអស់។

បន្ទាប់មកប្រទេសប្រទេសឥណ្ឌូនេស៊ី និងប្រទេសម៉ាទ្បេស៊ី។ ខាងក្រោមនេះ ជារបាយការណ៍ នៃការឆ្លងរីករាលដាលជំងឺកូវីដ១៩ ក្នុងប្រទេសអាស៊ានគិតត្រឹមព្រឹកថ្ងៃ១៦ ខែឧសភា ឆ្នាំ២០២៣៖

* វៀតណាម ឆ្លងចំនួន ១១,៥៩៤,៦១៩ (ស្លាប់ ៤៣,២០១នាក់)

* ឥណ្ឌូនេស៊ី ឆ្លងចំនួន ៦,៧៩៨,៧៣៦នាក់ (ស្លាប់ ១៦១,៦៣៨នាក់)

* ម៉ាទ្បេស៊ី ឆ្លងចំនួន ៥,០៨៨,០០៩នាក់ (ស្លាប់ ៣៧,០៤៦នាក់)

* ថៃ ឆ្លងចំនួន ៤,៧៣៦,៣៥៦នាក់ (ស្លាប់ ៣៣,៩៨៩នាក់)

* ហ្វីលីពីន ឆ្លងចំនួន ៤,១១៨,០១៣នាក់ (ស្លាប់ ៦៦,៤៥៣នាក់)

* សិង្ហបុរី ឆ្លងចំនួន ២,៣៩១,២៤៨នាក់ (ស្លាប់ ១,៧២៧នាក់)

* មីយ៉ាន់ម៉ា ឆ្លងចំនួន ៦៣៧,៤៨៣នាក់ (ស្លាប់ ១៩,៤៩៤នាក់)

* ព្រុយណេ ឆ្លងចំនួន ២៩២,៦៤៤នាក់ (ស្លាប់ ២២៥នាក់)

* ទ្បាវ ឆ្លងចំនួន ២១៨,១០១នាក់ (ស្លាប់ ៧៥៨នាក់)

* កម្ពុជា ឆ្លងចំនួន ១៣៨,៧៣៦នាក់ (ស្លាប់ ៣,០៥៦នាក់)៕

ដកស្រង់ពី៖ Fresh New